В данном отрывке повествование ведется не по годам.
− Установите, кто главные герои данного источника. У кого из них была трагическая судьба?
A) Летаписец великих князей литовких
B) 854 г. – 15 в.
C) Борьба за власть последователей Гедымина, дуумверат Ольгерда и Кейстута, правление Якайлы и Витовта.
Великого князя Кедмина Литовского было сынов 7: старевши Монивид, потом Наримонт, Олигоръд—королев отец, потом Евнутей, потом Кестути—отец великого князя Витовта, потом Корият, седмый Люборт.
Монивиду дал отец Корачев да Слоним, Наримонту — Пинеск. Олгирду — королеву отцу — Крево, да к тому князь витебскый, сынов не держал, принял его к дотьце, — Витебъск в зяти. Евнутия осадил во Вильни на великом княжени. А Кестутию — Троки. Коръяту — Новъгородок. А Люборта принял володимерскый князь к дотьце—во Володимер и в Луцеськ и во всю землю Волыньскую.
Олгирд — королев отец — а великого князя отец Кестути были во великой любви и милости и в ласце. Князь велики Евнутей во болшенстве будя не полюбился има. И смовили межи собою братия, князь велики Олгирд и князь велики Кестути, как бы его оттоле высадити, а некоторому бы межи их. сести. И, смолвилши межи собою, рок учинили, которого бы дни к Вилни пригнати, засести город под братом великим князем Евнутием. А князь велики Ольгирд к Вилни из Витебьска не поспел к тому року, а князь велики Кестутей пригнал ко городу Вилни и вогна в город. И князь велики Евнутей, выскочив, убежить во гуры, тамо озябеть в ноги. Немше его привезли ко брату его, ко князю великому Кестутию. Он же жда брата своего старшего великого князя Олигорда, посади его за сторожею. А противу брата своего, великого князя Олигорда, послал гонца, что иже во Вилни сел, а. брата князя великого Евнутия инял. Стретал гонец во Креве. И князь велики Олъгирд бордзо поспешить ко брату своему великому князю Кестутию.
|
|
|
И князь великый Кестути рече брату своему великому князю Олигрду: «Тобе подобаеть князем великим быти во Вилне, ты старе(й]шы брат, а я с тобою за одно живу».
И посади его на великом княжени [во] Вилни, а Евнутию дал Ижеславль. '
А докончають межи себе князь Кестутей велики и велики князь Олгирд, што братии всей послушну быти князя великого. Олгирда, или который волости то собе розделили, а то собе докончають, что—придобудуть,—град ли или волости — да то делити на полы. А быти имь до живота в любъви, во великой милости. А правду межи себе на том дали: не мыслити лихом никому же никогож.
Тако же были и до живота своего в той правде.
Сынов же было у великого князя Олгирда 12, а в князя великого Кестутия сынов 6 было. А межи всих сынов любили: князь Олгирд князя великого Ягайла и князь велики Кестути полюбил князя великого Витовта, и нарекли при своих животех их, што им быти на их местех, на великих княженьи.
|
|
|
Они пах князь .велики Витовт так же во великой дружбе.были при отцех своих.
Потомь пак князь велики Олгирд умре.
И князь велики Кестути яе оставити брата своего великого князя Олгирда, как до его живота в одинотьстве с ним были— почнеть держати князем великим ве Вилни сына его князя великого Ягайла. И почнеть пак приездити ко старым думам, как ко брату приезчивал ко старейшему.
Некто пак был у великого князя Олгирда паробрк невольны, холоп; звали его Войдилом. Первое был пекаром, потом вставили его постелю слати и воду давати собе пити. И потом пак полюбился был ему, дал был ему Лиду держати. И повел был его в добрых. Потом, по животе великого князя Олигирда, две ли лете минуло,—князь велики Ягайло поведеть его велми во высокых и дасть за него сестру свою родную княжну Марию, што потом была за князем Давыдом.
Князю великому Кестутию велми не любость учинил и жалость, што братанну его, а свою сестру за холопа дал.
И был тот Войдило у великой моцы у великого князя Ягайла. Почал со Немьцы собе соймы чинити и записыватися грамотами против великого князя Кестутия.
|
|
|
Некто пан был Остродски кунтор, звали его Гунстыном, тот был кмотр великому князю Кестутию: крестил княгиню Янушевую, дщерь его. Тот поведал князю великому Кестутию: «И ты того не ведаешь, как князь великий Ягайло посылаеть к вам часто Войдила и уже записался с нами, как тебе избавити своих мест, а ему бы ся достали и со сестрою великогокнязя Ягайла твои места».
Князь велики Кестутей веда, што князь велики Витовт гораздо живеть со князем великим Ягайлом. И почнеть жаловатися сыну своему, великому князю Витовту: «Ты с ним гораздь живешь, [а] он вже записал ся на нас со Немьцы».
Князь велики Витовт рече отцу своему: «Не веруй тому, ач того нет, заньже со мною гораздо живеть, а чей бы и мне явил».
Потом пак учинилося великое знамение. Князь великий Ягайло дал был Полотеск брату своему Скиригайлу. И они его не приняли. И князь великий Ягайло послеть рать свою всю литовскую и рускую со братом своим князем Скиригайлем к Полоцку. И отступять город.
И князь велики Кестути опять начнеть сыну своему, великому князю Витовту, жаловатися и проплакивая на князя Ягайла: «За Войдила сестру дал мою братанну; а из Немец ми явлено, что Немьцы записалися на нас. А се пак третее с ким мы ся воюем,—с Немьцы:—они с ними Полоцка, добывають. Уже то проявилося, што они на нас полно стали с Немьцы».
|
|
|
И князь велики Витовт отвечаеть отцю своему великому князю Кестутию: «Еще того не доверяю гораздь». А рекл то, князь великый Витовт, сам поехал к городу Дорогичину.
Князь пак великы Кестутей собрався своею моцыю и вженеть во город во Вилню, иметь князя великого Ягайла и со братиею и с матерью, и грамоты тые найдеть, што з Немьцы записался. И ко сыну своему гонца послеть, к великому князю Витовту к Дорогичину, што такая дела сталася. И гонец тот найдеть князя великого в Городне; он вже до Городна приехал з Дорогичина.
А князь велики Витовт за один день приженеть из Городна ко отцю своему Кестутию. Он же рече сыну своему князю великому Витовту: «Ты мне не верил, а се тые грамоты, что записалися были на нас, но бог нас остерегл. Но я князю великому Ягайлу ничего не вчинил, не рушил есмо ни скарбов его, ни стад, а сами у мене не в нятстве ходять, только зе малою сторожею. А отчину его Видбеск и Крево и вся места, што отец его держал, то все даю ему. Ни у во что их не вступаюся. А то вчинил есми стерега своей головы, почюв, што на мене лихо мыслить».
И князь великый Ягайло великому Витовту и дади своему великому князю Кестутию, што николи противо его не стояти, а все у воли его быти во всем. Князь великый Кестути отпусти его со материю и со братию, и со скарбы и со всим его. И князь великый Ягайло пойде к Креиву. Князь великы Витовт проводить его до Креива.
И князь великый Ягайло пойдеть ис Крева ко Витебску.
А как сяде князь великый во Вилни Кестутей, пошлеть 2 человекы к Полоцку —одного у рать, а другого к городу. И Полочане возрадовалися, кликнули на рать и люди ратьни отступилиот Скиригайла и пошли к Вилини, к великому князю Кестутию.
А князь Скиригайло пошел у Немьцы у Лифянты с малыми слугами.
И князь пак великый Кестутей пойдеть ко Сиверскому Новгородку.
А князя Корбутия, а сына своего князя великого Витовта оставил в Литве. А идя ко Сиверскому Новугородку, велить Войдила обесити, а князю великому Ягайлу с Витебска пойти ж было с ним. То пак великый Ягайло правду на борзде загубил, там не пошел, а наговорил местичей виленских и Ганулеву чадь, и засели Вилну.
А князь великий в то время Витовт во Троцех был. И князь великий Ягайло из Витепска со всими приженеть к Вилни.
И князь великы Витовт пошлетько Сиверскому Новгородку,ко отцю своему, с тою вестию.
А Немьцы пак Прускии, услышавшитая дела, и маршалко пруский пойдеть ратию к великому князю Ягайлу вельми на борзде.
А как услышал то князь великы Витовт, што Пруски Немьци к Вилни и к Троком идуть,.а князь великый Ягайло из Вилни ко Троком же идеть ратию сниматись с Немьци, он пойдеть ко Городну и со Троков со матерьею.
А как приступил ко Троком киязь великыйЯгайло, и Трокы дадутся ему.
И князь великый Кестутей идеть » Городну, к сыну своему. Туто найдеть и жену свою и пошлеть ей ко Брестию, надейяся на князя ЯнуТиа Мазовского—зятя своего. А сам пойдеть во Жемоить, а сына князя великого Витовта оставить в Городне. Князь пак Януш — зять его — забыв добра, приде князю великому Ягайлу. И се перъво Лифлянты рать на помощь приходила князю Скиригайлу к Полоцку, а потом з маршалком Пруская рать к Троком приходила, а то вже в третие Лифлянская рать и с ним же приходила,—то уже знакы тые вышли, што с ним заодно стояли противу великого князя Кейстутия.
И выступить на бой князь великы Кестутей со сыном своим князем великим Витовтом противу князя Ягайлы.
И как не сошедшимся полком за три или за четыре стреления, приженуть князи и бояре от князя великого Ягайла до князя великого рати Кестутееви, тючнуть пытати великого кня.зя Витовта, што быхом поговорили с ним. Почнуть говорити великому князю Витовту: «Князь великий Ягайло послал нас к тобе, штобы еси уеднал нас со отцем своим, што быхом держали свое, а вы бы свое, а бою бы межи нас не было, а кровипролития не вчиналося. Ты бы» приехал ко брату своему, князю великому Ягайлу. А мы правду даем, штобы тобечистоотъехати в рать свою. А чей бы межи вас бил добрый конец». Князь великый Витовт отвешал: «Правду у вас беру, штобы такоже князь Скиригайло семо приехал, а такоже бы правду дал, и я выеду».
И они послали ко князю Скиригайлу. И князь Скиригайло також правду дал великому князю Витовту, как и оны.
И князь велики Витовт поехал к великому князю Ягайлу и к его рати, а полкове стоять межи себою, не починають ничего.
И князь великый Ягайло почнеть просити великого князя Витовта, штобы еси межи нас уеднал и кровопролития бы не было. И князь великый Витовт правду взял в него, у князя великого Ягайла, за отца своего, што отцу его великому князю Кестутию съехався и опять чисто розъехатися. А еще рече князь великый Витовт князю великому Ягайлу: «Еще, брате, пошли Скиригайла, штобы он и я вчинили быхом правду отцу своему, иже бы ему чисто приходити и опять отъехати в рать, •а князь Скиригайло от тебе дал правду».
И князь великый Витовт со князем Скиригайлом придуть ко отцу своему, ко князю великому Кейстутию в рать и дасць правду отцю своему от князя великого Ягайла. И князь Скиригайло правду дасть от великого князя Ягайла и от себе.
И князь великый Витовт со отцем своим, великим князем Кестутием, обадва поеде в рать ко Ягайлу, надияся на тыи правды.
Князь же великый Ягайло переступил [тые правды], молвить: «Поедь к Вильни, тамо докончаем». А в том ничего не починавши остали.
И как к Вильни поехали, князя великого Кестутия, дядю своего, оковав ко Креву послали и всадили во вежю, а князя великого оставили Витовъта еще во Вилни.
И тамо во Креиве пятой нощи князя великого Кестутия удавили коморникы князя великого Ягайлавы: Прокша, што воду давал ему, а были ины: Мостев—брат, а Кучук, а Лисица—жибентяи.
Таков конец стался князю великому Кестутию.
По смерти пак князя великого Кестутия пошлеть князь великый Ягайло князя великого Витовта во Крево же и со женою и велит его твердо стеречи во комнате.
Помщая Войдила, дву велели на колесе разбити: одного Видимонта, дядю матки князя великого Витовта, отчиня брата матки его, што держал Ульяну, потом как была за Монвидом, а иных бояр много постинал, помщая того Войдила.
Князь пак великый Витовт сидел во Креве за твердою сторожею в комнате. А жонце две ходили повладывати княгиню в комнату; положив да вон пойдуть, а сторожи около.
То пак великая княгиня, слышавши от. людей, иметь ли князь великый Витовт должей седети, ачей также изгадають, как и над отцем, и пригодила ему так: как пойдуть жонки покладати, ино бы ему одной жонки всклати порты да выйти воя со другою жонкою, а той жонце остати бы в него. И он наредився в одной жонкы порты, да за другою вышел, да испустится из города, утечеть во Немьцы, у Пруси.
Сущю же ему в Немьцах в Марине городе у мистра и приехаша к нему многи князе и бояре литовскыи.Он же начавоевати, с помочью немецкою, Литовскую землю.
А князю великому сущу Ягайлу со матерью своею, великою княгинею Ульяною, во Витебску, а брат его Скиригайло в Литовской земли, у Троцех. А великому князю Витовту часто воюющи Литовскую землю. А великому князю Ягайлу и Скиригайлу невозможно вже стати противу его, занеже бо у него сила велика собралася. Тогда князь великий Ягайло перезвав его со Немець и дал ему Луческ со всею Волыньскою землею, а в Литовской земли отчину его.
Короля Людовика в животе не стало. Сынов в него не было, только одна дочка именем Ядвига. И начаша Ляхове слати с Кракова ко князю великому Ягайлу, дабы принял крещение старого Рима и понял бы в них королевну именем Ядвигу собе женою и стал бы в них королем во Кракове на всей земли Лядской.
Он же, князь великый Ягайло, змовилися и з своею материю, и с великою княгинею Ульяною,,и с братиею своею, и со всими князн и бояре Литовския земли. И поехав Кракову в Лядску землю. Тамо же сам крестился и братия его и князи, и бояре Литовския земли. И понял за себе королевну Ядвигу, и корунован бысть того королевства коруною.
И оттоле начаша крестити Литву в латынскую веру. И присла арцибискупа к Вилни в Литовскую землю. И тогда начаша костелы ставити по всей Литовской земли.
Той же зимы будущи королю во Кракове со всими князьми Литовскыми и бояре Литовскими, князь Андрей Полоцкый приде с Немьци с Лифянты, и со всею Латыголою на Литовску землю и, повоевал, пожже много мест и сел. Градом же Литовския земли ничего не вспел и пак возовратися во свояси.
Той же зимы князь Светислав Смоленскый совет сотвори со князем Андреем Полоцкым: он в Литву, а князь Светислав ко Орши, на миру много зла сотвориша християнем, нечеловеческы и нехристиянскы и мучиша християн, иже ни в поганых ратех то не слышах таковых мук. Мучаще християн сбираху и запираху во избах и зажигаху. А другии велики храмы очепы подимаху и пленников под. стены кладаху главами и зажигаху. А иныя жены и дети на коле тыкаху. А иных мук над християны их же скаредно не писахом, яко же ни Онтиох Сирскый, ни Ульян Законопреступник тех мук не сотвори над хрестияны. Граду же Орши ничего не вспеша и пакы возвратися восвояси.
Той же зимы, во великое говение, нача Светослав думати со Смоленскими бояри на хрестьянское кровопролитие, яко сверипие зверие, аки не хрестияне. Пойде ко городу Мстиславлю и ста у града Мстиславля и нача добывати, и порокы бити град. А в землю Мстиславскую вой пусти и много пролития крови християнскыя. Тоже бысть богу мерзко зрети: зовущимся хрестиянем, а братию свою—хрестиян не человеческы, не христианскы мучаху.
Князь же великий Скиригайло, князь великый Витовт, приехавши з Ляхов от брата своего короля, слышав, яко князь Святослав Смоленский преже был под Витебском, а потом к Орши приходил, а под Мстиславлем стоить, град порокы биеть, и сожалився князь великый Скиригайло, пойде со братиею своею; со великым князем Витовтом и Костентином, и с Корыбутом, и со Семеном Лынгвенем, и помянуша слово божие, еже рече: «В нюже меру человек мерить—отмерится ему, а что посееть, то и пожнеть, мы,—рекоша,—никоего зла ему не сотворихом, а он с нами в докончании буда, переступив крестное целование и докончание, нашу землю воюеть и кровь християнскую проливаеть. Мы же идем на него, надеемся на бога и на християнскую силу». И придоша ко граду Мстиславлю. А князю Святославу стоявши у города и бивши порокы град Мстиславль, на страстной недели в пятницю.
Яко услышав князь Святослав, яко идеть на него князь Скиригайло и со братиею, исполчи воя своя и пойде противу им. Яко иступишася полци, бог же по Давыда пророка слову сотвори, еже рече: «Обратися болезнь на главу его и на верх его неправда снидеть». И пакы ров изрыв ископа и впаде ся в него, еже сотворил. Бог поможе великому Витовту, а князь Святослав устремися на бег и з. своими князми и со бояры Смоленскыми и [со] своими ратьми. Божиею силою ту не мало чудо сотворися. Избито бысть вой много, множество князей и бояр, но и самого князя великого Святослава убиша. Сына же его князя Юрья князь великый Скиригайло исцелив его от ран, и привезе его ко городу к Смоленску, и к матери его, великой княгине Святославли и посади его на великом княжении Смоленском, занеже была за князем Юрьем дщи старей сестры Скиригайловы.
Отшедши от города Смоленского князь великый Скиригайло и пойде во свою землю Литовскую и нача княжити во Троцех, а во Вилню послал король старосту своего лядского.
А князю великому Витовту, тогды держащю Луческ и всю землю Волынскую, а в Литовской земли отчину свою. И бысть ему нужно, иж чего преже не бывало в Литовской земли сторонам, владеющим великим княжением. Тогда с[о]вет сотвори со многими князьми и бояры Литовскими. Тогда бо Скиригайлу отъехавши к Полоцку, князь великий Витовт приде к Вилни, хотя засести. А княгиня великая бе Анна тогда у Городне. Вилневци же тогда не вдашася ему, зане бе тогда правду дали королю Скиригайлу. Он же тогда, не возма Вилни, и пойде к мистру и з своею княгинею, и со своими князьми, и со многими боярми и оттоле нача воевати Литовску землю з немецькою помочю. И уже взял был Литовской земли по Велию реку а и Полотеск вдася ему.
И узрил король и князь великы Скиригайло, яко вже невозможно удержати земли Литовскыя пред великим князем Витовтом с немецькими силами, пойде к Вилни и отрете его Скиригайло со братом своим Вигонтом и с Литовскими вой на реце на Вели у городка на месте, нарицаеме Веищушкы [Икшышкы]. И ступившимся полком и бог поможе великому князю Витовту и побежени быша литовски воя, и устремишася на бег, и побито бысть много их. Иных князей и бояр в нятство поймали: князя Семена Евнутьевича, князя Глеба Светославовича Смоленского, князя Глеба Костентиновича, князя Ивана Тету, Льва Плаксича и иных князей изымано бысть много.
И пойде князь великый Витовт таки к городу Вилни со своими войми и оступять город Вилню. И нача добывати Кривогогорода — пушками бити, и взя город Кривый..
Тогда же Немьцы убиша князя Коригайла Ольгирдовича, А лядской заставе во Высокомгороде тогда сущи, и не пустиша во град князя Коригайла.
Князь же великый Витовт врзма Крывыгород и земли извоевал пакы возвратися в Немьцы.
Того же лета к великому Витовту — в Немьцы, в Марьингород придоша послы из города Москвы от великого князя Василия Дмитриевича, прося дщери князя Витовтовы за великого князя Василия Дмитриевича. Князь великый Витовт даст дщерь свою княжню Софию, отпусти ея из Марьинагорода,. а с нею посла князя Ивана Ольгимонтовича из град[а] Данска. И поидоша во корабли за море и придоша к граду Пскову. Они же великы чти воздаша им и приводиша их со честию до град[а] Москвы к великому Василию Дмитриевичу. Князь же великый Василей посла противу ему со честию братию свою. князя Володимера Андреевича и князя Андрея Дмитриевича иных князей и бояр много.
На весну князь великый Витовт иде и взя землю Подольскую, а князю Володимеру Олгирдовичу, тогда бывшу в Киеве, и не всхоте покоры учинити и челом ударити великому князю Витовту.
Той же весны князь великый Витовт пойде взя град Житомир и Вручий и приеха к нему князь Володимер. Того же лета, на осень князь великий Витовт выведе его ис Киева и даст ему Копыль, а на Киеве посади князя Скиригайла. Сам же князь великый Витовт пойде на Подольскую землю, а князю Скиригайлу повеле ити ис Киева ко Черкасом и ко Звенигороду.
Князь же Скиригайло, божиею помощию, великого князя Витовта повелением, взя Черкасы и Звенигород и возовратися пакы ко Киеву.
Ту же паки княжащу ему в Киеве, бысть же нехто Фома чернец Изуфов, держа намеснитство от митрополита у святой Софой на митрополичием дворе. Посхотевшю же князю Скиригайлу ехати за Днепре в ловы, той же прежереченый Фома нача звати его на пир, на митрополичий двор. Князю же Скиригайлу сущю у него на пиру, аз же того не свемь зан[е]же бех тогды млад, но нецеи глаголють, иже бы тот Фома дал князю Скиригайлу зелие травное пити. И с того пиру князь Скиригайло так поехал за Днепре к Милославичем и тамо разболеся; канонь канона крещения в субботу. Вха в город во Киев болен; болев 7 дней, преставися в среду. И понесоша на главах его священници, поюще песни отходные с свещами из града Киева ко святей Богородицы Печерской и положен бысть чюдный князь Скиригайло, добрый, наречены во святом крещении Иоан, подле гроба святого Федосия Печерского.
Князь же велики Витовт услышав, иж князь Скиригайло преставися и посла князя Ивана Олгимонтович[а] ко Киеву и да ему держати Киев.
Мы же на пререченое возвратимся. Как выедет из Немець князь великий Витовт на великое княжение, так отпусти нятца своего князя Глеба Святославича ко Смоленску на_великое княжение. А князю Юрью Святославичю вда город Рославль.
Князю Глебу седящу во Смоленсте, и нача не в послушании быти великому князю Витовту. Князь же великый Витовт послы своя слаша о оправлении. Он же не всхоте исправитися. Тогда князь великий Витовт пойде со всими силами ко городу Смоленску, тако вдаст ему Глеб и с градом Смоленскым. Князь же великый Витовт вда град Смоленеск держати князю Манту [Ямонту] и Василию Борейковичю. А князю Глебу вдаст город Полоны. Сам же князь великый Витовт возвратися в Литовскую землю.
На ту же зиму посла князя Семена Лынгвена со многими ратьми и смоленскими ратьми на князя Ол[е]га Резанского и сплениша многое множество Резанскыа земли и возвратишася с победою во свояси.
Тогда же бе зима вельми студеца.
Той же зимы на весну приехал князь великый Василей Дмитриевич Московскый ко чыцу своему, великому князю Витовту во Смоленеск во великое говение и учти князя великого Витовта многими дарми — чепьми золотыми и поясы золотыми и соболми камками и суды златыми и бахматы. И князь же великый Витовт зятя своего великого князя учти и удари различными дарми — сажеными порты, и дорогими оксамиты, и многоценными камками, и гиншты во седлех золотых, снастех чюду достойных. И отпустико граду Москве с великою честью, а сам поеде к Литви...
Фрагмент 6
Отметьте, каким образом датировались исторические события в течении года и какие стили использовались.
От сотворения мира.
A) Тверская летопись
B) 1368 - 1394 г.г.
Дата добавления: 2018-05-02; просмотров: 223; Мы поможем в написании вашей работы! |
Мы поможем в написании ваших работ!