Евкс. Кода Ш, Ж, Ч букватне кеждясть Ы ды Э гласнойтнень лангс.
Вкст эрзянь келень Масторонь эрицятнеде.
I. Фонетикань ёнксонь ёвкст.
1 Вайгeлев гайтень веледенть.
Вкс кавтаськеть a — a, y — y, o — o, э — э патят — сазортнэде ды й – цёрагайтнеде.
3. Кода [х] гайтесь тусь эрямо лия раськень келень масторов.
Кода Тешкс фотографось ды артыцясь лездась теемс алфавитэнть.
5. Кода ш, ж, ч букватне кеждясть ы ды э гласнойтнень лангс.
6. Кода ц- сь теевсь napной согласнойкс.
Вкс гайтев ды гайттеме согласнойтнеде.
Вкс. Чевтечинь невтиця букват.
II. Вaлонь буень ёвкст.
Кода « cyp» ды « nилe » валтнэ теевсть малавиксэкс.
Вкс вишкалгавтыця суффикстнэде.
Вкс кортамопелькстнэде.
Кода - ця суффиксэсь оймавтызе кортамопелькстнэнь ютксо сёвноманть.
Кода Притяж пазонь семиясь теизе существительноень склонениятнень.
Раськень валтнэде ловомка.
Вкс эрзянь падежтнеде.
Падежень тонавтнемка.
Кода Церась ды Кискась понгонесть падежтнень кудос.
Вкс Подлежащей инязордонть ды Сказуемой инязоравадонть.
Вкс. Келень-Валонь Пазонтень ознома.
Антон ды Синона.
Фонетика ёнксонь ёвкст.
1. Ёвкс Вайгелев гайтень веледенть.
Эрзянь Келень Масторсо, Фонетика ёнкссо, вейке велесэ эрясть - аштесть гайтть. Сынст эйстэ ульнесть пек ламо. Юткстост веенст ульнесть вайгелевть, лият — вайгельтеметь.
|
|
|
Вайгелевтне чинь чоп морсесть эсест морост: a— a— a, o— o— o, э— э— э, ы— ы — ы, и — и — и!
Вайгельтеметнеяк пижнесть, тыжнэсть, вешксесть. Мазый морот, нaмa, эзть лисне. Вай, кодамо шалт ды yвт аштесь те велесэнть! A ёвтавияк!
Понги вайгельтеме гайтесь вайгелевенть икелев — вейсэ кармить гайгеме калгодсто, кежейстэ: да, зо, ку, лэ, ты.
Ансяк [и] вайгелев гайтесь ульнесь пек чевте седей. Бути сонзэ икелев арыль вайгельтеме гайть, сонгак чевтемгадыль. Истямо ульнесь [и] гайтесь: ми, ри, си, ти.
Истя эрясть гайтне, важодсть — тейсть эсест тевест. эрясть вейсэ.
Ды вана весть пурнавсть a, o, y, ы, э, и вайгелевтне вeйс. Морсесть - морсесть ды арсезевсть.
- Минь сехте вайгелевть, - мерсь [a] – сь.
Лиятне минек ваксс путомскак a маштовить. Эряви миненек явомс лия гайтнень ютксто.
- Нейке жо эряви молемс Прявтонтень ды ёвтамс тензэ меленек. Кадык максы тенек таркa башка велень теемс!
-- поладызе кортамонть [o] гайтесь.
- Истя, истя! - серьгедсь [и] гайтеськак .
Весе вайгелев гайтне сыргасть Прявтонтень.
- Макст миненек тapкa Вайгелев гайтень велень путомс! -
весе вейсэ ёвтызь мелест гайттне.
Арсесь – арсесь Прявтось ды топавтызе вайгелев гайтнень мелест. Невтсь тенст тарка, козонь тонат велест путсызь.
|
|
|
Пурнызь гайтне улипарост ды састь од таркас эрямо.
Вансынек, кить ков путсть кудот Вайгелев гайтень велесэнть. Вана покш мазый куро. Тесэ аштить кудост кавтаськеть патятнень – сазортнэнь: a – a, o – o, y – y, э - э. Аламодо седе васов сынст эйстэ путызе кудонзо [ы ] сы ре бабинесь.
[И] – гайтесь тусь кудонь путомо вирь чирес. Сон a вечкилинзе калгодо седей гайтнень. Ды секс тусь эрямо ськамонзо вирь чирев.
Вана истямо ульнесь Вайгелев гайтень велесь.
Вкс кавтаськеть: a – a, o - o, y – y, э - э патят – сазортнэде ды Й – цёрагайтнеде.
Вана уш зярыя шкa вайгелев гайтне эрить башка велесэ. Кавтаськетнень ютксо патятне ульнесть кежейть, кеме, калгодо ойметь. Сазортнэ жо чевте седеельть. Ансяк патятне кеместэ кирдсть сынст. Мезе тенст мерильть, сень тонат и теильть.
Оршнильть сынь вейкетьстэ ды кияк эзь редякшно, кие эйстэст кие. Берянь ульнесь сазоркатнень эрямост. Сынь важодсть патятнень кискак. Курок мик кармасть стувтомо сынь эсест чевтечидест. Патятне жо курок овсе эзть кapмa важодеме, кемсть сазоркатнень лангс.
Эзть цидярдо весть сазоркатне, пурнавсть вейс, авардсть-авардсть ды тусть ков сельмест неить, ков пилест марить, ансяк седе васов кежей патятнеде.
|
|
|
Пачкодсть сынь вирь чирес. Понгсь каршозост [и] гайтесь.
- Ков тынь истя, сaзоркат, сыргиде? – кевкстни [и]- сь.
Евтнизь вайгелев сaзоркатне эсест ризксэст - мелявксост, кодамо берянь эрямост патятнень марто.
И – патяй, лездак тенек, тонавтомизь, кода тенек улемс! - аварьгадозь энялдсть сазоркатне.
Кувать арсесь [и] гайтесь, кода лездамс сазоркатненень. Окойники мерсь тенст:
Вайгельтеме гайтень велень песэнть, вирь маласо эри монь васоло раськем -- [й] гайтесь ниле цёранзо мapтo. Сынь монь кондят чевте седейть, мелень ванныцят. Вана мон тынк сыненст и ветятадызь. Сынь лездыть тенк.
Пачкодсть вайгелев сазоркатне [и] патянть мapтo [й] лелянть кудонтень.
[Й] гайтнень семиясь неинзе сыцятнень ды лиссь вacтoмocт. Варштасть сaзоркатне [й] церагайтнень лангс ды истя одтнэ вечкевсть вейке вейкест тypтoв, мик валткак кодаткак эзть эряво.
Кадовсть сазоркатне [й]гайтнень мapтo эрямо. Курок налксесть покш вейсэнь свадьба. [Й] цёрагайтне урьвакстсть, ды ней сынь свал якить вейсэ кутмордазь йа, йо, йу, йэ.
Вешнесть - вешнесть a, o, y, э патятне сазоркаст, эзизь мye. Ней сынсь весе тевтнесэ теить.
A венчазь сазоркатне й-церагайтнень мapтo путсть кудот [и] патянть вакссс. Ней тесэ од ульця, косо эрить чевте седей гайтть.
|
|
|
Ванa истят тевть ульнесть Эрзянь Келень Масторсо пек умок, зярдо эштё валткак арасельть.
3. Ёвкс [x] гайттенть.
Фонетика ёнкссо, гайтень буесэ ульнесть кавто велинеть: Вайгелев гайтень веле ды Вайгельтеме гайтень веле.
Эрясть гайтне башка велева. Инжекс вейкест вейкест тypтoв эзть яксе. Ансяк вайгельтеме гайтнень ютксояк аволь весемесь мольсь napcтe. M, л, p, н гайтне покордавсть, мекс сынест мерить вайгельтеметь. эдь
сыньгак маштыть мopaмo: м-м-м, л-л-л-, н-н-н, p-p-p!
Тыжныця гайтнеяк сеедьстэ кежиявтнить: ш-ш-ш, ж-ж-ж, ч-ш-ч !
Ансяк овсе амарицясь сынст a марясынзе!
Вешксиця гайтнеяк марясть эсь пряст покордавозь вайгельтеме валсонть.
-C-c-c, з-з-з, ц-c-c! - вешксесть ды бизнэсть сынь,
-Прявтось a видестэ кочкась минек велентень лем.
Весе вайгельтеме гайтнень ютксто овсе a марявильть [x] ды [ф] гайтне. Сынь ульнесть ялгацек, эзть вaнo лия гайтнень прянь шнамотнень лангс, важодсть, нaлксесть вейсэ.
Весть Вайгельтеме гайтень велес састь вайгелев гайтне ды вастовсть [x] гайтенть мapтo.
Зярдо сынь маризь [х]-нть вайгелензэ, кармасть лангсонзо пеедькшнеме:
- Вай, теяк, лови прянзо гайтекс! X-x-x! Мезеяк мариде, ялгат? Сехте амарявикс гайть! Вайгельтеме! Амарявикс, амарявикс! -- травасть [х]-нть вайгелевтне.
[X] гайтесь истя покордавсь, мик аварьгадсь. Тусь сон прянь синдезь чиеме чопода виренть ёнов.
Вешнесь-вешнесь [ф] гайтесь ялганзо, кодаяк эзизе мye.
Мольсь сон гайтень буень Прявтонтень ды пеняцясь вайгелев гайтнень лангс.
Прявтось сялгавтнинзе вайгелевтнень ды мерсь тенст туеме [x] гайтенть вешнеме.
Кувать савсь вешнемс. Окойники [a] гайтесь муизе сонзэ тумо алдо. Ашти [х]-сь озадо ды аварди.
Пачкодсь [a]-сь [x]-нть ваксс, серьгедсь: -A-a! —X-x — отвечась [Х]-сь. Вейсэ лиссь: ax!
Ах! Ax! Ax! - кецязевсть гайтне.
Ха! Ха! Ха! — пейдезевсть сынь вейсэ, зярдо полавтызь таркаст.
Маризь сынст лия гайтнеяк.
[О]-сь мольсь ваксозост ды арась [х]-нть малас. — Ох! Ох! Ox! —Хо! Хо! Хо!
[И] –сь овсе весёлгадсь: -Их! Их! Их! Хи! Хи! Хи!
Натой сыре бабинесь [ы]-ськак стакасто ракaзевсь: ы х! ых! ых! хы! хы! хы !
Сась [э]-ськак: Эх! Эх! Эх! Хэ! Хэ! Хэ!
Вай, кодат мaзыйть валт лиссть!
[Х]-сь арсезевсь:
Мон сехте эрявикс гайть. Монтемень вaлт бу a теевельть. Ды вaна [x]-сь прянь кепедезь вайгелев гайтнень мapтo сась Вайгельтеме гайтень велес.
Зярдо маризь велень эрицятне вaлoнь тейнемадо кулянть, мезе тосо ушодовсь!
Эрьва гайтесь бажась арамс вайгелев гайть мaлас ды теемс валт: ал-сал-вaл-ваз-лaз-лав-лов-лув…
Он-мон-тон-сон-сор-пор-пов-ды лият. Гайтне чинь чоп тейнесть валт. [Х]-нть весе стувтызь, киньгак мельс сон эзь ледеяк. Покордавсь таго [Х]-сЬ.
Вансь-вансь сон лия гайтнень лангс, кежядсь. Мольсь кудов, пурнась- сэрнясь ды тусь те велестэнть васоло ошов.
Мейле, келя, овсе кадызе Эрзянь Келень Масторонть. Тусь лия раськень келень масторс.
Зярдо [ф] гайтесь фатясь: арась [x] ялгазо, сон ёвтась теде лиятненень. Чарькодсть гайтне — тaro покордызь [х]-нть.
Кода ней улемс [х] втементь?
Васня варчизь [к]-нть аравтомс валс [Х]-нть таркас. —Ок! Ок! Ок! Эзть вечкеве валтнэ. Ко! Ко! Ко!
A [x] гайтесь курок кучсь лия масторсто куля, кодамо napo тосо эрямось. Тердизе [ф] ялганзояк эсензэ ваксс эрямо.
Ванa истямо тев лиснесь гайтень буесэнть [x] гайтенть марто.
Кода теевсь алфавитэсь.
Шкась ютась ды ютась. гайттне важодсть, вaлт тейнесть.
[X] гайтесь сеедьстэ кучниль кулят Прявтонтень лия раськень келень мacтopco эрямодонть.
Весть сон вaнa мезде пачтясь: тесэ, келя, косо мон эрян, весе гайтне фотографировазь буквакс ды ладсезь алфавитс.
Прявонть мельс тусь те кулясь. Ансяк кода сонзэ теемс, алфавитэнть?
Лездасть тензэ [х]-сь ды [ф]-сь. Сынь кучсть Гайтень буес фотограф ды артыця. Лемезэ ульнесь фотографонть Тешкс (знак).
Кармась Тешксэсь гайтнень портретнэнь артомо, фотографировамост. Вечкевсь те тевесь гайтненень. Оршнесызь сехте мазый оршамост сынь, снимить эли учить, кода тенст портрет артыть. Ваныть эсь пряст лангс фотографиясто эли портретстэ. Пек тенст эсь пряст вечкеви!
Прявтось учизе, зярдо весе гайттне фотографировавтсызь эсь пряст ды пурнась гайтень покш npoмкc.
Яволявтызе Прявтось мелензэ гайттненень:
- Эряви, ялгат, миненекак теемс алфавит, кода теезь лия раськень келень мастортнэсэ. Максынк монень портретэнк ды фотографиянк. Мон аравтнесынь сынст алфавитс. Кодат кармить тынк бажамонк?
Йа, йо, йу, йэ гайттне ёвтызь мелест путомс алфавитс ансяк вейсэнь портретэст: я, ё, ю, e ды энялдсть a путомс сынст a, o, y, э патяст малас. Прявтось aлтась топавтомс неть мельтнень.
Буень Прявтось поладызе кортамонзо:
- Ней вайгелев гайтненень карматано мepeмe Гласной гайтть, a вайгельтеметненень — Согласнойть.
Велетненьгак, косо сынь эрить, лемдясынек: Гласноень Веле ды Согласноень веле. Тешкс артыцясь теи велетненень мазый сёрмадовкст. Кияк тень кapino эзь ёвта вaлгак.
Ладсинзе Прявтось букватнень — портретнэнь алфавитс, совавтынзе тов [x] ды [ф] букватненьгак. Сынст эйстэ, келя, ушодовсь Эрзянь Келень Масторсо валонь теевемась. Кие соды? Паряк, истя ульнеськак. Прявтось совавтынзе алфавитс щ, ъ, ь букватненьгак.
Эрзянь валтнэсэ a вастневить [х], [ф] ды [щ] гайтне, ансяк лия раскень кельстэ саезь валтнэсэ: халат, халва, пух, ферма, фартук, фотограф, щука, щётка, плащ.
Секс паряк сыреть ломантне ёвтнить неть валтнэнь эсест коряс: калат, калва, пук, кверма, квартук, квотограв, штюка, штётка, плашть.
Ансяк од ломантненень истямо кортавксось a вечкеви. Сынь ёвтыть неть гайтнень видестэ, мазыйстэ.
Чевте ды калгодо тешкстнэяк(Ь,Ъ), келя, пек эрявкшныть валонь сермадомсто.
Вана истя, кортыть, теевсь эрзянь алфавитэсь. Кие соды, паряк видестэ кортыть.
Евкс. Кода Ш, Ж, Ч букватне кеждясть Ы ды Э гласнойтнень лангс.
Марясть калгодот Ж, Ш братнэ ды Ч ялакскест, кода Й— цёрагайтне урьвакстсть гласной сазоркатнень лангс ды тейсть мартост вейсэ од букват. Сыньгак явсть мель урьвакстомс.
Кармасть наряжамо — пурнамо Гласной велев, одирьвань чиямо. Сыргасть. Пачкодсть Гласной велентень. Совасть веленть песэ [Ы] — бабиненть кудынес, шумбракстнесть. Ёвтнизь мелявксост - бажамост. Энялдсть [Ы ]— нть икеле лездамс тенст урьвакстомань тевсэнть.
[Ы ] — сь валгак эзь пшкаде, саизе нежензэ (палканзо) ды тусь мартост.
Молить братнэ, вейке кудос совить, - арась азоравась; омбоцес совить – тусь ков – бути; колмоцес варштыть – тонаяк чаво.
Совасть [э] гайтенть кудос. Тонаяк ков-бути наряжи-пурны. Зеркала икеле чары -вели.
Шумбракстнесть сыцятне. ёвтнизь, кодамо тувтал тей сынст ветинзе. Сынсь ваныть [Ы ] бабиненть лангс, икелев эйсэнзэ эшкить, кадык шнасынзе.
[Ы ]-сь згилязь корты [Э]-нтень:
- Вана ветинь теть женихть. Урьвакстомань мелест, келя, вельть покш. Кочксек юткстост мирде. Вейкесь омбоцеде седе мазый.
Сонсь раки: ы-ы-ы. [Э]-сь каштансто варштась [Ж]-нть,[Ш]-нть ды Ч-нть лангс ды пеень пачк згилязь пшкадсь:
- Нетькак эсь пряст гайтекс ловить: эчкеть, амазыйть, кодат-бути тыжныця гайтть! Уш арасть алужт, нетькак a эрявить!
[Ы ]-сь жо яла раки: ы-ы -ы!
Вай, кода покордавсть Ж, Ш ды Ч-сь!
Сынь чиезь тусть Гласноень велестэнть эсест велес. Макссть вал:
зярдояк a урьвакстомс, [Э]-букванть ваксс зярдояк a аракшномскак. Седеяк пек кеждясть братнэ [Ы] патянть лангс. кода сон сынст покордавтынзе.
Секс, келя, ж, ш, ч букватнень мельга ы зярдояк сёрмадомс a эряви. Сёрмадодо тарказонзо И-букванть. Э-нть таркас свaл сёрмадодо Е. Кирдеде превсэ, эйкакшт, жи, ши, чи – свал и марто
же, ше, че – свал e мapтo эряви сёрмадомс.
Вана истямо тев лисекшнесь тыжныця согласнойтнень мapтo.
Дата добавления: 2019-02-22; просмотров: 178; Мы поможем в написании вашей работы! |
Мы поможем в написании ваших работ!