Азақстанның сыртқы экономикалық қызметінің стратегиясы мен негізгі бағыттары
Алғы сөз
Нарықтық қатынастар жағдайында ресурстарды үнемді жұмсау, жоғары өнімді техникаларды, технологияларды қолдану, неғұрлым білікті кадрларды пайдалану мәселелері шешілуде. Өндіріс шығындарын барынша төмендету мен өнімдерді өткізудің маңызды міндеттері айқындалуда. Кәсіпорындар сыртқы нарыққа өз бетімен шығу құқына ие болды.
Осылардың барлығы сыртқы экономикалық қызмет саласындағы терең білімді талап етеді. Нарықтық экономика жағдайында кім сауатты іс-қимыл жасап, ішкі, сол сияқты сыртқы нарықта үлкен сұранымға ие өнімдерді өндіруді ұйымдастырып, жоғары білікті жұмыскерлерді барынша жоғары табыспен қамтамасыз ете алады, солар ғана өмір сүре алмақ.
Сыртқы экономикалық байланыстар саласындағы алдыға қойылған міндеттерді шешу сыртқы экономикалық қызмет негіздерін жақсы игерумен тікелей байланысты.
Кәсіпорындар сыртқы нарыққа өз беттерімен шығу кезінде, әлемдік нарықты зерттеу, әріптесті таңдау, тауарларды өткізудің жаңа формаларын іздеу және сатудан кейінгі қызмет көрсету сияқты экспорттық-импорттық қызметтермен байланысты кең ауқымды көптеген мәселелерді шешулеріне тура келеді.
|
|
Сыртқы экономикалық операцияларды жүргізу техникасы мен оны ұйымдастыру мәселелерінің ішінде сыртқы сауда контрактыларын жасау маңызды орын алады, коммерциялық келісімдердің табысты болуы көп жағдайда жасалатын осы контрактыларға байланысты. Халықаралық өнеркәсіп кооперацияларының формаларын зерттеп-үйрену: сыртқы экономикалық қызметтің маңызды формалары ретінде бірлескен кәсіпорындар құрудың аса маңызды мәні бар.
Іскерлік қарым-қатынастар мен іскерлік хаттамалар, білікті кадрлар даярлау мен қайта даярлау – сыртқы экономикалық қызметтің негізін құрайды. Әр елдегі іскер әріптестердің мәдениеті мен ұлттық ерекшеліктерін білу де аса маңызды болып саналады.
Нарықты ұйымдастыратын жоғары білікті мамандар қалыптастыру жағдайында сыртқы экономикалық қызмет үшін кадрлар даярлау және қайта даярлау айрықша маңызға ие болып отыр, оның үстіне бұл процесс жаңадан ғана басталды деуге болады.
Оқу құралы осы мәселелерді де қамтиды.
|
|
1. Қазақстанның әлемдік шаруашылық
Процесіне кіруі
азақстанның сыртқы экономикалық қызметінің стратегиясы мен негізгі бағыттары
Сыртқы экономикалық қызметтегі Қазақстанның дербестігіне және экономикалық тұтқалар мен сыртқы экономикалық байланыстардың барлық субъектілерінің теңдігі негізінде оны мемлекеттік реттеуге негізделетін, республиканың сыртқы экономикалық байланыстарының дамуы экономиканы тұрақтандырудың, нарықтық қайта құруды жеделдетудің маңызды факторы болып саналады. Соған сай заңдар жасау сыртқы экономикалық байланыстардың табысты дамуына онды әсерін тигізетін болады. Қазіргі күнге дейіннің өзінде сыртқы экономикалық қызметтің қағидалары, шет ел инвестициялары, еркін экономикалық аймақтар, республикадағы валюталық реттеу туралы заңдар қабылданып үлгерді. Таяу уақыттарда сыртқы байланыстарды реттеудің басқа мәселелері, кеден және банк ісі, концессиялар және т.б. бойынша заңдар мен нормативтік актілер қабылдау көзделуде. Сыртқы экономикалық қызметті бейтараптандыру шаралары қаралуда. Сыртқы экономикалық байланыстар аясындағы республиканың кепілдік беру қабілетін арттыру үшін Республикалық валюта қоры, республикалық алтын және алмас қорлары құрылуда.
|
|
Осы шаралардың барлығы, Республикада дамыған өнеркәсіптің, ғылыми-техникалық әлеуеттің көп салалы ауыл шаруашылығының болуымен қатар сыртқы экономикалық байланыстардың белсенділігін арттыру, шет ел инвестицияларын тарту үшін алғы шарттар жасайды.
Қазіргі уақыттың өзінде сыртқы нарыққа Қазақстаннан алуан түрлі тауарлардың 20-дан астам атауы шығарылады.
Жоғары сапалы Қазақстанның түсті металдары әлемдік нарықта үлкен сұранымға ие. Өскемен қорғасын-мырыш комбинатының сапалы қорғасыны мен мырышы, Балқаш тау-кен металлургия комбинатының катодты мысы түсті металдардың Лондон биржасында сауда эталонының сапасы түрінде тіркелген. Республикада өндірілетін ферроқұйымдар, қара металдар прокаты, минералды тыңайтқыштар әлемдік нарықта үлкен сұраныммен пайдаланылады.
|
|
Республика көмірсутегі шикізаттарының (Теңіз, Қарашығанақ және басқа кен орындары) аса бай қорына ие. Осы жерлерді игеру үшін шет ел фирмаларымен ынтымақтастық орнату, сыртқы экономикалық байланыстар саласындағы болашағы зор бағыттардың бірі болып саналады.
Экспорттағы машина жасау саласы – энергетикалық машина жасау, электротехникалық өнеркәсіп, ауыл шаруашылық машиналарын жасау өнімдері, метал кесу станоктары, жұқа қабырғалы құбырлардың суық прокаты үшін стандарт түрінде таныстырылған.
Үлесіне 22%-дан аса көлемі келетін агроөнеркәсіп кешенінің өнімдері республиканың экспортқа шығаратын тауарларының маңызды тобын құрайды. Мақта талшығы, жүн, астық, тері шикізаттары, ет консервілері агроөнеркәсіп кешеннің негізгі құрамалары болып саналады. Ірі көлемдегі инвестицияларды талап етпейтін және қысқа мерзім аралығында қайтарым беруі мүмкін экспорт саласындағы мрамордан, граниттен, ұлутастарынан, гипс тастан және т.б. жасалған құрылыс материалдарының мүмкіндіктері зор.
Туризм аясындағы халықаралық ынтымақтастықтың болашағы зор болып саналады. Республикада құрылған спорт және туризм Министрлігі осы міндеттерді шешуге ықпал етері сөзсіз. Солардың ішінде әсіресе аңшылық турлары, туристік және альпинистік маршруттар (дәстүрлі емес ат, түйемен жүру бағыттарын қоса отырып), тау-шаңғы базаларындағы демалыс, этнографиялық, мәдени объектілерді аралау – туризм саласының тез қайтарым беретін нысандары деп санауға болады.
Көлік саласында өзінің географиялық жағдайы бойынша республика әлемнің негізгі экономикалық аудандары арасында неғұрлым ұрымтал транзиттік мүмкіндікке ие болып отыр, осы арқылы делдалдық қызметтен маңызды көлемде валюталық түсімдер ала алады. Алашакол (ҚХР) – Достық (Қазақстан) темір жолы бойынша транзиттік көлік жүйесін дамытудың таяу болашақтағы мүмкіндіктері үлкен, сол сияқты Түркия – Иран – Түркменстан - Өзбекстан – Қазақстан – Қытай Трансазиялық магистралын құрудың да туризм саласын дамытудағы өзіндік ерекшеліктері мен артықшылықтары бар.
Сыртқы экономикалық қызметтің инфрақұрылымы белсенді түрде қалыптасуда. Республикада Сыртқы экономикалық байланыстар Министрлігі, Сыртқыэкономбанк құрылды. Қазіргі уақытта оңдаған сыртқы экономикалық ассоциациялар мен бірлестіктер іс-қимыл жасауда, сыртқы экономикалық байланыс жасауға қатынасушылардың саны өсе түсуде. Өнімдерді экспортқа шығаруға және республикаға қажетті тауарлар мен технологияларды сырттан әкелуге, сондай-ақ бірлескен кәсіпорындар құруға көмектесу мақсатында басқа да ұйымдық шаралар қабылдануда.
Республика қаржы Министрлігі Қазақстан аумағында жүзден аса бірлескен кәсіпорындарды тіркеген, Қазақстан заңдары республикада 100% шет ел капиталы негізінде кәсіпорындар құруға мүмкіндік береді. Бірлескен кәсіпорындар белгілі бір жеңілдіктерді пайдаланады.
Макроэкономикалық тұрақтылық қазіргі жағдайда мемлекетті табысты дамытудың негізі болып саналады, атап айтқанда олар:
а) инфляциясыз ақша-несие жүйесі;
б) бюджет тапшылығына қатаң бақылау;
в) қалыпты баға белгілеу;
г) сыртқы сауданың ашықтығы – экспортты тұрақтандыру, импортты ең аз деңгейге дейін шектеу;
д) бірегей импорт тарифі;
е) ұлттық валютаның оңтайлы бағамы;
ж) сыртқы инвестициялардың қолайлы жағдайы.
Мемлекеттің экономикаға араласуының дәрежесі мен деңгейі маңызды фактор болып саналады. Дәл осы фактор дамушы елдердің сәтсіздікке ұшырауларының басты себептері болды. Ішкі экономикада, сол сияқты сыртқы байланыстар саласында үкіметпен, мемлекеттік кәсіпорындармен және жеке сектормен арадағы қызмет шектеулерін дәл айқындаудың аса маңызды екендігін естен шығармау керек. Сондай-ақ, реттеудің экономикалық әдістеріне көшу де маңызды болып саналады.
Республиканың сыртқы экономикалық қызметін күшейту шеңберіндегі басты құрамалары:
1. Кәсіпкерлікті дамыту үшін жағдай туғызу және халықтың жинақтарын тарту, өйткені барлық дамушы елдердегі ұлттық капитал шет елден келетін инвестицияларға қарағанда, инвестицияларды 12-18 есе көп қамтамасыз етеді.
2. СЭБ (ВЭС) аясындағы заңдар кешенін әзірлеу және енгізу, олардың орындалуы мен тұрақтылық кепілдігін қамтамасыз ету.
3. Халықаралық құқық пен маркетинг, статистика саласындағы кадрларды, салық инспекторларын, банк қызметкерлерін, қаржыгерлерді, бухгалтерлерді, нарыққа қажетті сыртқы сауда маманларын даярлау.
4. Қай елдің экономикасы біздің экономиканы өзара толықтырушы болып саналады, сол елдердің экономикалық блоктары мен республикалық салалар үшін басым болып саналатын сыртқы экономикалық саясатты белсенді түрде жүргізу.
5. Республиканың экономикалық қызметіне шет ел банктерінің ене алу мүмкіндігін қамтамасыз ету.
6. Экономиканың басым салаларында шет елдің иелік етуі тәртіптерін және икемді валюта тәртіптерін енгізу.
Сыртқы экономикалық байланыстардың (СЭБ) қазіргі жағдайын және республика мүддесін ескере отырып, сыртқы экономикалық байланыстар келесі бағыттар бойынша дамитын болады:
1. «ТМД» Ресеймен, Украинамен, Беларусиямен, Өзбекстанмен және т.б. экономикалық одақты сақтау және нығайту:
а) кәсіпорындар арасындағы тығыз байланыс,
б) әлемдік нарықтағы бағаны түсірмеу үшін шикізат саласындағы іс-қимылды үйлестіру,
в) республиканың транзиттік жүктерін Еуропаға, Таяу шығысқа жеткізуді қамтамасыз ету,
г) ғылыми-техникалық орталықтарды (ҒТО) бірлесіп пайдалану, конверсиялар өткізу,
д) сауда өкілдіктерін және бұрынғы КСРО-ның шетелдік паспорттарын пайдалану.
2. Оңтүстік-Шығыс Азияның басқа елдеріне шығумен Пекин-Сеул-Токио АТР-і. Бұл аймақ Қазақстандағы бірсыпыра жобаларды іске асыру үшін несиелер мен жұмыс күштерін тартудың озық технологияларының көздері болып саналады.
3. Азиялық. Түркия - өткізу нарығы. Араб шығыс елдерімен ынтымақтастық және экономикаға инвестициялар тарту үшін Азия несиелері.
4. Еуропалық. Бәрінен көбірек түрде ТМД-ға тартылуға дайын, Германияның басым түрде назар аударушылығы. Германияның экономикалық үлгісі Қазақстан үшін қызығушылық туғызады. Инфрақұрылымдарды дамыту және кадрларды оқыту мақсатында техникалық көмек пен несиелер алу үшін Еуропалық экономикалық одақпен (ЕЭО) ынтымақтастық. Бірсыпыра салаларда Шығыс Еуропа елдерімен тығыз өзара байланысты іс-қимыл жасайды.
5. Ақша айналымының реттегіші ретінде Ұлттық Банктің рөлін нығайту арқылы, банк жүйесін реформалауды аяқтау және нарықтық үлгідегі нағыз коммерциялық банктер құру. Экспортқа несие беру үшін мемлекеттік сараптау – импорттық банкін, шикізаттарды экспорттаудан және қайта бөлуден түскен кірістерді шоғырландыру үшін даму банкін құру және сыртқы сауда келісімдері мен импорттық несиелерді сақтандыру, шет елдердегі қаржы нарықтарында Қазақстан өкілдерінің қызметін ұйымдастыру.
3. Қарапайым бақылаушы бола отырып, сыртқы экономикалық байланыстар (СЭБ) саласында мемлекеттік банктерді ұйымдастыру және мемлекеттік реттеу жүйесін жетілдіру.
4. Шет ел инвестициялары бойынша комиссия және агенттік құру, біздің нарыққа кіретін шет ел фирмалараның несие қабілетін анықтау бойынша жұмыстарды қалыпқа келтіру.
5. Бәсекелестіктің адал еместігі туралы, жер қойнаулары туралы заңдар қабылдау.
6. Патенттік-лицензиялық жұмыстардағы өзіндік жүйені қалпына келтіріп, Қазақстан ұйымдарының, сол сияқты шет елдік фирмалардың, жеке және заңды тұлғалардың интеллектуалдық меншіктерін қорғау үшін халықаралық келісімдерге қосылу.
7. Сыртқы экономикалық байланыстардың (СЭБ) барлық негізгі бағыттары бойынша кадрларды оқытудың мемлекеттік бағдарламасын қабылдау.
Дата добавления: 2015-12-21; просмотров: 1; Мы поможем в написании вашей работы! |
Мы поможем в написании ваших работ!