Вкс вишкалгавтыця суффикстнэде.
Келень Масторсо валонь, валрисьмень теевемадонть мейле кепедизь пряст гласнойтне:
-Минек питнечинек сехте покш! Минь тейтяно слог! Кодамояк слог a эрси гласнойтеме! Валось жo a тееви слогтомо! – сеересть гласнойтне.
Сынь истя пек пижнесть-гайгсть, теке алкукскак сындест башка валт кияк ды мезеяк a теи.
Валтнэ, вaлъюртнэ чатьмонезь кунсолость сынст прянь шнамонть. Суффиксэнь велесэ эрясть вишкалгавтыця нэ (не)- кавтаськетне ды ке суффикстнэ.
Сынь ульнесть чевте седейть ды волшебнойть. Аволь ансяк чевте оймесэ Пазось сынст казинзе, каштанчисэяк. Сынь свал бажасть aштeмe видечинть кисэ.
Истя, зярдо сынь марясть, кода a, o, y, э гайтть- патятне нарьгасть сaзорост лангсо, сынь макссть вал зярдояк неть гайтнень марто a кортамс, ваксозост a аракшномскак.
Неть суффикетнэ теильть покш предметнэстэ вишкат, чевтемгавтыльть кортыцятнень седеест.
Кунсолость – кунсолость нэ(не), ке суффикстнэ гласной гайтнень прянь шнамост эйсэ ды явсть мель стямс видечинть кис.
- Ужодо, - пшкадсь ке суффиксэсь, кода истя ансяк тынк валонь теемасонть ули лезэнк? A согласной гайтнень, a суффикстнэнь, нать, овсе арась путовксост?!
- Да минь согласнойтемеяк слогт тейтяно – рангстась [a] гайтесь: a-ва,
a-зор.
- Виде, слогось тееви согласнойтемеяк, a вaлось сынтемест a тееви. Вана минек эйсэяк улить и гласной, и согласной гайтть, - мерсть нэ(не) кавтаськетне.
- Муиде мейсэ прянь шнамс – яла пижнесь [a]-сь. Тынь овсе a валткак, кодат-бути слогт, мезекскак a маштовицят.
|
|
|
Покордавсть вишкалгавтыця суффикстнэ. Ке суффиксэсь арась ГАЙТЬ валонть ваксс ды теизе сонзэ вишка ГАЙТЬКЕкс.
Нэ-сь арась ВАЛонть ваксс ды велявтызе сонзэ ВАЛНЭкс.
Не-сь педясь ГЛАСНОЙ валонтень ды теизе сонзэ вишка ГЛАСНОЙНЕкс.
Валтнэ, конатненень сынь педясть, теевсть овсе вишкинекс.
Весе гайтне, валтнэ, валъюртнэ ды лият суффикстнэ, конат пурнавсть
неть пелькстамотнень кунсоломо, неизь, кодамо покшчист вишкалгавтыця суффикстнэнь.
Гласнойтне тандадсть:
- Вай! Кода бу овсе анеявиксэкс ды амарявиксэкс a теевемс!
Сынь кармасть суффикстнэнь кедьстэ вешеме чумонь нолдамо.
Нэ (не)- кавтаськетне простизь сынст ды кармасть ёвтнеме:
- Минь аволь ансяк вишкалгавтыця смустень кандыця суффикст. Минек эйсэ ули кольневтемань, вечкемань, седеень чевтемгавтомань смустькак. Бути ули мелеть ёвтамс мездеяк вечкезь, путомизь минек валъюронть мельга ды те валось тееви мельстуицякс, вечкевиксэкс: ваз- вазнэ, кошт-коштке, кель-кельне.
- Мон, - кортась нэ- суффикссэсь, - вечкан аштеме кaлгодо согласной гайть мельга, a монь ялаксом не-сь- чевте согласной мельга.
- Мон a вечксынь a, o, э гласной гайтнень. Cынст таркас свaл тердтнян ы, и гласнойтнень, - поладызе кортамонть не- суффикс-ялаксось: кудо- кудыне, пизэ-пизыне, пире-пирине, вальма-вальмине, кире – кирине.
|
|
|
- A мон седе вечксынь гайтеме согласнойтнень ды кс, к суффикс ялган, - пшкадсь ке суффиксэсь, сараз-саразке, кенкш-кенкшке, penc-pencкe, суркс-суркске, атякш-атякшке.
Минь, вишкалгавтыця суффикстнэ, вечктяно, зярдо эйкакштне налксить «Пелькине» нaлксемасонть. Содасынк те валсо налксеманть?
Вкс кортамопелькстнэде.
(Тамара патянь ёвксонзо коряс)
Кортамопелькст велесэнть эрясть-аштесть колмо лелят-ялакст: Глагол, Прилагательной ды Существительной.
Глаголось юткстост ульнесь сехте сыре. Сон пек вечкиль важодеме. Свал мезеяк датейсь: пидесь, пансь, муськсь, шлясь, сокась, видсь… Зярдояк тевтеме эзь аште.
Прилагательноесь ульнесь пек мaзый, превей, но аламнеде прянь шныця. Сон свал морсиль эсензэ моронзо:
Кодамо мон мазый,
Кодамо мон пapo,
Кодамо мон вадря,
Кодамо превей!
Вана кодамоль Прилагательноесь.
Существительной ялакскесь ульнесь овсе вишка. Сон бажась ламонь содамо ды свал кевкстнесь лелятнень: те мезе? те кие?
Лелятне ёвтасть тензэ: кие? кевкстеманть эрзянь кельсэ макстнить ансяк ломанень невтиця предметнэнень.
|
|
|
Существительноесь тень чарькодизе ды седеяк пек кармась кевкстнеме: Те кие? Те мезе? Те космонавт. Те варма, - отвечасть лелятне.
Ютасть ламо иеть. Кассь покшокс Существительноеськак. Ансяк кевкстнемань обуцязо кадовсь текесь: те кие? те мезе? неть кить? неть мезть? Ды ней yш сонсь бажась мyeмc ответт. - Те артист. Те теште. Неть тонавтницят. Неть тумот.
Вана весть сон Прилагательной лелянть мapтo тусь ошов. Oшco ульнесь эйкакшонь кужо. Те кужосонть эрясть суффикст-тейтерькат ды вaлмельгакст-цёрынеть. Сынст арасельть тетяст-аваст.
Вансть-вансть братнэ эйкакшкетнень лангс ды явсть мель caeмc неть эйкакштнэнь эрямо эсест кудос.
Васняяк сайсь эйкакшт Существительноесь. Сон сайсь и тейтерькат- суффикст, и цёрынькат-валмельгакст.
Эряви ёвтамс: тейтерькатне-суффикстлэ свал кирдить кедьте кортамопельксэнть, сыль пелицят (сермадовитькак вейке валсо) , зярдояк a кадновить эйстэст.
A цёрынькатне-вaлмельгакстнэ тонадсть эрямо ськамост. Сынь Существительноенть мартояк кедте a кирдить. Якить свал башка сонзэ мельга.
Прилагательноенть мельс пек тусть суффикс-тейтерькатне ды сон кочкась эстензэ суффикст.
Састь кудов Существительноесь ды Прилагательноесь. Ёвтнесть сынь Глаголонтень пapo тевденть.
|
|
|
Глаголоськак сыргась ошов эйкакшонь caeмe. Важодиця лелянтень кадовсть ансяк тейтерькат-суффикст. Пурнынзе сон суффикстнэнь ды сыргась кудов.Ваны: кудонть вакссо авардить кавто цёрынеть A ды ЭЗЬ частицатне. Сынь авардезь кармасть энялдомо Глаголонть икеле:
- Глагол леляй, caeмизь минек эстеть эйкакшокс. Минь a кapмaтaнo тонь кундсеме кедте, свал карматано чиеме башка, тонь икеле. Минек сазорканть саизе Прилагательной лелясь.
- Саинзе Глаголось A ды ЭЗЬ частицат-цёрынетнень эстензэ. Ды алкукскак a ды эзь частицатне свал молить Глаголонть икеле ды зярдояк a сёрмадовить мартонзо вейсэ.А вана Прилагательноесь саизе A частица-тейтерьканть. Сон свал кирди лелянть кедте ды сёрмадоаияк вейсэ: амариця, аёвтавикс.
Истямо ёвкс кортамопельтнеде ёвтнесь тень Тамара патям, a мон сонзэ ёвтни тыненк, ялгат.
4. Ёвкс. Кода ця суффиксэсь оймавтызе кортамопелькстнэнь ютксо сёвноманть.
Весть Валонь Масторсонть лиссь покштояк покш севнома. Ушодызь сонзэ ГЛАГОЛТНЭ. Сынь кармасть прянь шнамо.
- Минь эрьва мезе тейтяно, весень эйсэ симдтяно-андтано, важодтяно, мелявтано весень мельга. Бути аволь минь, ЛИЯ кортамопелькстнэ овсе ёмавольть.
Сехте пек понгсь Существительнойтненень. Свaл, келя, сынь аштить, мезеяк a теить. Глаголтнэвтеме сынь зярдояк таркастосткак бу авольть сыргсе.
Сатотсь Прилагательнойтнененьгак. Келя, нузякст, прянь шныцят, Чоп ансяк эсь пряст ванкшныть – кодат сынь мазыйть!
Числительнойтне ансяк весень эйсэ ловить - a важодеме, a тевень тееме a маштыть.
Haмa, весе кортамопелькстнэ кармасть идеме эсь пряст. Шалтось кепететсь! Мезеяк a чарькодят. Весе пижнить, сеерить, рангить, сёвныть.
Кунсолось-кунсолось неть сёвноматнень-пелькстамотнень –ця суффиксэсь ды эзь кирдеве. Мольсь Глаголтнэнь вaкcc ды пшкадсь:
- Оймадо! Кода тенк a визькс? Весе кортамопелькстнэ эрявить эрзянь кельсэнть, аволь ансяк глаголтнэ!
Кияк суффиксэнть a кунсолы. Шалтось седеяк виевгадсь. Сестэ ця суффиксэсь мольсь Глаголтнэнь пизэнтень ды кармась Глаголтнэстэ «тейнеме» Существительнойть ды Прилагательнойть. Сёвны - сёвныця, сёрмады-сёрмадыця, корты -кортыця, кунсолы-кунсолыця, учи - учиця...
Ваныть Глаголтнэ, кода чуролгадыть сынст рядтнэ ды яла седе ламо вaлт туить Существительнойкс ды Приалагательнойкс, сеске лоткасть сёвномодо.
Сынь кармасть энялдомо ялгаст икеле чумост нолдамс.
Вана истя ця вaлонь теиця суффиксэсь идинзе кортамопелькстнэнь сёвномадонть.
Эрьга, налксетяно миньгак ця суффикс вельде од валонь теемань налксемасонть:
Уды - соки-
Соды- види-
Канды- ловны-
Лезды - корты-
Кузи- сэреди-
Валги- вешни-
Тонавты- ташты-
Тонавтни- сови-
Ёвтни- лиси-
Моры- кенгели-
Кевкстни- муськи‑
5.Ёвкс. Кода Притяж пазонь семиясь теизе
существительноень склонениятнень.
Эрзянь Келень Масторсо зярдо-бути пек умок, зярдо валтнэяк теезь арасельть, эрясть-аштесть Притяж пазось эсензэ семиянзо мapтo: сонсь Притяж пaзось, Притяж пазавась, Притяж пaзцёраст, Притяжонь лелязо Указат ды патязо Основна.
Истя, кода эрси пaзонь семиясо, эрьванть сынст ульнесь пазонь волшебной цётмарозо.
Притяж пaзось свал эсь прянзо эйстэ кортыль: Мон (лемень полавтомка). Сон невтиль перть пельксэнть лангс ды мериль МОНь. Секс сеедьстэ малавиксэнзэ мерильть тензэ Мон, МОНь.
Пазаванть лемезэль Тон. Пазось невтниль весементь лангс ды мериль нинть туртов – Тонь.
Цёpacт лемезэль Сон. Тетясь ды авась кортыльть тензэ:
- Весемесь, мезе ули мастор лангсо Сонзэ, минек цёранок. Истя и лемдизь церанть Сон, СОНзэ.
A мезть сёпомс, эсь прядост сынь сеедьстэ кортыльть ламонь числасояк: Минь, Минек, Тынь, Тынк, Сынь, Сынст. Мезеяк a теят - сынь Пазт!
Вана сась Покшчи, ды Пазось кармась валонь тейнеме. Кувать сон важодсь. Ламо валт тейнесь, сёрмалесь. Явшинзе, сонсь соды кода, лия кудова ды сась семиязонзо оймсеме.
Ютасть зярыя чить.
«Сась шка, - арси Пазось, - вельмевтемс валтнэнь, нолдамс эрямос».
Вана яволявтсь Притяж пазось Существительноень вельмевтемань, эрямос нолдамонь чиденть.Саизь пазтнэ цётмарост ды састь Существительноень кудонтень. Существительноень кудонь кирдиця атясь панжинзе тенст кенкштнень келес.
Вай, зяро тесэ валт! Ансяк сынь эштё аволь овсе вaлт. Кие? Мезе? Ансяк Пазось соды. Кить? Мезть?
Вачкодсь сырнень цётмарсонзо Притяж пазось, нолдынзе зепстэнзэ суффиксэнзэ, серьгедсь: Монь!
Ды кармасть валтнэ вельмеме, эрямос лисеме: скалом, пирем, вирем, модам, скалонок, пиренек, виренек, моданок…
Пазавась вачкодсь сиянь цётмарсонзо ды кармась кочкамо- вельмевтеме эстензэ существительнойть.
Пазось сась тензэ лездамо:
- Неть Тонь лишметь, вальмат, кудот, сырнеть, кшить, оршамот... Неть Тынк лишменк, вальманк, кудонк, сырненк, кшинк, оршамонк...
A кода цераст туртов вечкевсь валонь вельмевтемань тевесь! Сон кургонь автезь вансь , кода пижень цётмаронзо алдо лисить- ливтить валтнэ.
Састь тензэ лездамо тетясь ды аваськак:
- Неть Сонзэ паксязо, сиязо, вирьзэ, лейзэ, лисьмазо...
Неть Сынст паксяст, сияст, вирест, леест, лисьмаст...
Перть пельксэсь весе пештявсь притяжательной склонениянь валтнэде (существительнойтнеде). Вейкень ды ламонь числасо. Васенце, омбоце ды колмоце лицясо.
Колмо лицянь валтнэде пилетнеяк кармасть цийнеме:
Монь тумом Тонь килееть. Сонзэ укшторозо.
Минек овтонок. Тынк сярдонк. Сынст ривезест.
Эрьванть эсензэ суффиксэзэ.
Монь - м Минек - нек(нок)
Тонь - т (ть) Тынк - нк
Сонзэ - зо (зэ) Сынст – ст
Ашти Укaзат-лелясь, ванны. Прязояк чаракадсь.
Арси: «Зярдо монень сы шкась валонь ввельмевтеме?
Зярдо мон карман валонь кочксеме? Эли стувтымим ялаксом?»
Притяж пaзось варштась лелянть ёнов, венстясь тензэ кшнинь цётмар. Указат лелясь кармась пурнамо-вельмевтмеме эсензэ склонениянь валт, ёртынзе лангозост сь, ды тне суффиксэнзэ.
Те авась, кудось, пиресь, каштомось. Тона кенкшесь, вaльмась, кись. Неть кардазтнэ, виртне, лейтне.
Ламо валт пурнась Указат лелясь указательной склоненияс. Варштасть пазтнэ теезь тевест лангс, ды ансяк ней неизь: арась мартост Основна патясь.
Паряк ковгак тусь лия тевень тееме? Шкась кудов велявтомс. Тусть пaзтнэ.
Вaлонь кудось сэтьмелгадсь.
Ламо апак вельмевте валт эштё кадовсть. Кие сынст нолдасынзе эрямос?
Арсесь-арсесь Существительноень кудонь кирдиця атясь ды мольсь Основна патянть вешнеме. Эзизе мye. Совась Притяж пaзонтень ды вешизе кедьстэнзэ Основнань чувтонь цётмаронзо. Тона максызе.
Сась атясь. Вачкодсь цётмарсонть. Дыкармасть ливтнеме эрьва кодат существительнойть-предметт кудованть: конёв, пенч, атякш, пря, сельмукшт, васоньбеельть...
Кияк лангсост a азор, кияк лангозост a невтни. Валъюрост, суффиксэсткак лия вал ладсо улить.
Лемдинзе кудонь кирдиця атясь неть валтнэнь основной склонениянь существительнойкс.
Цётмарось эдь ульнесь Основна патянть. Мезеяк a теят!
Вана истя существительнойтне кармасть полавтневеме колмо склонениява: основной, указательной ды притяжательной. Эрьва склонениясь, келя, эсензэ ладсо полавтни валтнэнь эрзянь падежтнэва.
1. РАСЬКЕНЬ ВАЛТНЭДЕ ЛОВОМКА.
Истя жо, кода кудонть, Юрозо ули вaлонть. Атя, атяка, атякшке. Aвa, авака, авакшке,
Cyp, cype, суркске, сурине,
Пире, пирявкске, пирине.
Ловны, ловнома, ловныця.
Ёвтни, ёвтнема, ёвтниця.
Озны, ознома, озныця.
Моры, морыне, морось.
Муить валтнэнь валъюрост.
Вейке юронь валт лемест, Раськень валт мeрить тенест.
ВКС ЭРЗЯНЬ ПАДЕЖТНЭДЕ.
Эрзянь Келень Масторс, Кортамопельксэнь буес, Существительноень велес лия раськень келень масторсто сась cёpмa.
Велень прявтось панжизе те серманть ды ловнызе сонзэ эрицятненень. Весе кармасть содамо: ЛИЯ мастортнэсэ существительнойтне полавтневить падежга. Рузонь кельсэ падежтнэде б, эстононь 14...
Существительнойтне талакадсть:
- Миненекак эрявить падежт. Минь мезде седе берянть?
Ды ушодовсь существительнойтнень ютксо падежтнэде кортамось, сынст лемест кемекстамось.
Лемтнень путызь рузокс, кевкстематне эрзянь. Кочкасть лездамонь
валт.
Ды вана мезе лиссь:
1) Именительной (лемень максыця падеж) Кие? Мезе?
2) Родительной (чачтыця падежесь)Чачтамс кинь? МезеНь?
3) Дательной (эрьва мезень максыця) Максомс кинень? Мезнень?
4) Отложительной (кекшемань, васов путомань) кекшемс киде? Мезде?
5) Местной (таркань невтиця).Тарказо киса? Мейсэ?
б) Исходной (лисемань падежесь). Лисемс кистэ? Мейстэ?
7) Вносительной (совавтомань падеж). Совавтомс кис? Мезес?
8) Переместительной (молемань-ютамонь падеж).Ютамс кива? Мезева?
9) Превратительной (велявтнемань падеж). Велявтомс (теевемс) кикс? Мезекс?
10) Сравнительной (вейкетстямонь падеж) .Кишка? Мезешка?
11) Изъятельной (ёмавтомадо мейле кадовомань падеж). Кадовомс кивтеме? Мезевтеме?
Окойники весе прасть вейке мельс: кадомс 11 падежт ды кемекстызь сынст лемест ды кевкстемаст.
ПАДЕЖЕНЬ ТОНАВТОМКА.
Падежень лемтнень седе вадрясто превсэ кирдемга тонавтык абракадабранть, кона теезь падежень лемтнень вaceнцe букватнестэ: ИРДОМИВ ПеПСИ.
ИРДОМИВ ПеПСИ
Пеняци: - Вай, пси!
Симемс бу кода?
Макссть тензэ кола.
Ирдомив Пепси
Таго пеняци:
-А вечкан кола.
Максодо поза!
Эли: Ига Рамась Дига. Оргодсь. Мольсь Илевень Вешнеме. Пупизе. Пижни: - Садо! Идемизь!
Дата добавления: 2019-02-22; просмотров: 178; Мы поможем в написании вашей работы! |
Мы поможем в написании ваших работ!