Чтец:                                             ШЕСТОПСАЛМИЕ

 

Вели́кая ектения́:

Бог Госпо́дь, глас 1:

Хор:       Бог Госпо́дь, и яви́ся нам, благослове́н Гряды́й во И́мя Госпо́дне.

(И далее на каждый стих)

 

Тропа́рь пра́здника, глас 1:

Хор:       Ра́дуйся, Благода́тная Богоро́дице Де́во,/ из Тебе́ бо возсия́ Со́лнце Пра́вды – Христо́с, Бог наш,/ просвеща́яй су́щия во тьме./ Весели́ся и ты, ста́рче пра́ведный,/ прие́мый во объя́тия Свободи́теля душ на́ших,// да́рующаго нам воскресе́ние. (Два́жды)

Перевод

        Радуйся, благодатная Богородица Дева, / ибо из Тебя воссияло Солнце правды, Христос Бог наш, / просвещающий находящихся во тьме. / Веселись и ты, старец праведный, / принявший во объятия Освободителя душ наших, / дарующего нам воскресение

 

 

Кафи́змы:

 

Седа́лен пра́здника, глас 1:

                Лик А́нгельский да удиви́тся чудеси́,/ земни́и же гла́сы, возопие́м пе́ние,/ зря́ще неизрече́нное Бо́жие снизхожде́ние,/ Его́же бо трепе́щут Небе́сныя си́лы,// ны́не ста́рчи объе́млют ру́це Еди́наго Человеколю́бца.

 

Перевод
Хор Ангельский да поражается чуду, / мы же, смертные, песнь воспоем своими голосами, / видя неизреченное Божие схождение на землю: / ибо Того, пред Кем трепещут небесные силы, / ныне принимают в объятия старческие руки, / как единственного Человеколюбца.

 

Кафи́зма двадца́тая:

Седа́лен пра́здника, глас 1, подо́бен: «Лик А́нгельский…»:

                Сый со Отце́м на Престо́ле святе́м,/ прише́д на зе́млю, от Де́вы роди́ся/ и Младе́нец бысть, ле́ты Сый неопи́сан,/ Его́же при́им Симео́н на ру́ки, ра́дуяся глаго́лаше:// ны́не отпуща́еши, Ще́дре, возвесели́в раба́ Твоего́.

Перевод

       Пребывающий вечно с Отцом на святом престоле, / придя на землю, от Девы родился и стал Младенцем, / Тот, Кто по существу временем не ограничен. / Симеон, приняв Его в объятия, радуясь, возглашал: / "Ныне Ты отпускаешь, Милосердный, возвеселив, раба Твоего!"

 

Полиеле́й: Хор:        Хвали́те И́мя Госпо́дне, хвали́те, раби́ Го́спода.

               

Велича́ние пра́здника:

 

Хор:       Велича́ем Тя,/ Живода́вче Христе́,/ и чтим Пречи́стую Ма́терь Твою́,/ Е́юже по зако́ну// ны́не прине́слся еси́ в храм Госпо́день.

Перевод

Величаем Тебя, / Податель жизни Христе, / и чтим Пречистую Матерь Твою, / Которою Ты во исполнение Закона / ныне принесен во храм Господень.

Псало́м избра́нный:

Ектения́ ма́лая:

 

 

Седа́лен пра́здника, глас 4, подо́бен: «Удиви́ся Ио́сиф…»:

                Младе́нствуеши мене́ ра́ди, Ве́тхий де́ньми,/ чище́нием приобща́ешися, Чисте́йший Бо́же,/ да плоть уве́риши мне, ю́же от Де́вы./ И сим Симео́н, поуча́яся, позна́ Тя, Бо́га, я́вльшагося пло́тию,/ и, я́ко Жизнь, лобза́ше и, ра́дуяся, ста́рчески взыва́ше:// отпусти́ мене́, Тебе́ бо ви́дех, Живота́ вся́ческих.

Перевод

Древний днями ради меня становится младенцем, / приобщается обрядам очищения чистейший Бог, / дабы удостоверить, что принял Он от Девы плоть, как у меня. / И Симеон, посвящаемый в эти таинства, / познал в Нем Бога, явившегося во плоти, / и как Жизнь Его приветствовал, / и, радуясь, по-старчески восклицал: / "Отпусти меня, ибо увидел я Тебя, / Жизнь всех!"

 

Степе́нна, глас 4:

1 Антифо́н:

Хор: От ю́ности моея́/ мно́зи бо́рют мя стра́сти,/ но Сам мя заступи́// и спаси́, Спа́се мой.

            Ненави́дящии Сио́на,/ посрами́теся от Го́спода,/ я́ко трава́ бо огне́м// бу́дете изсо́хше.

                       Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

            Святы́м Ду́хом/ вся́ка душа́ живи́тся,/ и чистото́ю возвыша́ется,// светле́ется Тро́йческим еди́нством, священнота́йне.

Проки́мен и чте́ние Ева́нгелия:

Диа́кон:    Вонмем. Премудрость вонмем, прокимен, глас 4:

                           

Хор:       Помяну́ и́мя Твое́/ во вся́ком ро́де и ро́де.

 

                       (Лк., зач. 8)                          

Иере́й:       Во вре́мя о́но, бе челове́к во Иерусали́ме, eму́же и́мя Симео́н. И челове́к сей пра́веден и благочести́в, ча́я уте́хи Изра́илевы, и Дух бе Свят в нем. И бе eму́ обеща́но Ду́хом Святы́м, не ви́дети сме́рти, пре́жде да́же не ви́дит Христа́ Госпо́дня. И прии́де ду́хом в це́рковь. И eгда́ введо́ста роди́тeля Oтроча́ Иису́са, сотвори́ти и́ма по обы́чаю зако́нному о Нем. И той прие́м Eго́ на руку́ своe ́ю, и благослови́ Бо́га, и рече́: Ны́не отпуща́еши раба́ Твоего́, Влады́ко, по глаго́лу Твоему́ с ми́ром. Я́ко ви́десте o ́чи мои́ спасе́ние Твое́, E ́же eси́ угото́вал пред лице́м всех люде́й. Свет во открове́ние язы́ком и сла́ву люде́й Твои́х Изра́иля.

Перевод

В то время был в Иерусалиме человек, которому имя Симеон; и человек этот – праведный и благоговейный, ожидающий утешения Израиля, и Дух Святой был на нем. И было ему открыто Духом Святым, что он не увидит смерти, прежде чем не увидит Христа Господня. И пришел он в Духе в храм, и когда принесли родители Младенца Иисуса, чтобы им совершить по установлению Закона о Нем, он взял Его на руки, благословил Бога и сказал: "Ныне отпускаешь Ты раба Твоего, Владыка, по слову Твоему, с миром, ибо видели очи мои спасение Твоё, которое Ты уготовал пред лицом всех народов: свет во откровение язычникам и славу народа Твоего, Израиля". Лк 2:25–32

 

Хор:       Сла́ва, Тебе́, Го́споди, сла́ва Тебе́.

 

Стихи́ра пра́здника, глас 6:

                Да отве́рзется дверь Небе́сная днесь:/ Безнача́льное бо Сло́во О́тчее,/ нача́ло прии́м под ле́ты,/ не отсту́пль Своего́ Божества́,/ от Де́вы я́ко Младе́нец четыредесятодне́вен/ Ма́терию во́льне прино́сится в це́рковь зако́нную,/ и Сего́ на ру́ки прие́млет ста́рец,/ отпусти́, зовы́й, раба́, Влады́ко,/ и́бо о́чи мои́ ви́деста спасе́ние Твое́./ Прише́дый в мир спасти́ род челове́чь,// Го́споди, сла́ва Тебе́.

Перевод

Да отверзаются в сей день небесные врата, / ибо Безначальное Слово Отчее, / принявшее во времени начало / не утратив Своего Божества, / Девой-Матерью как Младенец сорокадневный / добровольно приносится в Храм подзаконный, / и Его в объятия принимает старец, / "Отпусти", – взывая, как раб Владыке – / "ибо видели очи мои спасение Твое!" / Пришедший в мир спасти род человеческий, / Господи, слава Тебе!

Кано́н:

Песнь 1:

Кано́н пра́здника, глас 3:

Хор:

Ирмо́с:         Су́шу глубороди́тельную зе́млю/ со́лнце наше́ствова иногда́:/ я́ко стена́ бо, огусте́ обапо́лы вода́/ лю́дем пешомореходя́щим и Богоуго́дно пою́щим:// пои́м, Го́сподеви, сла́вно бо просла́вися.

Перевод

Над сухою землей, родившейся из бездны, / солнце некогда взошло: / ибо как стена по обе стороны застыла вода / для народа пешего, море переходившего / и богоугодно воспевавшего: / "Воспоем Господу, / ибо Он славно прославился!"

Припе́в:      Пресвята́я Богоро́дице, спаси́ нас.

Тропа́рь:    Да ка́плют во́ду о́блацы,/ Со́лнце бо, на о́блаце ле́гце носи́мо, наста́ло есть,/ на нетле́нную руку́, Христо́с в це́ркви я́ко Младе́нец./ Те́мже, ве́рнии, возопии́м:// пои́м Го́сподеви, сла́вно бо просла́вися.

Перевод

Облака да прольют воду; / ибо Солнце – Христос, / легким облаком носимый – непорочными руками, / в Храме явился, как Младенец; / потому мы, верные, будем восклицать: / "Воспоем Господу, / Он ибо славно прославился!"

 

Припе́в:      Пресвята́я Богоро́дице, спаси́ нас.

Тропа́рь:    Крепи́теся, ру́це Симео́ни, ста́ростию осла́бленнии,/ лы́ста же претружде́нна ста́рча правобыстро́ движи́тася Христу́ на сре́тение,/ лик со безпло́тными соста́вльше,// пои́м Го́сподеви, сла́вно бо просла́вися.

 

Перевод
Укрепитесь руки Симеона, / ослабевшие от старости, / и одряхлевшие ноги старца / бодро двигайтесь Христу навстречу; / составив хоровод с бесплотными, воспоем Господу, /ибо Он славно прославился!

 

 

Припе́в:      Пресвята́я Богоро́дице, спаси́ нас.

Тропа́рь:    Ра́зумом просте́ртая Небеса́, весе́литеся, и ра́дуйся, земле́,/ из Пребоже́ственных бо недр Хитре́ц проше́д Христо́с,/ Ма́терию Де́вою Бо́гу Отцу́ прино́сится Младе́нец, И́же пре́жде всех,// сла́вно бо просла́вися.

        Возвеселитесь небеса, распростертые премудро, / радуйся и земля: / ибо происшедший из недр Божественнейших Создатель Христос, / Матерью Девой Богу Отцу как младенец приносится, / Тот, Кто прежде всех, / ибо Он славно    прославился.                                                                                                                                      

Песнь 3:

Кано́н пра́здника, глас 3:

Хор:

Ирмо́с:  Утвержде́ние на Тя наде́ющихся,/ утверди́, Го́споди, Це́рковь,/ ю́же стяжа́л еси́// честно́ю Твое́ю Кро́вию.

Утверждение на Тебя надеющихся! / Утверди, Господи, Церковь, / которую Ты приобрел / драгоценною Твоею кровию.

Припе́в:      Пресвята́я Богоро́дице, спаси́ нас.

Тропа́рь:    Перворожде́н из Отца́ пре́жде век,/ Перворожде́н Младе́нец из Де́вы нетле́нныя,// Ада́му ру́ку простира́я, яви́ся.

Перворожденный от Отца прежде веков / перворожденным Младенцем / непорочной Отроковицы явился, / простирая Адаму руку спасения.

 

Припе́в:      Пресвята́я Богоро́дице, спаси́ нас.

Тропа́рь:    Младоу́мна бы́вша пре́лестию первозда́ннаго// па́ки исправля́яй Бог Сло́во, младе́нствовав, яви́ся.

Дабы в прежнее состояние восстановить / первозданного, ставшего неразумным / как младенец через обольщение, / Бог Слово Младенцем явился.

 

 

Припе́в:      Пресвята́я Богоро́дице, спаси́ нас.

Тропа́рь:    Земли́ исча́дие, па́ки поте́кшее в ню,/ Божества́ сообра́зное естество́ Зижди́тель// я́ко непрело́жне, младе́нствовав, яви́.

     
Из земли происшедшее естество / и вновь в нее возвратившееся, / Создатель явил сообразным Божеству, / став Младенцем, но не изменившись.

 

 

Катава́сия, глас 3:

Хор:  Утвержде́ние на Тя наде́ющихся,/ утверди́, Го́споди, Це́рковь,/ ю́же стяжа́л еси́// честно́ю Твое́ю Кро́вию.

Утверждение на Тебя надеющихся! / Утверди, Господи, Церковь, / которую Ты приобрел / драгоценною Твоею кровию.

Ектения́ ма́лая

Седа́лен пра́здника, глас 4, подо́бен: «Удиви́ся Ио́сиф…»:

                На горе́ Сина́йстей дре́вле ви́де Моисе́й за́дняя Бо́жия,/ и то́нкий Боже́ственный глас сподо́бися во мра́це же и ви́хре слы́шати./ Ны́не же Симео́н воплоще́ннаго Бо́га непрело́жне нас ра́ди на ру́ки прия́т/ и ра́достно тща́шеся ити́ от су́щих зде к животу́ ве́чному./ Те́мже вопия́ше:// ны́не отпуща́еши раба́ Твоего́, Влады́ко.

 

В древности на горе Синай Моисей увидел Бога сзади / и удостоился неясно слышать Божественный глас во мраке и буре; / ныне же Симеон принял во объятия / ради нас неизменно воплотившегося Бога, / и, радостно устремлялся от здешнего к жизни вечной. / Потому он и взывал: / "Ныне отпускаешь Ты раба Твоего, Владыка!"

 

Песнь 4:

Кано́н пра́здника, глас 3:

Хор:

Ирмо́с:  Покры́ла есть небеса́ доброде́тель Твоя́, Христе́,/ из киво́та бо проше́д святы́ни Твоея́ нетле́нныя Ма́тере,/ в хра́ме сла́вы Твоея́ яви́лся еси́/ я́ко младе́нец руконоси́мь,// и испо́лнишася вся́ Твоего́ хвале́ния.

 

Покрыла небеса доблесть Твоя, Христе,: / ибо выйдя из ковчега Твоей святыни – / непорочной Матери – / Ты явился в Храме славы Твоей, / как Младенец, носимый на руках, / и все наполнилось хвалою Тебе.

Припе́в:      Пресвята́я Богоро́дице, спаси́ нас.

Тропа́рь:    Ра́дуйся, Симео́не, неизрече́нных таи́нниче, Богоро́дица вопия́ше,/ о Не́мже от Свята́го дре́вле извести́ся тебе́ Ду́ха,/ младе́нствовавшаго Сло́ва Христа́ на ру́ки приими́, зовы́й Ему́:// испо́лнишася вся Твоего́ хвале́ния.

"Симеон, служитель неизреченных таинств", – / Богородица взывала, – / "Того, о Ком издревле извещен ты Святым Духом, / ставшее младенцем Слово – Христа, / радуясь, во объятия прими, / взывая к Нему: / Все наполнилось хвалою Тебе!"

 

Припе́в:      Пресвята́я Богоро́дице, спаси́ нас.

Тропа́рь:    На Него́же упова́л еси́, Симео́не, во́зраст де́тищный,/ ра́дуяся, подыми́ Христа́, Изра́иля Боже́ственнаго утеше́ние,/ зако́на Творца́ и Влады́ку, исполня́ющаго зако́на чин, зовы́й Ему́:// испо́лнишася вся Твоего́ хвале́ния.

 

Кого ожидал ты, Симеон, радостно прими – / Христа, Дитя возрастом, / утешение богоизбранного Израиля, / Творца Закона и Владыку, / исполняющего устав Закона, – / взывая к Нему: / "Все наполнилось хвалою Тебе!"

Тропа́рь:    Ви́дя Симео́н Сло́во Безнача́льное, с пло́тию, я́ко на престо́ле Херуви́мстем, Де́вою носи́мо,/ вино́внаго е́же бы́ти вся́ческих, я́ко Младе́нцу дивя́ся, вопия́ше Ему́:// испо́лнишася вся Твоего́ хвале́ния

          
Симеон, видя Слово безначальное, / во плоти, как на престоле Херувимском, Девою носимое, / Виновника бытия всего – как Младенца, / в изумлении взывал к Нему: / "Все наполнилось хвалою Тебе!"

Песнь 5:

Кано́н пра́здника, глас 3:

Хор:

Ирмо́с:  Я́ко ви́де Иса́ия обра́зно на престо́ле превознесе́на Бо́га,/ от А́нгел сла́вы дориноси́ма,/ о, окая́нный, – вопия́ше, – аз:/ прови́дех бо воплоща́ема Бо́га,// Све́та Невече́рня и ми́ром влады́чествующа.

Когда Исаия увидел в прообразе / превознесенного на престоле Бога, / окружаемого Ангелами славы, / он взывал: "О, я несчастный!" / Ведь предувидел я воплощаемого Бога, / светом немеркнущим и миром владычествующего".

Припе́в:      Пресвята́я Богоро́дице, спаси́ нас.

Тропа́рь:    Разуме́в Боже́ственный ста́рец проявле́нную дре́вле проро́ку сла́ву,/ рука́ми Сло́во зря Ма́терними держи́мо,/ о, ра́дуйся, – вопия́ше, – Чи́стая!/ Я́ко престо́л, бо держи́ши Бо́га,// Све́та Невече́рняго и ми́ром влады́чествующа.

Уразумев Божественный старец / славу, в древности пророку явленную, / видя Слово, носимое руками Матери, / "Радуйся, о Досточтимая", – взывал, – / "ибо Ты, как престол, держишь Бога, / светом немеркнущим и миром владычествующего".

 

Припе́в:      Пресвята́я Богоро́дице, спаси́ нас.

Тропа́рь:    Покло́нься ста́рец,/ и стопа́м Боже́ственне прикосну́вся неискусобра́чныя и Богома́тере,/ Огнь, – рече́, – но́сиши, Чи́стая:/ Младе́нца бою́ся объя́ти Бо́га,// Све́та Невече́рняго и ми́ром влады́чествующа

Старец, преклонясь и благоговейно прикоснувшись / к стопам не познавшей брака Девы и Богоматери, / возгласил: "Огонь несешь Ты, Чистая; / страшусь принять в объятия Младенца – Бога, / светом немеркнущим и миром владычествующего".

 

Припе́в:      Пресвята́я Богоро́дице, спаси́ нас.

Тропа́рь:    Очища́ется Иса́ия, от Серафи́ма угль прие́м,/ ста́рец вопия́ше Богома́тери,/ Ты, я́коже клеща́ми, рука́ми просвеща́еши мя, пода́вши, Его́же но́сиши,// Све́та Невече́рняго и ми́ром влады́чествующа

"Очищается Исаия, / от Серафима уголь приняв", – / взывал старец к Богоматери, – / "Ты же просвещаешь меня, / руками, как клещами подав мне Тобой Носимого, / светом немеркнущим и миром владычествующего"    

Песнь 6:

Кано́н пра́здника, глас 3:

Хор:

Ирмо́с:  Возопи́ к Тебе́ ви́дев ста́рец очи́ма спасе́ние,/ е́же лю́дем прии́де от Бо́га,// Хри́сте, Ты Бог мой.

Воскликнул к Тебе старец, / увидев своими глазами спасение, / пришедшее к народам от Бога: / "Христе, Ты – Бог мой!

Припе́в:      Пресвята́я Богоро́дице, спаси́ нас.

Тропа́рь:    Сио́ну Ты ка́мень возложи́лся еси́,/ непокори́вым претыка́ние и собла́зна ка́мень,// неруши́мое ве́рных спасе́ние.

На Сионе камнем Ты был положен, / для непокорных – скалою преткновения и соблазна, / верным же – несокрушимым спасением.

Припе́в:      Пресвята́я Богоро́дице, спаси́ нас.

Тропа́рь:    Изве́стне нося́ начерта́ние/ И́же пре́жде век Тя израсти́вшаго,// земны́х за милосе́рдие ны́не не́мощию обложи́ся.

Поистине нося образ / прежде веков Тебя Родившего, / Ты по милосердию Своему ныне / немощью смертных облекся

 

Припе́в:      Пресвята́я Богоро́дице, спаси́ нас.

Тропа́рь:    Сы́ну Вы́шняго,/ Сы́ну Де́вы,/ Бо́гу, Отроча́ти бы́вшему,// покло́ньшася Тебе́ ны́не отпусти́ с ми́ром.  

Поклонившегося Тебе, / Сыну Всевышнего, Сыну Девы, / Богу, сделавшемуся Младенцем, / ныне отпусти с миром.

Катава́сия, глас 3:

Хор:  Возопи́ к Тебе́ ви́дев ста́рец очи́ма спасе́ние,/ е́же лю́дем прии́де от Бо́га,// Хри́сте, Ты Бог мой.

Воскликнул к Тебе старец, / увидев своими глазами спасение, / пришедшее к народам от Бога: / "Христе, Ты – Бог мой!

Ектения́ ма́лая:

 

Конда́к пра́здника, глас 1:

                Утро́бу Деви́чу освяти́вый Рождество́м Твои́м/ и ру́це Симео́не благослови́вый,/ я́коже подоба́ше, предвари́в,/ и ны́не спасл еси́ нас, Христе́ Бо́же,/ но умири́ во бране́х жи́тельство// и укрепи́ лю́ди, и́хже возлюби́л еси́, Еди́не Человеколю́бче.

 

Утробу Девы освятив рождением Твоим, / и руки Симеона благословив, / заранее, как надлежало, / и ныне Ты спас нас, Христе Боже. / Но огради миром среди войн народ Твой / и укрепи тех, кого* Ты возлюбил, / Единый Человеколюбец.

 

И́кос:

            К Богоро́дице притеце́м, хотя́щии Сы́на Ея́ ви́дети, к Симео́ну носи́ма,/ Его́же с Небесе́ Безпло́тнии ви́дяще, дивля́хуся, глаго́люще:/ чу́дная зрим ны́не и пресла́вная, непостижи́мая, несказа́нная!/ И́же бо Ада́ма созда́вый но́сится я́ко Младе́нец,/ Невмести́мый вмеща́ется на рука́х ста́рчих,/ И́же в не́дрех неопи́санных Сый Отца́ Своего́/ во́лею опису́ется пло́тию, а не Божество́м,// Еди́н Человеколю́бец.

 

К Богородице прибегнем / мы, желающие увидеть Сына Её, / к Симеону приносимого, / на Которого с небес взирая, / бесплотные поражаются и восклицают: / "Чудное мы созерцаем ныне и необычайное, / непостижимое, невыразимое: / ибо Создателя Адама носят как младенца, / Невместимый в объятиях старца умещается, / Пребывающий в беспредельных недрах Отца Своего / добровольно ограничивается – плотью, но не Божеством, – / Единый Человеколюбец!"

 

Песнь 7:

Кано́н пра́здника, глас 3:

Хор:

Ирмо́с:  Тебе́ во огни́ ороси́вшаго о́троки богосло́вившия,/ и в Де́ву Нетле́нну все́льшагося Бо́га Сло́ва пои́м,/ благоче́стно пою́ще:// благослове́н Бог оте́ц на́ших.

Тебя, Бога Слово, в огне оросившего / отроков богословствовавших, / и в Деву непорочную вселившегося, / мы славим, благоговейно воспевая: / "Благословен Бог отцов наших!"

Припе́в:      Пресвята́я Богоро́дице, спаси́ нас.

Тропа́рь:    Ада́му извести́ти хотя́й иду́, во а́де живу́щу,/ и Е́ве принести́ благове́стие, Симео́н вопия́ше, со проро́ки лику́я:// благослове́н Бог оте́ц на́ших.

"Я отхожу, чтобы поведать Адаму, / во аде пребывающему, / и принести Еве благую весть", – / Симеон взывал, с пророками торжествуя, / – "Благословен Бог отцов наших!"

 

Припе́в:      Пресвята́я Богоро́дице, спаси́ нас.

Тропа́рь:    Ро́да зе́мна избавля́яй Бог да́же до а́да прии́дет,/ пле́нным же пода́ст всем оставле́ние и прозре́ние слепы́м, я́ко и немы́м вопи́ти:// благослове́н Бог оте́ц на́ших.

Чтобы избавить бренный род, / Бог низойдет даже до ада, / пленным всем подаст освобождение и прозрение слепым, / равно как и немым – способность восклицать: / "Благословен Бог отцов наших!"

 

Припе́в:      Пресвята́я Богоро́дице, спаси́ нас.

Тропа́рь:    И Твое́ се́рдце нетле́нная ору́жие про́йдет, Симео́н Богоро́дице провозгласи́,/ на Кресте́ зря́щи Твоего́ Сы́на,/ Ему́же вопие́м:// благослове́н Бог оте́ц на́ших

"И Твое сердце, Непорочная, меч пронзит", / – предвозвестил Симеон Богородице, – / "Когда увидишь Ты на Кресте Сына Твоего, / Которому мы взываем: / Благословен Бог отцов наших!"

Песнь 8:

Кано́н пра́здника, глас 3:

Хор:

Ирмо́с:  Нестерпи́мому огню́ соедини́вшеся,/ Богоче́стия предстоя́ще, ю́ноши,/ пла́менем же неврежде́ни,/ Боже́ственную песнь поя́ху:/ благослови́те, вся дела́ Госпо́дня, Го́спода// и превозноси́те во вся ве́ки.

Нестерпимым огнем соединенные / предводители благочестия – юноши, / но не потерпевшие вреда от пламени, / песнь божественную воспевали: / "Благословляйте, все творения Господни, Господа / и превозносите во все века!"

Припе́в:      Пресвята́я Богоро́дице, спаси́ нас.

Тропа́рь:    Лю́дие Изра́илевы, Твою́ сла́ву Емману́ила зря́ще Отроча́ из Де́вы,/ пред лице́м Боже́ственнаго ковче́га ны́не лику́йте:/ благослови́те, вся дела́ Госпо́дня, Го́спода// и превозноси́те во вся ве́ки.

Народ Израильский! Видя свою славу / – Эммануила, Младенца от Девы, / торжествуй ныне пред лицом божественного ковчега: / "Благословляйте, все творения Господни, Господа / и превозносите во все века!"

 

Припе́в:      Пресвята́я Богоро́дице, спаси́ нас.

Тропа́рь:    Се, Симео́н вопия́ше, пререка́емое зна́мение Сей бу́дет,/ Бог Сый и Отроча́,/ Сему́, ве́рнии, возопии́м:/ благослови́те, вся дела́ Госпо́дня, Го́спода// и превозноси́те во вся ве́ки.

               "Вот", – воскликнул Симеон, – / "Сей – Бог истинный и Младенец – / будет знамением пререкаемым". / Ему мы, верные, воспоем: / "Благословляйте, все творения Господни, Господа / и превозносите во все века!"

 

Припе́в:      Пресвята́я Богоро́дице, спаси́ нас.

Тропа́рь:    Живо́т сый, сей бу́дет паде́ние непокори́вым,/ младе́нствовав Бог Сло́во,/ я́ко воста́ние всем ве́рою пою́щим:/ благослови́те, вся дела́ Госпо́дня, Го́спода// и превозноси́те во вся ве́ки.

Сей – Жизнь по естеству, / Бог Слово, сделавшийся Младенцем, / будет для непокорных падением, / равно как и восстанием для всех, / с верою воспевающих: / "Благословляйте, все творения Господни, Господа / и превозносите во все века! 

 

Катава́сия, глас 3:

Хор:  Хва́лим, благослови́м, покланя́емся Го́сподеви, пою́ще и превознося́ще во вся ве́ки.

                Нестерпи́мому огню́ соедини́вшеся,/ Богоче́стия предстоя́ще, ю́ноши,/ пла́менем же неврежде́ни,/ Боже́ственную песнь поя́ху:/ благослови́те, вся дела́ Госпо́дня, Го́спода// и превозноси́те во вся ве́ки.

Нестерпимым огнем соединенные / предводители благочестия – юноши, / но не потерпевшие вреда от пламени, / песнь божественную воспевали: / "Благословляйте, все творения Господни, Господа / и превозносите во все века!"

Диа́кон:    Богоро́дице Де́во, упова́ние христиа́ном,/ покры́й, соблюди́ и спаси́ на Тя уповаю́щих.

 

Песнь 9:

Кано́н пра́здника, глас 3:

Хор:

Ирмо́с:         В зако́не се́ни и писа́ний/ о́браз ви́дим, ве́рнии:/ всяк му́жеский пол, ложесна́ разверза́я, свят Бо́гу./ Тем перворожде́нное Сло́во,/ Отца́ Безнача́льна,/ Сы́на Первородя́щася Ма́терию неискусому́жно,// велича́ем.

В тени и букве Закона / мы, верные, усматриваем образ: / всякое существо мужского пола, / разверзающее утробу матери, посвящено Богу; / потому перворожденное Слово, / Сына Отца безначального, / перворождаемого не знавшей мужа Матерью, / мы величаем.

Припе́в:      Богоро́дице Де́во, ми́ру блага́я помо́щнице,/ покры́й и соблюди́ от вся́кия ну́жды и печа́ли.

Ирмо́с:         В зако́не се́ни и писа́ний/ о́браз ви́дим, ве́рнии:/ всяк му́жеский пол, ложесна́ разверза́я, свят Бо́гу./ Тем перворожде́нное Сло́во,/ Отца́ Безнача́льна,/ Сы́на Первородя́щася Ма́терию неискусому́жно,// велича́ем.

В тени и букве Закона / мы, верные, усматриваем образ: / всякое существо мужского пола, / разверзающее утробу матери, посвящено Богу; / потому перворожденное Слово, / Сына Отца безначального, / перворождаемого не знавшей мужа Матерью, / мы величаем.

 

Хор поет припевы, чтец читает тропари:

Припе́в:      Богоно́се Симео́не, прииди́, подыми́ Христа́,/ Его́же роди́ Де́ва Чи́стая Мари́я.

Тропа́рь:    И́же дре́вним новорожде́нных го́рличищ супру́г дво́ица же бя́ше птенце́в,/ в ни́хже ме́сто Боже́ственный ста́рец и целому́дренная А́нна проро́чица/ от Де́вы рожде́нному и Сы́ну Единоро́дному О́тчу,// в це́рковь приноси́му, слу́жат, велича́юще.

У древних с новорожденными были приносимы / пара горлиц или двое птенцов; / вместо них божественный старец / и целомудренная Анна пророчица, / служа от Девы Рожденному / и единственному Сыну Отца, / во храм принесенному, / Его величали.

 

 

Припев:      О дщи Фану́илева!/ Прии́ди, ста́ни с на́ми и благодари́ Христа́ Спа́са, Сы́на Бо́жия.

О дочь Фануилова, / приди, стань с нами / и благодари Христа Спасителя, Сына Божия.

Тропарь:    Возда́л еси́ мне, вопия́ше Симео́н,/ спасе́ния Твоего́, Христе́, ра́дование,/ восприими́ Твоего́ служи́теля, се́нию претружде́ннаго,// но́выя благода́ти Священнопропове́дника та́йнаго во хвале́нии велича́юща.
"Ты дал мне", – Симеон взывал, – / "радость Твоего, Христе, спасения; / прими служителя Твоего, тенью Закона изнуренного, / новой благодати священнопроповедником и тайнозрителем, / хвалою Тебя величающим!"

 

 

Катава́сия, глас 3:

Хор:  В зако́не се́ни и писа́ний/ о́браз ви́дим, ве́рнии:/ всяк му́жеский пол, ложесна́ разверза́я, свят Бо́гу./ Тем перворожде́нное Сло́во,/ Отца́ Безнача́льна,/ Сы́на Первородя́щася Ма́терию неискусому́жно,// велича́ем.

В тени и букве Закона / мы, верные, усматриваем образ: / всякое существо мужского пола, / разверзающее утробу матери, посвящено Богу; / потому перворожденное Слово, / Сына Отца безначального, / перворождаемого не знавшей мужа Матерью, / мы величаем.

 

Ектения́ ма́лая:

 

Свети́лен пра́здника, самоподо́бен:

                Ду́хом во святи́лищи предста́в,/ ста́рец на ру́ки восприя́т зако́на Влады́ку, вопия́:/ ны́не соу́з мя плотски́х разреши́, я́коже рекл еси́, с ми́ром:// ви́дех бо очи́ма открове́ние язы́ков и Изра́илю спасе́ние.

           Представ в Духе во святилище, / старец принял во объятия Владыку Закона, восклицая: / "Ныне от уз плоти меня освободи, / как сказал Ты, с миром: / ибо своими глазами я увидел / откровение язычникам и спасение Израиля!"

 

Хвали́тны псалмы́, глас 4:

Хор:       Вся́кое дыха́ние да хва́лит Го́спода./ Хвали́те Го́спода с небе́с,/ хвали́те Его́ в вы́шних.// Тебе́ подоба́ет песнь Бо́гу.

                Хвали́те Его́ вси а́нгели Его́,/ хвали́те Его́ вся си́лы Его́.// Тебе́ подоба́ет песнь Бо́гу.

Чтец: Стихи́ры пра́здника, глас 4, подо́бен: «Дал еси́ зна́мение…»:

На 6. Стих: Хвали́те Его́ на си́лах Его́,/ хвали́те Его́ по мно́жеству вели́чествия Его́.

Стихира: Зако́н, и́же в писа́нии,/ исполня́я, Человеколю́бец/ в це́рковь ны́не прино́ситс­я,/ и Сего́ прие́млет ста́рыми рука́ми Симео́н ста́рец,/ ны́не отпуща́еши мя, вопия́,/ ко о́ному блаже́нству:/ ви́дех бо Тя днесь, пло́тию ме́ртвенною обложе́ннаго,/ живото́м госпо́дствующа// и сме́ртию влады́чествующа.

Закон, в Писании данный исполняя, Человеколюбец, / ныне во Храм приносится, / и Его принимает старческими руками Симеон старец, / "Ныне отпускаешь меня", – взывая, – к тамошнему блаженству: / ибо увидел я Тебя в сей день, / смертной плотию облеченного, / но господствующего над жизнью / и над смертию владычествующего!"

 

На 4. Стих: Хвали́те Его́ в тимпа́не и ли́це,/ хвали́те Его́ во стру́нах и орга́не.

Стихира: Свет во открове́ние язы́ков/ яви́лся еси́, Го́споди,/ на о́блаце седя́ ле́гце,/ Со́лнце Пра́вды,/ зако́на сено́вное исполня́я/ и нача́ло изъявля́я но́выя благода́ти./ Тем, Тя ви́дев, Симео́н взыва́ше:/ из истле́ния мя разреши́,// я́ко ви́дех Тя днесь.

 

Светом во откровение язычникам Ты явился, Господи, / Солнце правды, носимое на легком облаке, / сокрытое в тени Закона исполняя, / и приоткрывая начало новой благодати. / Потому, созерцая Тебя, Симеон восклицал: / "Освободи меня от тления, / ибо увидел я Тебя в сей день!"

 

 

Стих:        Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.

Стихира:  Недр Роди́теля не отлу́чься Божество́м,/ вопло́щься, я́коже изво́лил еси́,/ объя́тиями держи́м Присноде́вы,/ на ру́ки пода́лся еси́ Богоприи́мца Симео́на,/ руко́ю Твое́ю держа́й вся́ческая;/ те́мже ны́не отпуща́еши мя,/ ра́достно взыва́ше,/ в ми́ре раба́ Твоего́,// я́ко ви́дех Тя, Влады́ко.

От недр Родителя не отлучившийся Божеством, / воплотившийся, как Сам благоволил, / Тот, Кого в объятиях держит Приснодева, / Ты был передан на руки Богоприимца Симеона, / Держащий Своей рукою все. / Потому он в восхищении взывал: / "Ныне отпускаешь Ты меня с миром, раба Твоего, / ибо увидел я Тебя, Владыка!"

 

                       Глас 6:

                       Сла́ва Отцу́ и Сы́ну и Свято́му Ду́ху и ныне и присно и во веки веков. Аминь.

                На рука́х ста́рческих во дне́шний день,/ я́ко на колесни́це Херуви́мстей,/ восклони́тися благоизво́ливый, Христе́ Бо́же,/ и нас, пою́щих Тя,/ страсте́й мучи́тельства призыва́емый изба́ви// и спаси́, я́ко Человеколю́бец.

На старческих руках в настоящий день / как на Херувимской колеснице возлечь благоволивший, Христе Боже, / и нас, воспевающих Тебя, / от владычества страстей, когда мы призовем Тебя, избавь / и спаси души наши!

 

Славосло́вие вели́кое:

Хор:       Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя,

.

 

Тропа́рь пра́здника, глас 1:

Хор:       Ра́дуйся, Благода́тная Богоро́дице Де́во,/ из Тебе́ бо возсия́ Со́лнце Пра́вды – Христо́с, Бог наш,/ просвеща́яй су́щия во тьме./ Весели́ся и ты, ста́рче пра́ведный,/ прие́мый во объя́тия Свободи́теля душ на́ших,// да́рующаго нам воскресе́ние.

 

Ектения́ сугу́бая:

 

Ектения́ проси́тельная:

.

 

Отпу́ст.

Иере́й: И́же во объя́тиих пра́веднаго Симео́на носи́тися изво́ливый на́шего ра́ди спасе́ния, Христо́с, И́стинный Бог наш, моли́твами Пречи́стыя Своея́ Ма́тере и всех святы́х, поми́лует и спасе́т нас, я́ко Благ и Человеколю́бец.

Отпуст

В объятиях праведного Симеона быть носимым благоволивший нашего ради спасения, Христос, истинный Бог наш, по молитвам пречистой Своей Матери, святых славных и всехвальных Апостолов и всех святых помилует и спасет нас, как благой и Человеколюбец.

 

Многоле́тие:

Хор:       Вели́каго Господи́на и Отца́ на́шего Кири́лла,/ Святе́йшаго Патри́арха Моско́вского и всея́ Руси́,/ и Господи́на на́шего (Высоко-) Преосвяще́ннейшаго (имярек),/ (архи-)епи́скопа (митрополита (титул)),/ богохрани́мую страну́ на́шу Росси́йскую,/ настоя́теля, бра́тию и прихо́жан свята́го хра́ма сего́/ и вся правосла́вныя христи́аны,// Го́споди, сохрани́ их на мно́гая ле́та.   

 

СРАЗУ ЧИТА́ЕТСЯ ПЕ́РВЫЙ ЧАС:

Пе́рвый час:

Чтец:    Прииди́те, поклони́мся Царе́ви на́шему Бо́гу.

                Прииди́те, поклони́мся и припаде́м Христу́, Царе́ви на́шему Бо́гу.

                Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 5:

                Глаго́лы моя́ внуши́, Го́споди, разуме́й зва́ние мое́. Вонми́ гла́су моле́ния моего́, Царю́ мой и Бо́же мой, я́ко к Тебе́ помолю́ся, Го́споди. Зау́тра услы́ши глас мой, зау́тра предста́ну Ти, и у́зриши мя. Я́ко Бог не хотя́й беззако́ния, Ты еси́: не присели́тся к Тебе́ лука́внуяй, ниже́ пребу́дут беззако́нницы пред очи́ма Твои́ма: возненави́дел еси́ вся де́лающыя беззако́ние. Погуби́ши вся глаго́лющыя лжу: му́жа крове́й и льсти́ва гнуша́ется Госпо́дь. Аз же мно́жеством ми́лости Твоея́, вни́ду в дом Твой, поклоню́ся ко хра́му свято́му Твоему́, в стра́се Твое́м. Го́споди, наста́ви мя пра́вдою Твое́ю, враг мои́х ра́ди испра́ви пред Тобо́ю путь мой. Я́ко несть во усте́х их и́стины, се́рдце их су́етно, гроб отве́рст горта́нь их: язы́ки свои́ми льща́ху. Суди́ им, Бо́же, да отпаду́т от мы́слей свои́х, по мно́жеству нече́стия их изри́ни я́, я́ко преогорчи́ша Тя, Го́споди. И да возвеселя́тся вси упова́ющии на Тя, во век возра́дуются, и всели́шися в них, и похва́лятся о Тебе́ лю́бящии и́мя Твое́. Я́ко Ты благослови́ши пра́ведника, Го́споди: я́ко ору́жием благоволе́ния венча́л еси́ нас.

Псало́м 89:

                Го́споди, прибе́жище был еси́ нам в род и род. Пре́жде да́же гора́м не бы́ти и созда́тися земли́ и вселе́нней, и от ве́ка и до ве́ка Ты еси́. Не отврати́ челове́ка во смире́ние, и рекл еси́: обрати́теся, сы́нове челове́честии. Я́ко ты́сяща лет пред очи́ма Твои́ма, Го́споди, я́ко день вчера́шний, и́же мимои́де, и стра́жа нощна́я. Уничиже́ния их ле́та бу́дут. Утро я́ко трава́ мимои́дет, у́тро процвете́т и пре́йдет: на ве́чер отпаде́т ожесте́ет и и́зсхнет. Я́ко исче́зохом гне́вом Твои́м, и я́ростию Твое́ю смути́хомся. Положи́л еси́ беззако́ния на́ша пред Тобо́ю: век наш в просвеще́ние лица́ Твоего́. Я́ко вси дни́е на́ши оскуде́ша, и гне́вом Твои́м исчезо́хом, ле́та на́ша я́ко паучи́на поуча́хуся. Дни́е лет на́ших, в ни́хже се́дмьдесят лет, а́ще же в си́лах, о́смьдесят лет, и мно́жае их труд и боле́знь: я́ко прии́де кро́тость на ны, и нака́жемся. Кто весть держа́ву гне́ва Твоего́, и от стра́ха Твоего́, я́рость Твою́ исчести́? Десни́цу Твою́ та́ко скажи́ ми, и окова́нныя се́рдцем в му́дрости. Обрати́ся, Го́споди, доко́ле? И умоле́н бу́ди на рабы́ Твоя́. Испо́лнихомся зау́тра ми́лости Твоея́, Го́споди, и возра́довахомся, и возвесели́хомся, во вся дни на́ша возвесели́хомся, за дни в ня́же смири́л ны еси́, ле́та в ня́же ви́дехом зла́я. И при́зри на рабы́ Твоя́, и на дела́ Твоя́, и наста́ви сы́ны их. И бу́ди све́тлость Го́спода Бо́га на́шего на нас, и дела́ рук на́ших испра́ви на нас, и де́ло рук на́ших испра́ви.

Псало́м 100:

            Ми́лость и суд воспою́ Тебе́, Го́споди. Пою́ и разуме́ю в пути́ непоро́чне, когда́ прии́деши ко мне? Прехожда́х в незло́бии се́рдца моего́ посреде́ до́му моего́. Не предлага́х пред очи́ма мои́ма вещь законопресту́пную: творя́щыя преступле́ние возненави́дех. Не прильпе́ мне се́рдце стропти́во, уклоня́ющагося от мене́ лука́ваго не позна́х. Оклевета́ющаго тай и́скренняго своего́, сего́ изгоня́х: го́рдым о́ком, и несы́тым се́рдцем, с сим не ядя́х. О́чи мои́ на ве́рныя земли́, посажда́ти я́ со мно́ю: ходя́й по пути́ непоро́чну, сей ми служа́ше. Не живя́ше посреде́ до́му моего́ творя́й горды́ню, глаго́ляй непра́ведная, не исправля́ше пред очи́ма мои́ма. Во у́трия избива́х вся гре́шныя земли́, е́же потреби́ти от гра́да Госпо́дня вся де́лающыя беззако́ние.

                       Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

                Аллилу́иа, аллилу́иа, аллилу́иа, сла́ва Тебе́ Бо́же. (Три́жды)

                Го́споди, поми́луй. (Три́жды)

                Сла́ва Отцу́ и Сы́ну и Свято́му Ду́ху.

Тропа́рь пра́здника, глас 1:

                Ра́дуйся, Благода́тная Богоро́дице Де́во,/ из Тебе́ бо возсия́ Со́лнце Пра́вды – Христо́с, Бог наш,/ просвеща́яй су́щия во тьме./ Весели́ся и ты, ста́рче пра́ведный,/ прие́мый во объя́тия Свободи́теля душ на́ших,// да́рующаго нам воскресе́ние.

                И ны́не и при́сно и во ве́ки веко́в. Ами́нь.

                Что Тя нарече́м, о Благода́тная?/ Не́бо, я́ко возсия́ла еси́ Со́лнце Пра́вды./ Рай, я́ко прозябла́ еси́ цвет нетле́ния./ Де́ву, я́ко пребыла́ еси́ нетле́нна./ Чи́стую Ма́терь, я́ко име́ла еси́ на святы́х Твои́х объя́тиях Сы́на, всех Бо́га./ Того́ моли́ спасти́ся душа́м на́шим.

                Стопы́ моя́ напра́ви по словеси́ Твоему́/ и да не облада́ет мно́ю вся́кое беззако́ние./ Изба́ви мя от клеветы́ челове́ческия,/ и сохраню́ за́поведи Твоя́./ Лице́ Твое́ просвети́ на раба́ Твоего́/ и нау́чи мя оправда́нием Твои́м.

                Да испо́лнятся уста́ моя́ хвале́ния Твоего́, Го́споди,/ я́ко да воспою́ сла́ву Твою́,/ весь день великоле́пие Твое́.

 

            Трисвято́е. Пресвята́я Тро́ице... О́тче наш...

 

Иере́й:       Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.

Чтец:    Ами́нь.

 

Кондáк пра́здника, глaс 1:

                Утро́бу Деви́чу освяти́вый Рождество́м Твои́м/ и ру́це Симео́не благослови́вый,/ я́коже подоба́ше, предвари́в,/ и ны́не спасл еси́ нас, Христе́ Бо́же,/ но умири́ во бране́х жи́тельство// и укрепи́ лю́ди, и́хже возлюби́л еси́, Еди́не Человеколю́бче.

 

                Го́споди, поми́луй. (40 раз)

 

                И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

                Го́споди поми́луй. (Три́жды.)

                       Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

                Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

                И́менем Госпо́дним благослови́, о́тче.

Иере́й:       Б о́же, уще́дри ны и благослови́ ны, просвети́ лице́ Твое́ на ны и поми́луй ны .

Чтец:    Ами́нь.

Иере́й:       Христе́, Све́те И́стинный, просвеща́яй и освяща́яй вся́каго челове́ка, гряду́щаго в мир, да зна́менается на нас свет лица́ Твоего́, да в нем у́зрим Свет Непристу́пный: и испра́ви стопы́ на́ша к де́ланию за́поведей Твои́х, моли́твами Пречи́стыя Твоея́ Ма́тере, и всех Твои́х святы́х, ами́нь.

 

Кондáк пра́здника, глaс 1:

                Утро́бу Деви́чу освяти́вый Рождество́м Твои́м/ и ру́це Симео́не благослови́вый,/ я́коже подоба́ше, предвари́в,/ и ны́не спасл еси́ нас, Христе́ Бо́же,/ но умири́ во бране́х жи́тельство// и укрепи́ лю́ди, и́хже возлюби́л еси́, Еди́не Человеколю́бче.

 

Иере́й:       Сла́ва Тебе́, Христе́ Бо́же, упова́ние на́ше, сла́ва Тебе́.

Хор:       Сла́ва, и ны́не: Го́споди, поми́луй. (Три́жды.) Благослови́.

 

Отпу́ст.

Иере́й: И́же во объя́тиих пра́веднаго Симео́на носи́тися изво́ливый на́шего ра́ди спасе́ния, Христо́с, И́стинный Бог наш, моли́твами Пречи́стыя Своея́ Ма́тере и всех святы́х, поми́лует и спасе́т нас, я́ко Благ и Человеколю́бец.

Хор:       Го́споди, поми́луй. (Три́жды)

                           

Тре́тий час:

Иере́й:       Благослове́н Бог наш всегда́, ны́не и при́сно, и во ве́ки веко́в.

Чтец:    Ами́нь.

                Сла́ва Тебе́, Бо́же наш, сла́ва Тебе́.

                Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

 

            Трисвято́е. Пресвята́я Тро́ице... О́тче наш...

 

Иере́й:       Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.

Чтец:    Ами́нь. Го́споди, поми́луй. (12 раз)

Чтец:    Прииди́те, поклони́мся Царе́ви на́шему Бо́гу.

                Прииди́те, поклони́мся и припаде́м Христу́, Царе́ви на́шему Бо́гу.

                Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 16:

                Услы́ши, Го́споди, пра́вду мою́, вонми́ моле́нию моему́, внуши́ моли́тву мою́ не во устна́х льсти́вых. От лица́ Твоего́ судьба́ моя́ изы́дет, óчи мои́ да ви́дита правоты́. Искуси́л eси́ се́рдце мое́, посети́л eси́ но́щию, искуси́л мя eси́, и не обре́теся во мне непра́вда. Я́ко да не возглаго́лют уста́ моя́ дел челове́ческих, за словеса́ усте́н Твои́х аз сохрани́х пути́ же́стоки. Соверши́ стопы́ моя́ во стезя́х Твои́х, да не подви́жутся стопы́ моя́. Аз воззва́х, я́ко услы́шал мя eси́, Бо́же, приклони́ у́хо Твое́ мне и услы́ши глаго́лы моя́. Удиви́ ми́лости Твоя́, спаса́яй упова́ющыя на Тя от проти́вящихся десни́це Твое́й. Сохрани́ мя, Го́споди, я́ко зе́ницу óка, в кро́ве крилу́ Твоéю покры́еши мя. От лица́ нечести́вых остра́стших мя, врази́ мои́ ду́шу мою́ одержа́ша. Тук свой затвори́ша, уста́ их глаго́лаша горды́ню. Изгоня́щии мя ны́не обыдо́ша мя, óчи свои́ возложи́ша уклони́ти на зе́млю. Объя́ша мя я́ко лев гото́в на лов и я́ко ски́мен обита́яй в та́йных. Воскресни́, Го́споди, предвари́ я́ и запни́ им, изба́ви ду́шу мою́ от нечести́ваго, oру́жие Твое́ от враг руки́ Твоея́. Го́споди, от ма́лых от земли́, раздели́ я́ в животе́ их, и сокрове́нных Твои́х испо́лнися чре́во их, насы́тишася сыно́в, и оста́виша оста́нки младе́нцeм свои́м. Аз же пра́вдою явлю́ся лицу́ Твоему́, насы́щуся, внегда́ яви́ти ми ся сла́ве Твое́й.

Псало́м 24:

                К Тебе́, Го́споди, воздвиго́х ду́шу мою́, Бо́же мой, на Тя упова́х, да не постыжу́ся во век, ниже́ да посмею́т ми ся врази́ мои́, и́бо вси терпя́щии Тя не постыдя́тся. Да постыдя́тся беззако́ннующии вотще́. Пути́ Твоя́, Го́споди, скажи́ ми, и стезя́м Твои́м научи́ мя. Наста́ви мя на и́стину Твою́, и научи́ мя, я́ко Ты еси́ Бог Спас мой, и Тебе́ терпе́х весь день. Помяни́ щедро́ты Твоя́, Го́споди, и ми́лости Твоя́, я́ко от ве́ка суть. Грех ю́ности моея́, и неве́дения моего́ не помяни́, по ми́лости Твое́й помяни́ мя Ты, ра́ди бла́гости Твоея́, Го́споди. Благ и прав Госпо́дь, сего́ ра́ди законоположи́т согреша́ющым на пути́. Наста́вит кро́ткия на суд, научи́т кро́ткия путе́м Свои́м. Вси путие́ Госпо́дни ми́лость и и́стина, взыска́ющым заве́та Его́, и свиде́ния Его́. Ра́ди и́мене Твоего́, Го́споди, и очи́сти грех мой, мног бо есть. Кто есть челове́к боя́йся Го́спода? Законоположи́т eму́ на пути́, eго́же изво́ли. Душа́ eго́ во благи́х водвори́тся, и се́мя eго́ насле́дит зе́млю. Держа́ва Госпо́дь боя́щихся Его́, и заве́т Его́ яви́т им. О́чи мои́ вы́ну ко Го́споду, я́ко Той исто́ргнет от се́ти но́зе мои́. При́зри на мя и поми́луй мя, я́ко единоро́д и нищ есмь аз. Ско́рби се́рдца моего́ умно́жишася, от нужд мои́х изведи́ мя. Виждь смире́ние мое́, и труд мой, и оста́ви вся грехи́ моя́. Виждь враги́ моя́, я́ко умно́жишася, и ненавиде́нием непра́ведным возненави́деша мя. Сохрани́ ду́шу мою́, и изба́ви мя, да не постыжу́ся, я́ко упова́х на Тя. Незло́бивии и пра́вии прилепля́хуся мне, я́ко потерпе́х Тя, Го́споди. Изба́ви, Бо́же, Изра́иля от всех скорбе́й eго́.

Псало́м 50:

                Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз зна́ю, и грех мой предо мно́ю есть вы́ну. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

 

                       Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

                Аллилу́иа, аллилу́иа, аллилу́иа, сла́ва Тебе́ Бо́же. (Три́жды)

                Го́споди, поми́луй. (Три́жды)

                Сла́ва Отцу́ и Сы́ну и Свято́му Ду́ху.

 

Тропа́рь пра́здника, глас 1:

            Ра́дуйся, Благода́тная Богоро́дице Де́во,/ из Тебе́ бо возсия́ Со́лнце Пра́вды – Христо́с, Бог наш,/ просвеща́яй су́щия во тьме./ Весели́ся и ты, ста́рче пра́ведный,/ прие́мый во объя́тия Свободи́теля душ на́ших,// да́рующаго нам воскресе́ние.

 

                И ны́не и при́сно и во ве́ки веко́в. Ами́нь.

                Богоро́дице, Ты еси́ лоза́ и́стинная,/ возрасти́вшая нам Плод живота́,/ Тебе́ мо́лимся:/ моли́ся, Влады́чице, со святы́ми апо́столы// поми́ловати ду́ши на́ша.

                Госпо́дь Бог благослове́н,/ благослове́н Госпо́дь день дне,/ поспеши́т нам Бог спасе́ний на́ших,// Бог наш, Бог спаса́ти.

 

                Трисвято́е. Пресвята́я Тро́ице... О́тче наш...

 

Иере́й:       Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.

Чтец:    Ами́нь.

 

Кондáк пра́здника, глaс 1:

                Утро́бу Деви́чу освяти́вый Рождество́м Твои́м/ и ру́це Симео́не благослови́вый,/ я́коже подоба́ше, предвари́в,/ и ны́не спасл еси́ нас, Христе́ Бо́же,/ но умири́ во бране́х жи́тельство// и укрепи́ лю́ди, и́хже возлюби́л еси́, Еди́не Человеколю́бче.

 

                Го́споди, поми́луй. (40 раз)

                И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

 

                Го́споди поми́луй. (Три́жды.)

                Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

 

                Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

                И́менем Госпо́дним благослови́, о́тче.

 

Иере́й:       М оли́твами святы́х оте́ц на́ших, Го́споди Иису́се Христе́, Бо́же наш, поми́луй нас.

Чтец:    Ами́нь.

                Влады́ко Бо́же О́тче Вседержи́телю, Го́споди Сы́не Единоро́дный Иису́се Христе́, и Святы́й Ду́ше, Еди́но Боже́ство, Еди́на Си́ла, поми́луй мя, гре́шнаго, и и́миже ве́си судьба́ми, спаси́ мя, недосто́йнаго раба́ Твоего́, я́ко благослове́н еси́ во ве́ки веко́в, ами́нь.

 

Шесто́й час:

Чтец:    Прииди́те, поклони́мся Царе́ви на́шему Бо́гу.

                Прииди́те, поклони́мся и припаде́м Христу́, Царе́ви на́шему Бо́гу.

                Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 53:

            Бо́же, во и́мя Твое́ спаси́ мя, и в си́ле Твое́й суди́ ми. Бо́же, услы́ши моли́тву мою́, внуши́ глаго́лы уст мои́х. Я́ко чу́ждии воста́ша на мя и кре́пцыи взыска́ша ду́шу мою́, и не предложи́ша Бо́га пред собо́ю. Се бо Бог помога́ет ми, и Госпо́дь Засту́пник души́ мое́й. Отврати́т зла́я враго́м мои́м, и́стиною Твое́ю потреби́ их. Во́лею пожру́ Тебе́, испове́мся и́мени Твоему́, Го́споди, я́ко бла́го, я́ко от вся́кия печа́ли изба́вил мя еси́, и на враги́ моя́ воззре́ о́ко мое́.

Псало́м 54:

                Внуши́, Бо́же, моли́тву мою́ и не пре́зри моле́ния моего́. Вонми́ ми и услы́ши мя: возскорбе́х печа́лию мое́ю и смято́хся. От гла́са вра́жия и от стуже́ния гре́шнича, я́ко уклони́ша на мя беззако́ние и во гне́ве враждова́ху ми. Се́рдце мое́ смяте́ся во мне и боя́знь сме́рти нападе́ на мя. Страх и тре́пет прии́де на мя и покры́ мя тьма. И рех: кто даст ми криле́, я́ко голубине́, и полещу́, и почи́ю? Се удали́хся бе́гая и водвори́хся в пусты́ни. Ча́ях Бо́га, спаса́ющаго мя от малоду́шия и от бу́ри. Потопи́, Го́споди, и раздели́ язы́ки их: я́ко ви́дех беззако́ние и пререка́ние во гра́де. Днем и но́щию обы́дет и́ по стена́м eго́. Беззако́ние и труд посреде́ eго́ и непра́вда. И не оскуде́ от стогн eго́ ли́хва и лесть. Я́ко а́ще бы враг поноси́л ми, претерпе́л бых у́бо, и а́ще бы ненави́дяй мя на мя велере́чевал, укры́л бых ся от него́. Ты же, челове́че равноду́шне, влады́ко мой и зна́емый мой, и́же ку́пно наслажда́лся еси́ со мно́ю бра́шен, в дому́ Бо́жии ходи́хом единомышле́нием. Да прии́дет же смерть на ня, и да сни́дут во ад жи́ви, я́ко лука́вство в жили́щах их, посреде́ их. Аз к Бо́гу воззва́х, и Госпо́дь услы́ша мя. Ве́чер и зау́тра, и полу́дне пове́м, и возвещу́, и услы́шит глас мой. Изба́вит ми́ром ду́шу мою́ от приближа́ющихся мне, я́ко во мно́зе бя́ху со мно́ю. Услы́шит Бог и смири́т я́, Сый пре́жде век. Несть бо им измене́ния, я́ко не убоя́шася Бо́га. Простре́ ру́ку свою́ на воздая́ние, оскверни́ша заве́т Его́. Раздели́шася от гне́ва лица́ Его́, и прибли́жишася сердца́ их, умя́кнуша словеса́ их па́че еле́а, и та суть стре́лы. Возве́рзи на Го́спода печа́ль твою́, и Той тя препита́ет, не даст в век молвы́ пра́веднику. Ты же, Бо́же, низведе́ши их во студене́ц истле́ния, му́жие крове́й и льсти не преполовя́т дней свои́х. Аз же, Го́споди, упова́ю на Тя.

Псало́м 90:

                Живы́й в по́мощи Вы́шняго, в кро́ве Бо́га Небе́снаго водвори́тся. Рече́т Го́сподеви: Засту́пник мой еси́ и Прибе́жище мое́, Бог мой, и упова́ю на Него́. Я́ко Той изба́вит тя от се́ти ло́вчи и от словесе́ мяте́жна, плещма́ Свои́ма осени́т тя, и под криле́ Его́ наде́ешися: ору́жием обы́дет тя и́стина Его́. Не убои́шися от стра́ха нощна́го, от стрелы́ летя́щия во дни, от ве́щи во тме преходя́щия, от сря́ща и бе́са полу́деннаго. Паде́т от страны́ твоея́ ты́сяща, и тма одесну́ю тебе́, к тебе́ же не прибли́жится, оба́че очи́ма твои́ма смо́триши, и воздая́ние гре́шников у́зриши. Я́ко Ты, Го́споди, упова́ние мое́, Вы́шняго положи́л еси́ прибе́жище твое́. Не прии́дет к тебе́ зло и ра́на не прибли́жится телеси́ твоему́, я́ко А́нгелом Свои́м запове́сть о тебе́, сохрани́ти тя во всех путе́х твои́х. На рука́х во́змут тя, да не когда́ преткне́ши о ка́мень но́гу твою́, на а́спида и васили́ска насту́пиши, и попере́ши льва и зми́я. Я́ко на Мя упова́ и изба́влю и́, покры́ю и́, я́ко позна́ и́мя Мое́. Воззове́т ко Мне и услы́шу eго́, с ним есмь в ско́рби, изму́ eго́ и просла́влю eго́, долгото́ю дний испо́лню eго́ и явлю́ eму́ спасе́ние Мое́.

                       Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

                Аллилу́иа, аллилу́иа, аллилу́иа, сла́ва Тебе́ Бо́же. (Три́жды)

                Го́споди, поми́луй. (Три́жды)

                Сла́ва Отцу́ и Сы́ну и Свято́му Ду́ху.

Тропа́рь пра́здника, глас 1:

            Ра́дуйся, Благода́тная Богоро́дице Де́во,/ из Тебе́ бо возсия́ Со́лнце Пра́вды – Христо́с, Бог наш,/ просвеща́яй су́щия во тьме./ Весели́ся и ты, ста́рче пра́ведный,/ прие́мый во объя́тия Свободи́теля душ на́ших,// да́рующаго нам воскресе́ние.

 

                И ны́не и при́сно и во ве́ки веко́в. Ами́нь.

                Я́ко не и́мамы дерзнове́ния за премно́гия грехи́ на́ша,/ Ты и́же от Тебе́ Ро́ждшагося моли́, Богоро́дице Де́во,/ мно́го бо мо́жет моле́ние Ма́тернее ко благосе́рдию Влады́ки./ Не пре́зри гре́шных мольбы́, Всечи́стая,/ я́ко ми́лостив есть и спасти́ моги́й,// И́же и страда́ти о нас изво́ливый.

                Ско́ро да предваря́т ны щедро́ты Твоя́, Го́споди,/ я́ко обнища́хом зело́;/ помози́ нам, Бо́же, Спа́се наш,/ сла́вы ра́ди И́мене Твоего́, Го́споди, изба́ви нас// и очи́сти грехи́ на́ша, И́мене ра́ди Твоего́.

 

                Трисвято́е. Пресвята́я Тро́ице... О́тче наш...

 

Иере́й:       Я́ко Твое́ есть Ца́рство и си́ла и сла́ва Отца́ и Сы́на и Свята́го Ду́ха, ны́не и при́сно и во ве́ки веко́в.

Чтец:    Ами́нь.

Кондáк пра́здника, глaс 1:

                Утро́бу Деви́чу освяти́вый Рождество́м Твои́м/ и ру́це Симео́не благослови́вый,/ я́коже подоба́ше, предвари́в,/ и ны́не спасл еси́ нас, Христе́ Бо́же,/ но умири́ во бране́х жи́тельство// и укрепи́ лю́ди, и́хже возлюби́л еси́, Еди́не Человеколю́бче.

 

                Го́споди, поми́луй. (40 раз)

 

                И́же на вся́кое вре́мя и на вся́кий час, на Небеси́ и на земли́, покланя́емый и сла́вимый, Христе́ Бо́же, Долготерпели́ве, Многоми́лостиве, Многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы и испра́ви живо́т наш к за́поведем Твои́м, ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней, огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры и в ра́зум непристу́пныя Твоея́ сла́вы, я́ко благослове́н еси́ во ве́ки веко́в, ами́нь.

 

                Го́споди поми́луй. (Три́жды.)

                Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

                    

                Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

                И́менем Госпо́дним благослови́, о́тче.

Иере́й:       М оли́твами святы́х оте́ц на́ших, Го́споди Иису́се Христе́, Бо́же наш, поми́луй нас.

Чтец:    Ами́нь.

                Бо́же и Го́споди сил и всея́ тва́ри Соде́телю, И́же за милосе́рдие безприкла́дныя ми́лости Твоея́ Единоро́днаго Сы́на Твоего́, Го́спода на́шего Иису́са Христа́, низпосла́вый на спасе́ние ро́да на́шего, и честны́м Его́ Кресто́м рукописа́ние грех на́ших растерза́вый, и победи́вый тем нача́ла и вла́сти тьмы. Сам, Влады́ко Человеколю́бче, приими́ и нас, гре́шных, благода́рственныя сия́ и моле́бныя моли́твы и изба́ви нас от вся́каго всегуби́тельнаго и мра́чнаго прегреше́ния и всех озло́бити нас и́щущих ви́димых и неви́димых враг. Пригвозди́ стра́ху Твоему́ пло́ти на́ша и не уклони́ серде́ц на́ших в словеса́ или́ помышле́ния лука́вствия, но любо́вию Твое́ю уязви́ ду́ши на́ша, да, к Тебе́ всегда́ взира́юще и е́же от Тебе́ све́том наставля́еми, Тебе́, непристу́пнаго и присносу́щнаго зря́ще Све́та, непреста́нное Тебе́ испове́дание и благодаре́ние возсыла́ем, Безнача́льному Отцу́ со Единоро́дным Твои́м Сы́ном и Всесвяты́м, и Благи́м, и Животворя́щим Твои́м Ду́хом ны́не, и при́сно, и во ве́ки веко́в, ами́нь.

Боже́ственная литурги́я:

Диа́кон:    Благослови́, влады́ко.

Иере́й:       Благослове́но Ца́рство Отца́ и Сы́на и Свята́го Ду́ха, ны́не и при́сно и во ве́ки веко́в.

Хор:       Аминь.

 

Вели́кая ектения́:

Диа́кон:    Ми́ром Го́споду помо́лимся.

Хор:       Го́споди, поми́луй.

Диа́кон:    О Свы́шнем ми́ре и спасе́нии душ на́ших, Го́споду помо́лимся.

                 О ми́ре всего́ ми́ра, благостоя́нии Святы́х Бо́жиих Церкве́й и соедине́нии всех, Го́споду помо́лимся.

                       О святе́м хра́ме сем и с ве́рою, благогове́нием и стра́хом Бо́жиим входя́щих во_нь, Го́споду помо́лимся.

                       О вели́ком Господи́не и Отце́ на́шем Святе́йшем Патриа́рхе Кири́лле, и о Господи́не на́шем, Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имярек), честне́м пресви́терстве, вo Христе́ диа́констве, о всем при́чте и лю́дех, Го́споду помо́лимся.

                       О Богохрани́мей стране́ на́шей, власте́х и во́инстве ея, Го́споду помо́лимся.

                       О гра́де сем (или о ве́си сей), вся́ком гра́де, стране́ и ве́рою живу́щих в них, Го́споду помо́лимся.

                       О благорастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

                                      О пла́вающих, путеше́ствующих, неду́гующих, стра́ждущих, плене́нных и о спасе́нии их. Го́споду помо́лимся.

                       О изба́витися нам от вся́кия ско́рби, гне́ва и ну́жды, Го́споду помо́лимся.

                       Заступи́, спаси́, поми́луй и сохрани́ нас, Бо́же, Твое́ю благода́тию.

                       Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:       Тебе́, Го́споди.

Иере́й:       Я́ко подоба́ет Тебе́ вся́кая сла́ва честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:       Ами́нь.

 

Пе́рвый антифо́н, псало́м 102:

Хор:       Благослови́, душе́ моя́, Го́спода,/ благослове́н еси́ Го́споди./

                Благослови́, душе́ моя́, Го́спода,/ и вся вну́тренняя моя́/ и́мя свя́тое Его́./ Благослови́, душе́ моя́, Го́спода,/ и не забыва́й всех воздая́ний Его́,/ очища́ющаго вся беззако́ния твоя́,/ исцеля́ющаго вся неду́ги твоя́,/ избавля́ющаго от истле́ния живо́т твой,/ венча́ющаго тя ми́лостию и щедро́тами,/ исполня́ющаго во благи́х жела́ние твое́:/ обнови́тся я́ко о́рля ю́ность твоя́./ Творя́й ми́лостыни Госпо́дь,/ и судьбу́ всем оби́димым./ Сказа́ пути́ Своя́ Моисе́ови,/ сыново́м Изра́илевым хоте́ния Своя́:/ Щедр и Ми́лостив Госпо́дь,/ Долготерпели́в и Многоми́лостив./ Не до конца́ прогне́вается,/ ниже́ во век вражду́ет,/ не по беззако́нием на́шим сотвори́л есть нам,/ ниже́ по грехо́м на́шим возда́л есть нам./ Я́ко по высоте́ небе́сней от земли́,/ утверди́л есть Госпо́дь ми́лость Свою́ на боя́щихся Его́./ Ели́ко отстоя́т восто́цы от за́пад,/ уда́лил есть от нас беззако́ния на́ша./ Я́коже ще́дрит оте́ц сы́ны,/ уще́дри Госпо́дь боя́щихся Его́./ Я́ко Той позна́ созда́ние на́ше,/ помяну́, я́ко персть есмы́./ Челове́к, я́ко трава́ дни́е eго́,/ я́ко цвет се́льный, та́ко оцвете́т,/ я́ко дух про́йде в нем,/ и не бу́дет, и не позна́ет ктому́ ме́ста своего́./ Ми́лость же Госпо́дня от ве́ка и до ве́ка на боя́щихся Его́,/ и пра́вда Его́ на сыне́х сыно́в, храня́щих заве́т Его́, и по́мнящих за́поведи Его́ твори́ти я́./ Госпо́дь на Небеси́ угото́ва Престо́л Свой,/ и Ца́рство Его́ все́ми облада́ет./ Благослови́те Го́спода вси А́нгели Его́,/ си́льнии кре́постию, творя́щии сло́во Его́, услы́шати глас слове́с Его́./ Благослови́те Го́спода вся Си́лы Его́,/ слуги́ Его́, творя́щии во́лю Его́./ Благослови́те Го́спода вся дела́ Его́, на вся́ком ме́сте влады́чества Его́./

                Благослови́, душе́ моя́, Го́спода,/ и вся вну́тренняя моя́/ и́мя свя́тое Его́.// Благослове́н еси́, Го́споди.

 

Ектения́ ма́лая:

Диа́кон:    Па́ки и па́ки ми́ром Го́споду помо́лимся.

Хор:       Го́споди, поми́луй.

Диа́кон:    Заступи́, спаси́, поми́луй и сохрани́ нас, Бо́же, Твое́ю благода́тию.

Хор:       Го́споди, поми́луй.

Диа́кон:    Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:       Тебе́, Го́споди.

Иере́й:       Я́ко Твоя́ держа́ва, и Твое́ есть Ца́рство, и си́ла, и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Хор:       Ами́нь.

 

Второ́й антифо́н, псало́м 145:

Хор:       Хвали́, душе́ моя́, Го́спода./ Восхвалю́ Го́спода в животе́ мое́м,/ пою́ Бо́гу моему́, до́ндеже есмь./ Не наде́йтеся на кня́зи, на сы́ны челове́ческия,/ в ни́хже несть спасе́ния./ Изы́дет дух eго́/ и возврати́тся в зе́млю свою́./ В той день поги́бнут вся помышле́ния eго́./ Блаже́н, eму́же Бог Иа́ковль Помо́щник его́,/ упова́ние eго́ на Го́спода Бо́га своего́,/ сотво́ршаго не́бо и зе́млю,/ мо́ре и вся, я́же в них,/ храня́щаго и́стину в век,/ творя́щаго суд оби́димым,/ даю́щаго пи́щу а́лчущим./ Госпо́дь реши́т окова́нныя./ Госпо́дь умудря́ет слепцы́./ Госпо́дь возво́дит низве́рженныя./ Госпо́дь лю́бит пра́ведники./ Госпо́дь храни́т прише́льцы,/ си́ра и вдову́ прии́мет/ и путь гре́шных погуби́т./ Воцари́тся Госпо́дь во век,// Бог твой, Сио́не, в род и род.

                Сла́ва Отцу́ и Сы́ну и Свято́му Ду́ху и ны́не и при́сно и во
ве́ки веко́в. Ами́нь.

Единоро́дный Сы́не:

                Единоро́дный Сы́не и Сло́ве Бо́жий, Безсме́ртен Сый/ и изво́ливый спасе́ния на́шего ра́ди/ воплоти́тися от Святы́я Богоро́дицы и Присноде́вы Мари́и,/ непрело́жно вочелове́чивыйся,/ распны́йся же, Христе́ Бо́же, сме́ртию смерть попра́вый,/ Еди́н Сый Святы́я Тро́ицы,// спрославля́емый Отцу́ и Свято́му Ду́ху, спаси́ нас.

 

Ектения́ ма́лая:

Диа́кон:    Па́ки и па́ки ми́ром Го́споду помо́лимся.

Хор:       Го́споди, поми́луй.

Диа́кон:    Заступи́, спаси́, поми́луй и сохрани́ нас, Бо́же, Твое́ю благода́тию.

Хор:       Го́споди, поми́луй.

Диа́кон:    Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:       Тебе́, Го́споди.

Иере́й:       Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:       Ами́нь.

 

Тре́тий антифо́н, Блаженны:

Хор:       Во Ца́рствии Твое́м помяни́ нас, Го́споди,/ егда́ прии́деши, во Ца́рствии Твое́м.

                Блаже́ни ни́щии ду́хом,/ я́ко тех есть Ца́рство Небе́сное.

                Блаже́ни пла́чущии,/ я́ко ти́и уте́шатся.

                Блаже́ни кро́тции,/ я́ко ти́и насле́дят зе́млю.

                Блаже́ни а́лчущии и жа́ждущии пра́вды,/ я́ко ти́и насы́тятся.

                       Праздника, глас 3:

                Блаже́ни ми́лостивии,/ я́ко ти́и поми́ловани бу́дут.

Тропарь:    Утвержде́ние на Тя наде́ющихся,/ утверди́, Го́споди, Це́рковь,/ Ю́же стяжа́л еси́// честно́ю Твое́ю Кро́вию.

 

                Блаже́ни чи́стии се́рдцем,/ я́ко ти́и Бо́га у́зрят.

Тропарь:    Перворожде́н из Отца́ пре́жде век,/ Перворожде́н Младе́нец из Де́вы нетле́нныя,// Ада́му ру́ку простира́я, яви́ся.

 

                Блаже́ни миротво́рцы,/ я́ко ти́и сы́нове Бо́жии нареку́тся.

Тропарь:    Младоу́мна бы́вша пре́лестию первозда́ннаго// па́ки исправля́яй Бог Сло́во, младе́нствовав, яви́ся.

 

                Блаже́ни изгна́ни пра́вды ра́ди,/ я́ко тех есть Ца́рство Небе́сное.

Тропарь:    Земли́ исча́дие, па́ки поте́кшее в ню,/ Божества́ сообра́зное естество́ Зижди́тель// я́ко непрело́жне, младе́нствовав, яви́.

                Блаже́ни есте́, егда́ поно́сят вам,/ и изжену́т, и реку́т всяк зол глаго́л на вы, лжу́ще Мене́ ра́ди.

Тропарь:    Возопи́ к Тебе́, ви́дев ста́рец очи́ма спасе́ние,/ е́же лю́дем прии́де от Бо́га:// Христе́, Ты Бог мой.

 

                Ра́дуйтеся и весели́теся,/ я́ко мзда ва́ша мно́га на Небесе́х.

Тропарь:    Сио́ну Ты ка́мень возложи́лся еси́,/ непокори́вым претыка́ние и собла́зна ка́мень,// неруши́мое ве́рных спасе́ние.

 

                Сла́ва Отцу́ и Сы́ну/ и Свято́му Ду́ху.

Тропарь: Изве́стне нося́ начерта́ние/ И́же пре́жде век Тя израсти́вшаго,// земны́х за милосе́рдие ны́не не́мощию обложи́ся.

 

                И ны́не и при́сно и во ве́ки веко́в. Ами́нь.

Тропарь: Сы́ну Вы́шняго,/ Сы́ну Де́вы,/ Бо́гу, Отроча́ти бы́вшему,// покло́ньшася Тебе́ ны́не отпусти́ с ми́ром.

Ма́лый вход (с Ева́нгелием):

Диа́кон:    Прему́дрость, про́сти.

                       Сказа́ Госпо́дь спасе́ние Свое́, пред язы́ки откры́ пра́вду Свою́.

 

Приидите, поклонимся… поется только на архиерейских богослужениях.

 

Тропа́рь пра́здника, глас 1:

Хор:       Ра́дуйся, Благода́тная Богоро́дице Де́во,/ из Тебе́ бо возсия́ Со́лнце Пра́вды – Христо́с, Бог наш,/ просвеща́яй су́щия во тьме./ Весели́ся и ты, ста́рче пра́ведный,/ прие́мый во объя́тия Свободи́теля душ на́ших,// да́рующаго нам воскресе́ние.

 

                       Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Конда́к пра́здника, глас 1:

                Утро́бу Деви́чу освяти́вый Рождество́м Твои́м/ и ру́це Симео́не благослови́вый,/ я́коже подоба́ше, предвари́в,/ и ны́не спасл еси́ нас, Христе́ Бо́же,/ но умири́ во бране́х жи́тельство// и укрепи́ лю́ди, и́хже возлюби́л еси́, Еди́не Человеколю́бче.

 

Диа́кон:    Го́споду помо́лимся.

Хор:       Го́споди, поми́луй.

 

Иере́й:       Я́ко Свят́ еси́, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно.

 

Диа́кон:    Го́споди, спаси́ благочести́выя.

Хор:       Го́споди, спаси́ благочести́выя.

 

Диа́кон:    И услы́ши ны.

Хор:       И услы́ши ны.

Диа́кон:    И во ве́ки веко́в.

Хор:       Ами́нь.

Трисвято́е:

Хор:            Святы́й Бо́же, Святы́й Кре́пкий, Святы́й Безсме́ртный, поми́луй нас. (Три́жды)

            Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

            Святы́й Безсме́ртный, поми́луй нас.

            Святы́й Бо́же, Святы́й Кре́пкий, Святы́й Безсме́ртный, поми́луй нас.

 

Диа́кон:    Во́нмем.

Иере́й:       Мир всем.

Чтец:    И ду́хови твоему́.

 

Диа́кон:    Прему́дрость.

Чтец:    Проки́мен, глас 3, песнь Богоро́дицы:

                Вели́чит душа́ Моя́ Го́спода,/ и возра́довася дух Мой о Бо́зе Спа́се Мое́м.

Хор:       Вели́чит душа́ Моя́ Го́спода,/ и возра́довася дух Мой о Бо́зе Спа́се Мое́м.

 

Чтец:    Я́ко призре́ на смире́ние Рабы́ Своея́, се бо, отны́не ублажа́т Мя вси ро́ди.

Хор:  Вели́чит душа́ Моя́ Го́спода,/ и возра́довася дух Мой о Бо́зе Спа́се Мое́м.

 

Чтец:    Вели́чит душа́ Моя́ Го́спода,/

Хор:  И возра́довася дух Мой о Бо́зе Спа́се Мое́м.

 

Диа́кон:    Прему́дрость.

Чтец:    Ко Евре́ем посла́ния свята́го Апо́стола Па́вла чте́ние.

 

Диа́кон:    Во́нмем.

                       (Зача́ло 316:)

Чтец:    Бра́тие, без вся́каго прекосло́вия ме́ншее от бо́льшаго благословля́ется. И зде у́бо десяти́ны челове́цы умира́ющии прие́млют, та́мо же свиде́тельствуемый, я́ко жив eсть. И да си́це реку́, Авраа́мом и Леви́й прие́мляй десяти́ны, десяти́ны дал eсть. Eще́ бо в чре́слех óтчиих бя́ше, eгда́ сре́те eго́ Мелхиседе́к. Аще у́бо соверше́нство леви́тским свяще́нством бы́ло, лю́дие бо на нем взаконе́ни бы́ша: ка́я eще́ потре́ба по чи́ну Мелхиседе́кову ино́му воста́ти свяще́ннику, а не по чи́ну Ааро́нову глаго́латися? Прелага́ему у́бо свяще́нству, по ну́жди и зако́ну премене́ние быва́ет. О не́мже бо глаго́лются сия́: коле́ну ино́му причасти́ся, от него́же никто́же приступи́ ко oлтарю́. Я́ве бо, я́ко от коле́на Иу́дова возсия́ Госпо́дь наш, о не́мже коле́не Моисе́й о свяще́нстве ничесо́же глаго́ла. И ли́шше eще́ я́ве eсть, я́ко по подо́бию Мелхиседе́кову воста́нет Свяще́нник ин, Иже не по зако́ну за́поведи плотски́я бысть, но по си́ле живота́ неразруша́емаго. Свиде́тельствует бо, я́ко Ты eси́ свяще́нник во век по чи́ну Мелхиседе́кову.

Иере́й:       Мир ти.

Чтец:    И ду́хови твоему́.

 

Диа́кон:    Прему́дрость.

Чтец:    Глас 8: Аллилу́ия, аллилу́ия, аллилу́ия.

Хор:       Аллилу́ия, аллилу́ия, аллилу́ия.

 

Чтец:    Ны́не отпуща́еши раба́ Твоего́, Влады́ко, по глаго́лу Твоему́, с ми́ром.

Хор:       Аллилу́ия, аллилу́ия, аллилу́ия.

 

Чтец:    Свет во открове́ние язы́ков и сла́ву люде́й Твои́х Изра́иля.

Хор:       Аллилу́ия, аллилу́ия, аллилу́ия.

Диа́кон:    Благослови́, влады́ко, благовести́теля свята́го Апо́стола и Евангели́ста Луки́.[1]

Иере́й:       Бог, моли́твами свята́го, сла́внаго, всехва́льнаго Апо́стола и Евангели́ста Луки́, да да́ст тебе́ глаго́л благовеству́ющему си́лою мно́гою, во исполне́ние Ева́нгелия возлю́бленнаго Сы́на Своего́, Го́спода на́шего Иису́са Христа́.

 

Диа́кон:    Аминь.

Второ́й диа́кон:       

                       Прему́дрость, про́сти, услы́шим свята́го Ева́нгелия.

 

Иере́й:       Мир всем.

Хор:       И ду́хови твоему́.

 

Диа́кон:    От Луки́ свята́го Ева́нгелия чте́ние.

Хор:       Сла́ва Тебе́, Го́споди, сла́ва Тебе́.

 

Второ́й диа́кон:       

                       Во́нмем.

                       (Лк., зач. 7:)

Диа́кон:    Во вре́мя о́но, вознесо́ста роди́теля Отроча́ Иису́са во Иерусали́м, поста́вити Eго́ пред Го́сподем. Я́коже eсть пи́сано в зако́не Госпо́дни: я́ко всяк младе́нец му́жеска по́лу, разверза́я ложесна́, свя́то Го́сподеви нарече́тся. И éже да́ти же́ртву, по рече́нному в зако́не Госпо́дни: два го́рличища или два птeнца́ голуби́на. И се бе челове́к во Иерусали́ме, eму́же и́мя Симео́н. И челове́к сей пра́веден и благочести́в, ча́я уте́хи Изра́илевы, и Дух бе Свят в нем. И бе eму́ обеща́но Ду́хом Святы́м, не ви́дети сме́рти, пре́жде да́же не ви́дит Христа́ Госпо́дня. И прии́де ду́хом в це́рковь. И eгда́ введо́ста роди́тeля Oтроча́ Иису́са, сотвори́ти и́ма по обы́чаю зако́нному о Нем. И той прие́м Eго́ на руку́ своéю, и благослови́ Бо́га, и рече́: Ны́не отпуща́еши раба́ Твоего́, Влады́ко, по глаго́лу Твоему́ с ми́ром. Яко ви́десте óчи мои́ спасе́ние Твое́, Éже eси́ угото́вал пред лице́м всех люде́й. Свет во открове́ние язы́ком и сла́ву люде́й Твои́х Изра́иля. И бе Ио́сиф и Ма́ти Eго́ чудя́щася о глаго́лемых о Нем. И благослови́ я Симео́н, и рече́ к Мари́и, Ма́тери Eго́: се лежи́т Сей на паде́ние и на воста́ние мно́гим во Изра́или, и в зна́мение пререка́емо. И Тебе́ же Само́й ду́шу про́йдет ору́жие, я́ко у́бо да откры́ются от мног серде́ц помышлéния. И бе А́нна проро́чица, дщи́ Фану́илева, от коле́на Аси́рова. Сия́ заматоре́вши во днех мно́зех, жи́вши с му́жем седмь лет от де́вства своего́. И та вдова́ я́ко лет óсмьдесят и четы́ре, я́же не отхожда́ше от це́ркве, посто́м и моли́твами служа́щи день и нощь. И та в той час приста́вши, испове́дашеся Го́сподеви, и глаго́лаше о Нем всем ча́ющим избавле́ния во Иерусали́ме. И я́ко сконча́шася вся по зако́ну Госпо́дню, возврати́шася в Галиле́ю, во град свой Назаре́т. Oтроча́ же растя́ше и крепля́шеся ду́хом, исполня́яся прему́дрости: и благода́ть Бо́жия бе на Нем.

Хор:       Сла́ва Тебе́, Го́споди, сла́ва Тебе́.

 

Ектения́ сугу́бая:

Диа́кон:    Рце́м вси от всея́ души́, и от всего́ помышле́ния на́шего рцем.

Хор: Го́споди, поми́луй.

Диа́кон:    Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Хор: Го́споди, поми́луй.

Диа́кон:    Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Хор:       Го́споди, поми́луй. (Три́жды, на каждое прошение)

Диа́кон:    Еще́ мо́лимся о Вели́ком Господи́не и Отце́ на́шем Святе́йшем Патриа́рхе Кири́лле, и о Господи́не на́шем Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имяре́к), и всей во Христе́ бра́тии на́шей.

                       Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

                 Еще́ мо́лимся о бра́тиях на́ших, свяще́нницех, священномона́сех, и всем во Христе́ бра́тстве на́шем.

                       Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

                       Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих настоя́теля, бра́тии и прихо́жан свята́го хра́ма сего́.

                       Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Иере́й:       Я́ко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:       Ами́нь.

Ектения́ об оглаше́нных:

Диа́кон:    Помоли́теся, оглаше́ннии, Го́сподеви.

Хор: Го́споди, поми́луй. (На каждое прошение)

Диа́кон:    Ве́рнии, о оглаше́нных помо́лимся, да Госпо́дь поми́лует их.

                       Огласи́т их сло́вом и́стины.

                       Откры́ет им Ева́нгелие пра́вды.

                       Соедини́т их святе́й Свое́й собо́рней и апо́стольстей Це́ркви.

                       Спаси́, поми́луй, заступи́ и сохрани́ их, Бо́же, Твое́ю благода́тию.

                       Оглаше́ннии, главы ва́ша Го́сподеви приклони́те.

Хор: Тебе́, Го́споди.

Иере́й:       Да и ти́и с на́ми сла́вят пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Хор:       Ами́нь.

 

Ектения́ ве́рных, пе́рвая:

Диа́кон:    Ели́цы оглаше́ннии, изыди́те.

Второ́й диа́кон:        Оглаше́ннии, изыди́те.

Пе́рвый:   Ели́цы оглаше́ннии, изыди́те.

Сно́ва второ́й:        Да никто от оглаше́нных, ели́цы ве́рнии, па́ки и па́ки ми́ром Го́споду помо́лимся.

                       (Если служит один диакон, то все прошения возглашает подряд:

                       Диа́кон:          Ели́цы оглаше́ннии, изыди́те. Оглаше́ннии, изыди́те. Ели́цы. оглаше́ннии, изыди́те. Да никто от оглаше́нных, ели́цы ве́рнии, па́ки и па́ки ми́ром Го́споду помо́лимся.)

Хор: Го́споди, поми́луй.

Диа́кон:    Заступи́, спаси́, поми́луй и сохрани́ нас, Бо́же, Твое́ю благода́тию.

Хор: Го́споди, поми́луй.

Диа́кон:    Прему́дрость.

Иере́й:       Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:       Ами́нь.

 

Ектения́ ве́рных, втора́я:

Диа́кон:    Па́ки и па́ки, ми́ром Го́споду помо́лимся.

Хор: Го́споди, поми́луй. (На ка́ждое проше́ние)

Диа́кон:    О свы́шнем ми́ре и спасе́нии душ на́ших, Го́споду помо́лимся.

                       О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

                       О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

                       О изба́витися нам от вся́кия ско́рби, гне́ва и ну́жды, Го́споду помо́лимся.

                       Заступи́, спаси́, поми́луй и сохрани́ нас, Бо́же, Твое́ю благода́тию.

Хор: Го́споди, поми́луй.

Диа́кон:    Прему́дрость.

Иере́й:       Я́ко да под держа́вою Твое́ю всегда́ храни́ми, Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:       Ами́нь.

 

Херуви́мская песнь:

Хор:       И́же Херуви́мы та́йно образу́юще и животворя́щей Тро́ице Трисвяту́ю песнь припева́юще, вся́кое ны́не жите́йское отложи́м попече́ние.

 

Вели́кий вход:

Диа́кон: Вели́каго господи́на и отца́ на́шего Кири́лла, Святе́йшаго Патриа́рха Моско́вскаго и всея́ Ру́си, и господи́на на́шего (Высо́ко-) Преосвяще́ннейшаго (имярек), (архи-)епи́скопа (митрополита (титул)), да помяне́т Госпо́дь Бог во Ца́рствии Свое́м всегда́, ны́не и при́сно, и во ве́ки веко́в.

Иере́й:       Преосвяще́нныя митрополи́ты, архиепи́скопы и епи́скопы, и весь свяще́ннический и мона́шеский чин, и при́чет церко́вный, бра́тию свята́го хра́ма сего́, всех вас, правосла́вных христиа́н, да помяне́т Госпо́дь Бог во Ца́рствии Свое́м, всегда́, ны́не и при́сно, и во ве́ки веко́в.

 

Хор:       Ами́нь. Я́ко да Царя́ всех поды́мем, а́нгельскими неви́димо дориноси́ма чи́нми. Аллилу́иа, аллилу́иа, аллилу́иа.

 

Ектения́ проси́тельная:

Диа́кон:    Испо́лним моли́тву на́шу Го́сподеви.

Хор:       Го́споди, поми́луй. (На каждое прошение)

Диа́кон:    О предложе́нных Честны́х Даре́х, Го́споду помо́лимся.

                       О святе́м хра́ме сем, и с ве́рою, благогове́нием и стра́хом Бо́жиим входя́щих в онь, Го́споду помо́лимся.

                       О изба́витися нам от вся́кия ско́рби, гне́ва и ну́жды, Го́споду помо́лимся.

                       Заступи́, спаси́, поми́луй и сохрани́ нас, Бо́же, Твое́ю благода́тию.

Хор:       Го́споди, поми́луй.

Диа́кон:    Дне всего́ соверше́нна, свя́та, ми́рна и безгре́шна у Го́спода про́сим.

Хор:       Пода́й, Го́споди. (На каждое прошение)

Диа́кон:    А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

                       Проще́ния и оставле́ния грехо́в и прегреше́ний на́ших у Го́спода про́сим.

                       До́брых и поле́зных душа́м на́шим и ми́ра ми́рови у Го́спода про́сим.

                       Про́чее вре́мя живота́ на́шего в ми́ре и покая́нии сконча́ти у Го́спода про́сим.

                       Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Христо́ве про́сим.

                                      Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́, и дру́г дру́га, и весь живо́т наш Христу́ Бо́гу предади́м.

Хор:       Тебе́, Го́споди.

Иере́й:       Щедро́тами Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.

Хор:       Ами́нь.

 

Иере́й:       Мир всем.

Хор:       И ду́хови твоему́.

Диа́кон:    Возлю́бим друг дру́га, да единомы́слием испове́мы.

Хор: Отца́, и Сы́на, и Свята́го Ду́ха,/ Тро́ицу единосу́щную/ и неразде́льную.

 

Диа́кон:    Две́ри, две́ри, прему́дростию во́нмем.

Си́мвол ве́ры:

Лю́ди: Ве́рую во еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век. Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

Евхаристи́ческий Кано́н:

Диа́кон:    Ста́нем до́бре, ста́нем со стра́хом, во́нмем, свято́е возноше́ние в ми́ре приноси́ти.

Хор:       Ми́лость ми́ра,/ же́ртву хвале́ния.

Иере́й:       Благода́ть Го́спода на́шего Иису́са Христа́, и любы́ Бо́га и Отца́, и прича́стие Свята́го Ду́ха, бу́ди со все́ми ва́ми.

Хор:       И со ду́хом твои́м.

 

Иере́й:       Горе́[2] име́им сердца́.

Хор:       И́мамы ко Го́споду.

 

Иере́й:       Благодари́м Го́спода.

Хор:       Досто́йно и пра́ведно есть/ покланя́тися Отцу́ и Сы́ну, и Свято́му Ду́ху,// Тро́ице единосу́щней и неразде́льней.

 

Иере́й:       Побе́дную песнь пою́ще, вопию́ще, взыва́юще и глаго́люще.

Хор:       Свят, свят, свят Госпо́дь Савао́ф,/ испо́лнь не́бо и земля́ сла́вы Твоея́;/ оса́нна в вы́шних,/ благослове́н Гряды́й во и́мя Госпо́дне,/ оса́нна в вы́шних.

 

Иере́й:       Приими́те, яди́те, сие́ есть Те́ло Мое́, е́же за вы ломи́мое во оставле́ние грехо́в.

Хор:       Ами́нь.

 

Иере́й:       Пи́йте от нея́ вси, сия́ есть Кровь Моя́ Но́ваго Заве́та, я́же за вы и за мно́гия излива́емая, во оставле́ние грехо́в.

Хор:       Ами́нь.

 

Иере́й:       Твоя́ от Твои́х Тебе́ принося́ще, о всех и за вся.

Хор:       Тебе́ пое́м,/ Тебе́ благослови́м,/ Тебе́ благодари́м, Го́споди,/ и мо́лим Ти ся, Бо́же наш.

 

Иере́й:       Изря́дно о Пресвяте́й, Пречи́стей, Преблагослове́нней, Сла́вней Влады́чице на́шей Богоро́дице и Присноде́ве Мари́и.

 

Задосто́йник (Вме́сто «Досто́йно…»):

Хор:      

Припе́в:    Б огоро́дице Де́во, упова́ние христиа́ном,// покры́й, соблюди́ и спаси́ на Тя уповаю́щих.

И ирмо́с, глас 3:      В зако́не се́ни и писа́ний/ о́браз ви́дим, ве́рнии:/ всяк му́жеский пол, ложесна́ разверза́я, свят Бо́гу./ Тем перворожде́нное Сло́во,/ Отца́ Безнача́льна,/ Сы́на Первородя́щася Ма́терию неискусому́жно,// велича́ем.

 

Иере́й:       В пе́рвых помяни́, Го́споди, вели́каго господи́на и отца́ на́шего имярек, Святе́йшаго Патриа́рха Моско́вскаго и всея́ Руси́, и господи́на на́шего (Высо́ко-) Преосвяще́ннейшаго (имярек), (архи-)епи́скопа (митрополита (титул)), и́хже да́руй святы́м Твои́м це́рквам, в ми́ре, це́лых, честны́х, здра́вых, долгоде́нствующих, пра́во пра́вящих сло́во Твоея́ и́стины.

Хор:       И всех, и вся.

 

 

Иере́й:       И даждь нам еди́неми усты́ и еди́нем се́рдцем сла́вити и воспева́ти пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Хор:       Ами́нь.

 

Иере́й:       И да бу́дут ми́лости вели́каго Бо́га и Спа́са на́шего Иису́са Христа́ со все́ми ва́ми.

Хор:       И со ду́хом твои́м.

 

Ектения́ проси́тельная:

Диа́кон:    Вся святы́я помяну́вше, па́ки и па́ки ми́ром Го́споду помо́лимся.

Хор:       Го́споди, поми́луй. (На каждое прошение)

Диа́кон:    О принесе́нных и освяще́нных Честны́х Даре́х, Го́споду помо́лимся.

                       Я́ко да человеколю́бец Бог наш, прие́м я́ во святы́й и пренебе́сный и мы́сленный Свой же́ртвенник, в воню́ благоуха́ния духо́внаго, возниспо́слет нам Боже́ственную благода́ть и дар Свята́го Ду́ха, помо́лимся.

                       О изба́витися нам от вся́кия ско́рби, гне́ва и ну́жды, Го́споду помо́лимся.

                       Заступи́, спаси́, поми́луй и сохрани́ нас, Бо́же, Твое́ю благода́тию.

Хор:       Го́споди, поми́луй.

Диа́кон:    Дне всего́ соверше́нна, свя́та, ми́рна и безгре́шна у Го́спода про́сим.

Хор:       Пода́й, Го́споди. (На каждое прошение)

Диа́кон:    А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

                       Проще́ния и оставле́ния грехо́в и прегреше́ний на́ших у Го́спода про́сим.

                       До́брых и поле́зных душа́м на́шим и ми́ра ми́рови у Го́спода про́сим.

                       Про́чее вре́мя живота́ на́шего в ми́ре и покая́нии сконча́ти у Го́спода про́сим.

                       Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Христо́ве про́сим.

                       Соедине́ние ве́ры и прича́стие Свята́го Ду́ха испроси́вше, са́ми себе́, и друг дру́га, и весь живо́т наш Христу́ Бо́гу предади́м.

Хор:       Тебе́, Го́споди.

Иере́й:       И сподо́би нас, Влады́ко, со дерзнове́нием, неосужде́нно сме́ти призыва́ти Тебе́, Небе́снаго Бо́га Отца́, и глаго́лати:

 

Моли́тва Госпо́дня:

Лю́ди: О́тче наш, И́же еси́ на небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Иере́й:       Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Хор:       Ами́нь.

Иере́й:       Мир всем.

Хор: И ду́хови твоему́.

 

Диа́кон:    Главы́ ва́ша Го́сподеви приклони́те.

Хор: Тебе́, Го́споди.

Иере́й:       Благода́тию, и щедро́тами, и человеколю́бием Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.

Хор:       Ами́нь.

Диа́кон:    Во́нмем.

Иере́й:       Свята́я святы́м.

Хор: Еди́н свят,/ еди́н Госпо́дь,/ Иису́с Христо́с,/ во сла́ву Бо́га Отца́./ Ами́нь.

 

Прича́стен:

Хор:       Ча́шу спасе́ния прииму́/ и и́мя Госпо́дне призову́. Аллилу́ия, аллилу́ия, аллилу́ия.

 

Прича́стие:

Диа́кон:    Со стра́хом Бо́жиим и ве́рою приступи́те.

Хор: Благослове́н Гряды́й во и́мя Госпо́дне, Бог Госпо́дь и яви́ся нам.

 

Иере́й:       Ве́рую, Го́споди, и испове́дую, я́ко Ты еси́ вои́стинну Христо́с, Сын Бо́га жива́го, прише́дый в мир гре́шныя спасти́, от ни́хже пе́рвый есмь аз. Еще́ ве́рую, я́ко сие́ есть са́мое пречи́стое Те́ло Твое́, и сия́ есть са́мая честна́я Кровь Твоя́. Молю́ся у́бо Тебе́: поми́луй мя и прости́ ми прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя неосужде́нно причастити́ся пречи́стых Твои́х Та́инств, во оставле́ние грехо́в и в жизнь ве́чную. Ами́нь.

                       Ве́чери Твоея́ та́йныя днесь, Сы́не Бо́жий, прича́стника мя приими́; не бо враго́м Твои́м та́йну пове́м, ни лобза́ния Ти дам, я́ко Иу́да, но я́ко разбо́йник испове́даю Тя: помяни́ мя, Го́споди, во Ца́рствии Твое́м.

                       Да не в суд или́ во осужде́ние бу́дет мне причаще́ние Святы́х Твои́х Та́ин, Го́споди, но во исцеле́ние души́ и те́ла.

 

                       Во время Причащения людей:

Хор: Те́ло Христо́во приими́те, Источника безсме́ртнаго вкусите.

 

                       После Причащения людей:

Хор:       Аллилу́ия, аллилу́ия, аллилу́ия.

 

Иере́й:       Спаси́, Бо́же, лю́ди Твоя́, и благослови́ достоя́ние Твое́.

Хор:       Ви́дехом свет и́стинный,/ прия́хом Ду́ха Небе́снаго,/ обрето́хом ве́ру и́стинную,/ неразде́льней Тро́ице покланя́емся,// Та бо нас спасла́ есть.

 

Иере́й:       Всегда́, ны́не и при́сно, и во ве́ки веко́в.

Хор: Ами́нь. Да испо́лнятся уста́ на́ша/ хвале́ния Твоего́ Го́споди,/ я́ко да пое́м сла́ву Твою́,/ я́ко сподо́бил еси́ нас причасти́тися/ Святы́м Твои́м, Боже́ственным, безсме́ртным и животворя́щим Та́йнам,/ соблюди́ нас во Твое́й святы́ни/ весь день поуча́тися пра́вде Твое́й.// Аллилу́иа, аллилу́иа, аллилу́иа.

 

Ектения́ заключи́тельная

Диа́кон:    Про́сти прии́мше Боже́ственных, святы́х, пречи́стых, безсме́ртных, небе́сных и животворя́щих, стра́шных Христо́вых Та́ин, досто́йно благодари́м Го́спода.

Хор: Го́споди, поми́луй.

Диа́кон:    Заступи́, спаси́, поми́луй и сохрани́ нас, Бо́же, Твое́ю благода́тию.

Хор: Го́споди, поми́луй.

Диа́кон:    День весь соверше́н, свят, ми́рен и безгре́шен испроси́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Тебе́, Го́споди.

 

Иере́й:       Я́ко Ты еси́ освяще́ние на́ше, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:       Ами́нь.

 

Иере́й:       С ми́ром изы́дем.

Хор:       О и́мени Госпо́дни.

Диа́кон:    Го́споду помо́лимся.

Хор: Го́споди, поми́луй.

 

Заамво́нная моли́тва:

Иере́й:       Благословля́яй благословя́щия Тя, Го́споди, и освяща́яй на Тя упова́ющия, спаси́ лю́ди Твоя́ и благослови́ достоя́ние Твое́, исполне́ние Це́ркве Твоея́ сохрани́, освяти́ лю́бящия благоле́пие до́му Твоего́: Ты тех возпросла́ви Боже́ственною Твое́ю си́лою, и не оста́ви нас, упова́ющих на Тя. Мир м iрови Твоему́ да́руй, це́рквам Твои́м, свяще́нником, во́инству и всем лю́дем Твои́м. Я́ко вся́кое дая́ние бла́го, и всяк дар соверше́н свы́ше есть, сходя́й от Тебе́ Отца́ све́тов, и Тебе́ сла́ву, и благодаре́ние, и поклоне́ние возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Хор:       Ами́нь. Бу́ди И́мя Госпо́дне благослове́но от ны́не и до ве́ка. (Три́жды)

Псало́м 33:

Хор:       Благословлю́ Го́спода на вся́кое вре́мя,/ вы́ну хвала́ Его́ во усте́х мои́х./ О Го́споде похва́лится душа́ моя́,/ да услы́шат кро́тцыи, и возвеселя́тся./ Возвели́чите Го́спода со мно́ю,/ и вознесе́м И́мя Его́ вку́пе./ Взыска́х Го́спода, и услы́ша мя,/ и от все́х скорбе́й мои́х изба́ви мя./ Приступи́те к Нему́, и просвети́теся,/ и ли́ца ва́ша не постыдя́тся./ Сей ни́щий воззва́, и Госпо́дь услы́ша и,/ и от все́х скорбе́й его́ спасе́ и./ Ополчи́тся а́нгел Госпо́день о́крест боя́щихся Его́,/ и изба́вит их./ Вкуси́те и ви́дите, я́ко благ Госпо́дь:/ блаже́н муж, и́же упова́ет Нань./ Бо́йтеся Го́спода, вси́ святи́и Его́,/ я́ко несть лише́ния боя́щимся Его́./ Бога́тии обнища́ша и взалка́ша:/ взыска́ющии же Го́спода не лиша́тся вся́каго бла́га./ Прииди́те, ча́да, послу́шайте мене́,/ стра́ху Госпо́дню научу́ вас./ Кто́ есть челове́к хотя́й живо́т,/ любя́й дни ви́дети бла́ги?/ Удержи́ язы́к твой от зла,/ и устне́ твои́, е́же не глаго́лати льсти./ Уклони́ся от зла и сотвори́ бла́го./ Взыщи́ ми́ра, и пожени́ и́./ О́чи Госпо́дни на пра́ведныя,/ и у́ши Его́ в моли́тву их./ Лице́ же Госпо́дне на творя́щия зла́я,/ е́же потреби́ти от земли́ па́мять их./ Воззва́ша пра́веднии, и Госпо́дь услы́ша их,/ и от всех скорбе́й их изба́ви их./ Близ Госпо́дь сокруше́нных се́рдцем,/ и смире́нныя ду́хом спасе́т./ Мно́ги ско́рби пра́ведным,/ и от всех их изба́вит я́ Госпо́дь./ Храни́т Госпо́дь вся ко́сти их,/ ни еди́на от них сокруши́тся./ Смерть гре́шников люта́,/ и ненави́дящии пра́веднаго прегре́шат./ Изба́вит Госпо́дь ду́шы раб Свои́х,/ и не прегреша́т// вси, упова́ющии на Него́.

Иере́й:       Благослове́ние Госпо́дне на ва́с, Того́ благода́тию и человеколю́бием, всегда́, ны́не и при́сно, и во ве́ки веко́в.

Хор:       Ами́нь.

Иере́й:       Сла́ва Тебе́, Христе́ Бо́же, упова́ние на́ше, сла́ва Тебе́.

Хор:       Сла́ва, и ны́не. Го́споди, поми́луй. (Три́жды) Благослови́.

 

Отпу́ст:

Иере́й: И́же во объя́тиих пра́веднаго Симео́на носи́тися изво́ливый на́шего ра́ди спасе́ния, Христо́с, И́стинный Бог наш, моли́твами Пречи́стыя Своея́ Ма́тере и всех святы́х, поми́лует и спасе́т нас, яко Бла́г и Человеколю́бец.

Многоле́тие:

Хор:       Вели́каго Господи́на и Отца́ на́шего Кири́лла,/ Святе́йшаго Патри́арха Моско́вского и всея́ Руси́,/ и Господи́на на́шего (Высоко-) Преосвяще́ннейшаго (имярек),/ (архи-)епи́скопа (митрополита (титул)),/ богохрани́мую страну́ на́шу Росси́йскую,/ настоя́теля, бра́тию и прихо́жан свята́го хра́ма сего́/ и вся правосла́вныя христи́аны,// Го́споди, сохрани́ их на мно́гая ле́та.

 

[1] По служебнику этот диалог произносится не во всеуслышание в алтаре во время пения Аллилуария, но также распространена практика произнесения этого диалога возгласно после Аллилуария.

 

[2] Горе́ = к Го́рнему, духо́вному, ввысь

---

Дата добавления: 2020-12-12; просмотров: 79; Мы поможем в написании вашей работы!

Поделиться с друзьями:

---

---

Мы поможем в написании ваших работ!