Преподобной Поликсении Испанской
ХРАМ АПОСТОЛА
АНДРЕЯ ПЕРВОЗВАННОГО (ПЕРМЬ)
МОЛИТВЫ АПОСТОЛУ АНДРЕЮ ПЕРВОЗВАННОМУ
И ЕГО СВЯТЫМ СПОДВИЖНИКАМ
НА КАЖДЫЙ ДЕНЬ СЕДМИЦЫ
Г. Пермь, 2021 год.
По благословению настоятеля
Храма апостола Андрея Первозванного Перми,
Благочинного Первого городского
И Успенского округов Пермской Епархии
Протоиерея о. Александра (Толокнова).
В понедельник
Апостолу Андрею Первозванному
О, святый апостоле Христов Андрее Первозванне, небесный покровителю наш! Приими сие малое моление нас, смиренно от сердца тебе приносимое, умоли Христа Жизнодавца даровати всем призывающим святое имя твое пред образом твоим и раце мощей твоих, в храме твоем славне почивающим, здравие духовное, душевное и телесное, спасение душ бессмертных наших от смерти вечныя и ловления Антихристова, даруй же нам нести апостольское сие служение в лукавом и грешнем веце сем, подаждь нам силы
искати всегда не своя воли греховныя, а благия воли Христовы!
Храму нашему, иже во имя твое, апостоле Христов Андрее, славне наречен бысть, подаждь вся, яже ко спасению полезная и потребная, всех клириков, служащих и трудящихся зде осени их благодатным своим посещением, да не отыдет без помощи Божия всякий приходящий в дом твой, апостоле Андрее, и не останется бе
|
|
|
с забралом открытым на ближняго и искренняго своего.
О, святый апостоле Христов Андрее! Буди же нам врач
искусен душ и телес наших, буди заступниче сирым, вдовам и всем,
чающих заступления твоего, да вкупе с тобою прославим
Пречестное Имя Господне, Отца, и Сына, и Святаго Духа,
ныне и присно, и во веки веков. Аминь.
Во вторник
Мученикам Инне, Пинне и Римме
О, святии мученицы Инно, Пинно и Риммо, славнии последователи и ученицы апостола Первозванного Андрея!
Приимите сие малое моление наше, пред образом Вашим
смиренно нами приносимое! Вы бо еси на горе Ай-Петри страны Крымския апостолом Андреем в лик ученицев своих славне призваны бысть, глаголы апостола Андрея по всему лику Крыма
распространили есте.
Темже местныя язычницы Вы за верность Заветам Христовым
умучиша, иже Вы на колы древесныя насади посреди моря ледянаго Дунайскаго. Сего ради Вы житие мученически скончавше, мощми
своими ныне чудесне во граде Алуште почиваете, и всем, просящим
помощи Вашея, обильне туе всем даете вся потребная!
О, святии мученицы Инно, Пинно и Риммо! Святителем Лукой Крымским первыми святыми земли Русския наречены Вы бысть,
|
|
|
умолите Христа Жизнодавца даровати нашей стране Российской
во благочестии стояние, недуги духовные и телесные наша
и Отечества нашего славне исцелите, да вкупе с Вами и со всеми святыми сподобимся в бесконечнем веце славити и воспевати
Пречестное Имя Господне, Отца, и Сына, и Святаго Духа,
ныне и присно, и во веки веков. Аминь.
В среду
Апостолу от 70-ти Стахию
О, святый апостоле Христов Стахие, последователю апостола
Первозванного Андрея! Приими сие малое моление наше, пред образом твоим святым тебе возносимое!
Умоли Христа Бога даровати нам оставление лютых наших прегрешений, сокруши бесовское мудрование Вселенского Патриарха Варфоломея по расколу Вселенскому Истинныя Веры Православныя,
ты же еси со апостолом Андреем бысть родоначальницы
Вселенскаго Православия Византийскаго. Умоли Бога нашего сотворити с нами по Всеблагой Воле Его Господней, да дарует нам
здравие духовное, душевное и телесное, оставление лютых наших грехопадений, Истинное и непоколебимое стояние нам даруй
в Вере Православней, даруй заступление всем сирым, убогим и немощным, даруй нам восприятие даров Духа Свята Божия,
|
|
|
да вкупе с тобою и со всеми святыми сподобимся славити
Имя Господне, Отца, и Сына, и Святаго Духа, ныне и присно,
и во веки веков. Аминь.
В четверг
Апостолу от 70-ти Амплию
О, святый апостоле Христов Амплие, дивный покровителю
и заступниче наш! Приими сие малое моление наше, пред образом твоим честным тебе приносимое. Умоли Христа Бога даровати нам крепкое здравие духовное, душевное и телесное, спасение душ наших от бесовкия лести и ловления вражия, заступничества твоего нелицемернаго и научи нас ходити пред Господем Славы во вся дни жития нашего, даруй исцеление от недугов наших,
от греховных прилогов и навыков нам во вразумление
и трезвение духовное попущенных, даруй нам свобождение
от страстей наших, люте нас обдержащих, да вкупе с тобой
и со всеми святыми прославим Пречестное Имя Господне,
Отца, и Сына, и Святаго Духа, ныне и присно,
и во веки веков. Аминь.
В пятницу
Апостолу от 70-ти Урвану
О, святый апостоле Христов Урване, епископе Македонския земли и сподвижниче Первозванного апостола Андрея!
|
|
|
Приими сие малое моление нас, грешных и недостойных
чад Божиих, на погибель себе вся дольняя земная стяжавающим,
а о погибели вечныя души нашея не пекущихся! Умоли Христа Бога даровати нам здравие духовное, душевное и телесное,
пещися более нам о потребном для спасения душ наших,
оставити лукакое и суетное попечение, о мнозех гресех и страстех лукаваго века сего, но более помышляти о стяжании даров Духа Свята Божия, и о нетленных благах Небеснаго Иерусалима,
коими здравы бывают дух, душа и телеси наше, якоже
храми Бога Живаго, да сподобимся вкупе с тобой и со всеми святыми славити Имя Господне, Отца, и Сына, и Святаго Духа,
ныне и присно, и во веки веков. Аминь.
В субботу
Апостолу от 70-ти Филологу
О, святый апостоле Христов Филологе, града Синопа епископе достохвальне и Первозванного апостола Андрея славне учениче!
Приими сие малое моление нас, грешных чад Божиих,
умоли Христа Бога даровати нам здравие духовное, душевное и телесное, сокрушити нещадне беснования нашего от страстей и грехов наших прилоги, оставити суетная и греховная мира сего
и сподобитися Единения со Господом Славы в Жизни Вечныя!
Ты бо еси града Синопа архипастырство чудне понесе,
навыкнул пещися о пасомых своих неленостне, и заживо сожженый при лютем Нероне, к учителю своему, апостолу Андрею, достоблаженне преселився и Духом Святым благодать свою умножиша. Темже молимся тебе, апостоле Филологе, даруй нам оставление прегрешений, души наша соделавый ныне храмами Духа Свята Божия, да вкупе с тобою и со всеми святыми
прославим Имя Господне, Отца, и Сына, и Святаго Духа,
ныне и присно, и во веки веков. Аминь.
В воскресенье
Преподобной Поликсении Испанской
О, преподобная и богоносная мати наша Поликсение, Испании просветительнице равноапостольная и апостола Андрея
славная ученице! Приими сие малое моление нас, грешных
чад Божиих, испроси нам здравие духовное, душевное и телесное,
сподобитися Причастия Благ Вечных, девиц во благочестии и чистоте Веры Истинныя Православныя напитание,
плодов Святаго Крещения славное умножение, верности и послушания духовных учителем своим, в Спасении Вечнем нас наставляющия, даруй нам оставление лютых наших беззаконий,
сподоби нас искати Воли Божия Спасительныя, а не мерзости греха и бесовскаго ловления.
О, преподобная мати наша Поликсение! Испроси у Господа
нам наследия Иерусалима Небеснаго, да вкупе с тобою и со всеми
святыми прославим Пречестное Имя Господне,
Отца, и Сына, и Святаго Духа, ныне и присно,
и во веки веков. Аминь.
Благословение храма
Дата добавления: 2022-06-11; просмотров: 22; Мы поможем в написании вашей работы! |
Мы поможем в написании ваших работ!