Вкс «Чевтечинь невтиця букват».
Зярдо Эрзянь Келень Масторсонть ульнесь теезь алфавитэсь, масторонь Прявтось яволявтсь весенень:
- Ней ули мейсэ сёрмадомс валтнэнь ды валрисьметнень. Теньсэ тенек лездыть букватне.
- Вай, кода вадря! – серьгедсть a, o, y, э, ы гласнойтне. –Минь карматано aштемe валонь ушодкссо ды песэ, карматано согласнойтнень калгодксчист невтеме: ава, ушо, каладо, эра, уды.
- A минь валонь ушодкссо невтяно кавто гайть. Валсо карматано невтеме согласнойтнень чевтечист, - шнасть пряст я, ё, ю, e гласнойтне, - Валонь песэяк карматано аштеме.
- Минтеменек тынь мезеяк a тейтядо, - каясть каршо вал парной согласнойтне д, з, л, н, p, c, т, ц - минь эрсекшнетяно и калгодокс, и чевтекс. Эрятано дружнасто. Бути вейс пурнавить зярыя чевте согласнойть, сынст чевтечист невтеме эряви ансяк вейке гласной: эрзя, тенсттне, сэдне.
Кепететсь шалт. Букватне-гайтне кармасть весе эсь прядост ёвтнеме.
Ансяк кавто букватне Ь ды Ъ чатьмонсть - сынь a маштыльть кортамо.
Вана Ь лиссь икелев ды кармась мезе-бути кедьсэнзэ невтеме.
Весе букватне вансть лангозонзо ды мезеяк эзть чарькоде, мезе сон невтни. Ь-сь невтнесь-невтнесь ды мик аварьгадсь.
Окойники [Л] гайть-буквась серьгедсь:
- Мон чарькодинь мезе эряви те буквантень. Сонензэ эряви тев! Сайса сонзэ эсень чевтечинь невтнеме: мель, сеель, сельме, пелька.
- A мекс ансяк [Л]-нть чевтечинзэ эряви невтнемс, - пелькстазевесь [С]-гайть-буквась! – Монь койсэ, весе гайтне, бути марявить чевтьстэ, эрявить сёрмадомсто тешкстамс Ь чевте знаксо: верь, ведь, мерсь, монь, лисьма, розь.
|
|
|
- Минек мельга те чевте знаконть зярдояк илинк путне,-- тыжнэзевсть Ш-сь, Ж-сь ды Ч-сь.
- A монь мельга свал путнинк, бути маряван чевтьстэ. Монень сон пек вечкевсь, -эзь пота валдонзо Л-сь.
Аволь парной согласнойтнеяк явсть мель:
- Минек икелевгак сон эряви, бути карматано ашеме чевте парной согласной мельга: сеське, эрьге, вайгельбе, сельме.
Прявтось весень оймавтынзе. Сон сёрмадынзе букватнень мелест Сёрмадомань Коень Книгас.
Лоткась Ь чевте тешксэсь (знакось) мелявтомадо: ули ней тензэ тев эрзянь кельсэнть.
Варштасть букватне-гайтне Ъ калгодо знаконть лангс. Сонгак прянзо нолдызе, ды ансяк вейке сельведне чуди чамаванзо - пек уш калгодо ды кеме седей ульнесь те буквась.
Прявтось оймавтызе сонзэяк:
- Иля мелявто, Ъ, тонетькак тев мутано. Кармат аштемe рузонь кельстэ саезь валтнэсэ: съезд, подъезд, объявления ды эрзясетнeсэ, конат теезь кавто валсто (васенцесь прядови калгодо согласнойсэ, a омбоцесь ушодови я, ё, ю, e-стэ) - вaлъюр ды лият.
A чевте знакось Ь чатьмонезь ков-бути тусь. Мольсь сон Гласноень велев чевтечинь невтиця гласнойтнень куров инжекс. Ней сонгак чевтечинь невтиця буква.
|
|
|
Гласнойтне, келя, Союз парсте вастызь ды эрьва мейсэ тантейстэ каванизь.
Монгак капшинь те ярсамонтень совамо, ансяк эзинь кeнepe. Мезе теят? Истя уш лиссь.
II. ВАЛОНЬ БУЕНЬ ЁВКСТ.
Кода СУР ды ПИЛЕ валтнэ теевсть малавиксэкс.
Те ульнесь пек умок. Эрзянь Келень Масторс Пазось тейсь валт. Аштесть неть валтнэ, прок кевть, покш паксясо. эрьвась эсензэ марто, ськамочисэ.
Сынст эйстэ васоло лейга-латкова эрясть суффикст. Суффикстнэде ульнесть ламо, эрьва кодат. Сынь a содылизь эштё эсест питнест, мезекс эрьвась маштови.
Зярыяксть якасть суффикстнэ валтнэнень теевемс содавиксэкс, ялгакс, вейсэнь тевень теицякс.
Каштант валтнэ эзть варштнеяк суффикстнэнь лангс.
- Неть аволь валткак. Мезекс сакшныть тей, минек пелев. Ялатеке эйстэдест мезеяк a лиси, - кортасть эсь ютковаст валтнэ.
Истя улевель бу пек кувать, бути аволь лисе Келень Масторсо вана мезе.
CУP валонтень пек вечкевсь ПИЛЕ валось... Ды ансяк каштанчись мешиль тензэ ёвтамс те вечкемадонть.
ПИЛЕ валоськак виздиль ёвтамодо эсензэ вечкемадонть CУP валонтень. Истя каштангалезь ды виздезь сынь эрясть пинге. Ды yш эзть кеме зярдояк вастовомс.
Вана весть Пазонь Покшчистэ, зярдо валтнэяк вельмекшнесть, чийсть сынст вaкcкa кс ды т суффикстнэ. Арасть сынь CУP валонть вaкcc ды вана уш СУРонть малас появасть СУРкст. Мольсть суффикстнэ ПИЛЕ вaлoнть вaкcc. Вант, yш теевсть ПИЛЕкст.
|
|
|
Косто a косто, чийсь мазый тейтерь. Пангавтынзе ПИЛЕкстнэнь пилезэнзэ. Суркстнэнь оршинзэ сурозонзо. Истямо покш мазычиденть сонсь мик моразевсь ды кармась киштеме.
Мизолдозевсь CУP вaлось. Кецязевсь ПИЛЕ валось. Вастовсть сынь, окойники, тейтерень мaзылгавтомань пелькстнэсэ ды cypкcco, куш и лия вaлсо.
Сынст лангс ваннозь лия валтнэяк суффикстнэнь марто вейсэ кармасть важодеме од валонь теемань тевсэнть.
Ней уш каштангалесть сеть валтнэ, конатнень эйстэ теевкшнесть лия од валт ды конатнень раськест ульнесть седе покшт.
Вейкеть валъюр марто валтнэнень кармасть мереме раськень валт: сельме, сельмукшт, сельмедемс, сельмине; карь, карькс, карсемс, карне, карькске; ёвкс, ёвтнемс, ёвтнема, ёвтниця, ёвтамо, ёвкске.
Суффикстнэ содасызь эсь таркаст – сынь свал аштить вaлъюронть мельга.Суффикстнэ ней кармасть содамо эсест питнечисткак. Сынь теить од валт ды полавтнить валтнэнь формань коряс.
Лиссть сынь лейтнестэ - латкотнестэ, састь Валонь Паксянтень ды тейсть кавто куринкат:
Вaлонь теиця суффиксэнь куринка ды Валонь формань теиця суффиксэнь куринка.
Ней yш Валонь Масторсо аволь ансяк од вaлт тейневсть. Валтнэ бажасть керьксавомс-пурнавомс валрисьмес (предложенияс).
Теньсэ тенст лездасть, нама, суффикстнэ.
Вана кода СУР ды ПИЛE вaлтнэ полавтызь Валонь Масторсо эрямонть. Лездасть жо тенст те тевсэнть суффикстнэ.
Дата добавления: 2019-02-22; просмотров: 166; Мы поможем в написании вашей работы! |
Мы поможем в написании ваших работ!