Из службы Успению Пресвятыя Богородицы
О, дивное Чудо! Источник жизни во гробе полагается, и Лествица к небеси гроб бывает. Веселися, Гефсимание, Богородичен святый доме! Возопиим, вернии, Гавриила имуще чиноначальника: Благодатная, радуйся, с Тобою Господь, подаяй мирови Тобою велию милость.
Тропарь, глас 4
Днесь благовернии людие светло празднуем, осеняеми Твоим, Богомати, пришествием, и к Твоему взирающее пречистому образу, умильно глаголем: покрый нас честным Твоим покровом, и избави нас от всякаго зла, молящи Сына Твоего Христа Бога нашего, спасти души наша.
Милосердия двери отверзи нам, благословенная Богородице, надеющиися на Тя да не погибнем, но да избавимся Тобою от бед: Ты бо еси спасение рода христианскаго.
О, Пресвятая Владычице Богородице! Сохрани мя от всякаго зла и покрый мя честным Твоим омофором.
Молитва
Достойно славимая и праведно от всех Горних Чинов ублажаемая, яко без сравнения их Превосходящая, Бога и Творца всяческих Рождшая, паче всех Возвеличенная! Ей же, яко Царице, предстоят лица Ангельстии, Гавриилову песнь возглашающие: «Радуйся, Благодатная!…»
Наши же грешные и бренные уста кую достойную похвалу принести возмогут величию Твоему, точию да зовем Ти: О Пречудная Владычице! Молися из Тебе воплощенному Христу Богу нашему, да призрит на ны, люди безответныя, да сохранит невредимых от всех навет вражиих и злых клевет, много бо может Твоя Матерняя молитва, по реченному: «Проси, Мати Моя, не отвращуся, но вся прошения Твоя исполню!» Радостию о сем исполняемии, взываем Ти: спаси, Владычице, погибающия рабы Твоя, просвети омраченныя суемудрствованиями века сего и приведи ны к Сладчайшему Иисусу, да вечно радующеся, взываем: слава Отцу, слава Сыну, слава Святому Духу, слава и Тебе, Преславней и Пренепорочней Деве Богоматере, ублажаемой и благословляемой в безконечные веки веков. Аминь.
|
|
|
Радуйся, Радосте наша, покрый нас от всякого зла честным Твоим омофором!
Тропарь, глас 4 к Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи, Тя бо и едину надежду имамы.
https://pp.userapi.com/c623229/v623229021/27822/z0w2bnAEGVo.jpg
Источник - — http://iv-pravoslavie.ucoz.ru/publ/pravila/bogorodichnoe_pravilo/8-1-0-29
http://pokrov-endov.cerkov.ru/pravoslavnaya-biblioteka/osobyj-pokrov-presvyatoj-bogorodicy/
Богородичное правило (по уставу Серафимо-Дивеевского монастыря)
https://rutracker.org/forum/viewtopic.php?t=5524802
Богородичное Правило
http://www.logoslovo.ru/media/file/12/38117.pdf
http://www.kupola.info/upload/%D0%91%D0%BE%D0%B3%D0%BE%D1%80%D0%BE%D0%B4%D0%B8%D1%87%D0%BD%D0%BE%D0%B5_%D0%BF%D1%80%D0%B0%D0%B2%D0%B8%D0%BB%D0%BE.pdf
Дата добавления: 2019-11-16; просмотров: 88; Мы поможем в написании вашей работы! |
Мы поможем в написании ваших работ!