КНИГЫ БЧЕЛЫ. РЪЧИ И МУДРОСТИ ОТ ЕУАНГЛИЯ
И ОТЬ АПОСТОЛА И ОТ СВЯТЫХЪ МУЖЬ И РАЗУМЪ
ВНЪШНИХ ФИЛОСОФЪ
Слово 15. О учении и о бесъдъ*. Апостолъ рече. Буди всякъ чело-векъ скоръ напослушание*, а лънивъ на глаголание, иаще кто словомъ не согръшаеть, то свершен есть, мога обуздати все тьло свое.
Соломон рече. Во уши безумнаго ничтоже не глаголи, егда похулить мудрая твоя словеса.
Сирахъ. Повъсть блуднаго, яко на пути бремя, а во устъхъ премудраго обрящеться благодать.
Богослов. Негласно дъло лучи есть, нежели слово Несвершено.
Уча учи нравомъ, а не словомъ, иже словомъ мудръ, а дъла его несвершена, то хромъ есть, а иже языкъ доброглаголивъ имъеть, а душа его непоставъна и ненаказана, то неприятенъ есть, но то правый, еже малы о добродьяньи глаголеть, а добродъянья добръ являеть и прилагаеть въру къ своему учению житьямъ своимъ...
Фотий. Слово подобно есть зерцалу, якоже тем образ* телесный и личныи являеться, такоже и бесъдою душевный образъ образуемъ назнаменуется...
Исидора. Добро житье безъ ученья паче пользуеть, нежели учение безъ добра житья. Ово бо и молча пользуеть, ово же аще и вопиеть, то болъ смушаеть, а ему же и слово и добро житье сово-купистася, то того душа украситься всъмъ образомъ философьскымъ и благовидъниемъ...
Филонъ. Гудьцю* ладящю гусли своя, и Филипъ седя и рече криво ладиши, инако было. И гудець отвъща, да не тако попустить богь гневъ свои на тя, цесарю, яко тобъ лучьши мене умъти гусльная.
|
|
|
Якоже и коневи рзание, и псу брехание, и волови рютье и лютому звъри риканье дано есть, да то ихъ знаменье есть, такоже и человъку слово, да то его знаменье, то же его градъ, то же его сила, то же оружье, то же и стъна, сь животенъ боголюбънъ кромъ всъх животъ симъ почтенъ есть...
Димокрить. Личный образъ видиться в зеркалъ, душевнии же бесъдами являються...
Демокрить рече. Слово аки благы житьемъ одъваеть душю образомъ... Ластвици тишину намъ проповъдають весньную, а мудрая словеса беспечалье.
Солонъ. Елико на полъку можеть желъзо, толико по градомъ законъно слово добръ написано.
Сь глаголаше, яко слово образъ есть дълу.
Менандръ. Уши свои не ко всъмъ прикланяи словомъ, слово бо зло злу дълу наставникъ есть.
Епихории рече. Учитель нравомъ да покорить ученика, а не словомъ...
Пифагоръ. Удобь есть камень въсуе* пустити, нежели слово праздьно.
ИЗ «ПЧЕЛЫ»
Сборники, известные под названием «Пчела», появились в переводе с греческого в Киевской Руси довольно рано, но дошли до нас в списках XIV—XV вв. Они содержали изречения, взятые из различных литературных источников и расположенные по определенным тематическим главам: о житейской добродетели, о мудрости, о чистоте и целомудрии, о злобе, о лжи и клевете, о правде, о власти и о княжении и т. д. Через эти сборники русский читатель знакомился с изречениями не только христианских проповедников, но и античных философов и писателей. Аристотеля, Сократа, Демокрита, Платона, Плутарха, Еврипида, Демосфена и др. Многие афоризмы «Пчелы» цитировались древнерусскими писателями. Они вошли в разговорный язык и, видоизменяясь, становились пословицами и поговорками.
|
|
|
Отрывки из 15-й главы «Пчелы», содержащие суждения об учении и языке, печатаются по раннему списку, опубликованному в исследовании: Семенов В. Древняя русская пчела по пергаменному списку. — Спб., 1893.
ХОЖДЕНИЕ БОГОРОДИЦЫ ПО МУКАМ
...Богородица, хотящи дабы видьла, како ся душа мучать, и рече Михаилу архистратигу: «Исповъмся исповъждь ми, яже суть на земли всяческая». И рече къ ней Михаилъ: «Яко же... речеши, благодатная, азъ всяческая тебъ исповъмъ». И рече къ нему святая богородица: «Колко есть мукъ, идъже мучится родъ христь-янский?» — И рече къ ней архистратигь: «Неизрекомыи суть мукы». — Рече же къ нему благодатная: «Исповъжь ми на небеси и на земли».
И повелъ архистратигь явитися ангеломъ отъ полудне*, и от-верзеся адъ, и видь во адъ мучащаяся, и бяше ту множство мужъ и женъ, и вопль многь бяше. И воспроси благодатная архистратига: «Кто си суть?» — И рече архистратигь: «Сии суть, иже не въроваща во отца и сына и святаго духа, но забыша бога и върова-ша юже ны бъ тварь богъ на работу сотворилъ, того они все богы прозваша: солнце и мьсяць, землю и воду, и звъри и гади... Троя-на, Хорса, Велеса, Перуна на богы обратиша, бъсомъ злымъ вьро-ваша и досель мракомъ злымъ содержими суть, того ради здь тако мучатся...»
|
|
|
И видь на друзъмъ мьсть тму велику, и рече святая богородица: «Что есть тма сии, и кто суть пребывающи въ ней?» — И рече архистратигь: «Многи душа пребывають въ мъсть семь». — И рече святая богородица: «Да отымется тма сии, да быхъ видьла и ту муку». И отвъщаша ангели, стрегущии муку: «Поручено ны есть, да не видять свъта, дондеже явится сынъ твои благыи, паче 7 солнць свьтлийши». И прискорбна бысть святая богородица, и ко ангеломъ возведе очи свои, и возръвъ на невидимый престолъ отца своего, и рече: «Во имя отца и сына и святаго духа, да оти-мется тма сии, и да быхъ видъла сию муку». И отьятся тма си, и 7 небесъ явися, и ту пребываше множство народу, мужъ и женъ, и вопль многий бысть, и гласъ великъ исхожаше. И видъвши я пресвятая богородица и рече къ нимъ плачющися со слезами: «Что сотворили есте, бъдницы окаянии недостойнии, како вы съмо приидосте?» И не бысть гласа оть нихъ, ни отвъта, и рекоша ан-гели стрегуще: «Почто не глаголите?» Рекоша мучащийся: «О благодатная, оть въка нъсмь свъта видъли, да не можемъ зръти горъ». И возръвши на ня святая богородица и восплакася велми. И видъв-ши ю мучащийся и рекоша къ ней: «Како ны еси присътила* святая богородица, но сынъ твой благодатный на землю приходить, и не воспроси насъ, то ни Авраамъ прадъдъ, ни Моисъи пророкъ, ни Иоаннъ креститель, то ни апостолъ Павелъ, возлюб-ленникъ божий, но ты, пресвятая богородица, заступнице, — ты еси роду христьянскому стьна, ты молишь бога. Како еси насъ присътила бъдныхъ?» Тогда рече святая богородица, ко архистратигу Михаилу: «Что есть согръшение тьхъ?» — И рече Михаилъ: «Сии суть, иже не въроваша во отца и сына и святаго духа, то ни въ тя, святая богородица, не хотяща проповъдати имени твоего, якоже родися оть тебя нашъ Исусъ Христосъ, плоть приимъ, освяти землю крещениемъ, — да того деля* въ томъ мъсть мучатся». И паки прослезися святая богородица и рече къ нимъ: «Почто ся соблазнисте, не вьете ли вы, якожъ мое имя чте все создание?» То рекше святая богородица, и паки тма нападе на нихъ. Рече къ ней архистратигь: «Куды хощешь, благодатная, да изидемъ — на полудне или на полунощь*?» — И рече благодатная: «Изыдемъ на полудни». — Тогда обратишася херувимы и серафимы и 400 ангелъ, изведоша богородицу на полудень, идъжь ръка огненая исхожаше, и ту бяше множство мужъ и женъ, бяху погружении ту, овии до пояса, овии до пазуху, овии до шии, а друзии до верха. И видъвше святая богородица, возопи гласомъ великимъ и воспроси архистратига: «Который суть си, иже до пояса во огни погружении?» — И рече къ ней архистратигь: «Се суть, иже отець и матерей своихъ клятву* прияша, да за то здъ мучатся, яко прокляти суть»,— И паки рече богородица: «Иже суть подъ пазусъ въ огни, котории суть?» — И рече къ ней архистратигь: «Сии суть присныя куми были карящеся, а другии блудъ творяху, да за то ти здъ мучатся», И рече пресвятая богородица: «А иже суть до шия во пламени огню, котории суть?» — И рече къ ней архангелъ: «Сии суть, иже мяса ядшая человъча, да за то здъ мучатся тако»,— Рече святая богородица: «А сии до верха суть ввержении во пламени огню, который суть сии?» — И рече архистратигь: «Си суть, госпоже, иже кресть честный держаще, кленутся лжами,— таковыми силы честнаго креста, егоже ангели зряще трепещуть и со стра-хомъ поклоняются ему,— тогожъ человъцы держаще, кленутся имъ, не въдуще, какова мука ожидаеть ихъ; того ради тако мучатся».
|
|
|
И увидь святая богородица мужа висяща за нози, и червии ядяху его, и воспроси ангела: «Кто сей есть? что ли гръхъ со-творилъ есть?» — И рече къ ней архистратигъ: «Сии есть, иже приклады* имаше на злато свое и на сребро, да за то на въки мучится».
И видь жену висящу за зубъ, и различныя змия исхожаху изо усть ея и ядаху ея. И видъвши пресвятая, и воспроси ангела: «Что есть жена сии, что ли гръхъ ея?» — И отвъща архистратигъ и рече: «Та есть, госпоже, еже хожаше по ближная своя и по сусьдомъ, послушающи, что глаголють, и слагающи словеса неприязнена, сважающии* на сваръ*, да того ради сице мучится». И рече святая богородица: «Добро было человъку тому, да ся бы не ражалъ».
И рече кь ней Михаилъ: «И еще, святая богородица, нъсть видьла великихъ мукъ».— И рече святая ко архистратигу: «Изы-демъ да походимъ, да видимъ вся муки».— И рече Михаилъ: «Куцы хощеши, благодатная?» — И рече святая: «На полунощь». И обра-тишася херувими и серафими и 400 ангелъ, изведоша благодатную на полунощь, и бысть облакь огненъ раепростерть, посреди его одрове, яко пламеный огнь, и на нихъ лежаше множство мужъ и женъ. И видъвши святая, и воздохнувъ, и рече ко архистратигу: «Кто си суть, что суть согръшили?» — И рече архистратигъ: «Сии суть, госпоже, иже во святую недълю на заутреню не воставають, но лънящеся лежать, яко мертви, да за то ть мучатся».— И рече святая богородица: «Да аще кто не можеть встати, да что сотворили?» — И рече Михаилъ: «Послушай, святая, аще кому загорится храмина на четверо, и обыдеть и огнь и згорить, не мога востати, таковъ не имать грьха...»
И увидь святая богородица древо желъзно, имъюще отрасли и витвии желъзныи, и вершие вътвия того имъяше уды желъзныя, и бяше множство висящий, мужъ и женъ, за языки. И видъвше святая, прослезися и воспроси Михаила: «Кто си суть, что [ли] согръшении ихъ?» — И рече архистратигъ: «И се суть клеветницы и свадницы*, иже разлучиша брата отъ брата и мужъ оть женъ своихъ...»
И видь пресвятая жены висяща за вся ногти, и пламени исхо-жаше изо усть ихъ и опаляше вся, и змия исхожаше изъ пламени того и прилъпяху къ нимъ, и вопияху, глаголаше: «Помилуйте насъ, яко едины мучимся паче всъхъ мукъ». — И рече святая, про-слезившися: «Что есть согръшении тьхъ?» — И рече архистратигъ: «То суть попадьи, иже поповъ своихъ не почтоша и по смерти ихъ идоша за мужъ, да того ради мучатся».
И видь другия жены во огни лежаща, и различныя змия ядаху ихъ, и рече святая: «Что согръшение ихъ?» — И отвъща Михаилъ: «То суть монастыря черницы, яже тьлеса своя продаша на блудъ, да того ради здъ мучатся».
И рече архистратигъ: «Поди, пресвятая, и покажу ти, где ся мучить множство грешникь». И видь святая ръку огненую, и ви-дъние ръки тоя яко кровь текущи, и пояда всю землю, и посредь волны тоя множство гръшникъ. И видъвши богородица, просле-зися и рече: «Что есть согрешение их?» — Рече архистратигъ: «То суть блудницы и любодъицы, татие* ниже послушають отаи*, что суть ближний глаголять, свадницы и клеветницы... пьяницы, не-милостиви князи, епископи и патриарси, и цари, иже не сотво-риша воля божия, сребролюбци, иже лихву* емлють, беззакон-ницы». Слышавше то, пречистая богородица прослезися и рече: «Лють гръшникомъ!» — и рече ко архистратигу: «Тяжко согръша-ющимъ, да бы ся не ражали».
И рече кь ней Михаилъ: «Почто ся плачеши, святая, нъси ли видъла великихъ мукъ». И рече пресвятая: «Поведи мя, да вижю вся мукы». — И рече къ ней Михаилъ: «Куды хощеши, благодатная, да изыдемъ — на востокъ или на западъ или въ рай, на дес-но* или на лъво, идъже суть великия муки?» — И рече пресвятая: «Изыдемъ на лъвую страну». Слово рекше пресвятъй, и обратиша-ся херувими и серафими и 400 ангелъ, изведоша пресвятую оть востокъ на лъвую страну, и близь тоя ръки бяше тма мрачна: ту лежаше множство мужь и женъ и клоктаху яко въ котлъ и яко морския волны, и ображаются надъ грешники, да егда волны воз-хождаху, и погружаху гръшники 1000 локоти, не можаху рещи: «Праведный судья, помилуй ны». Ядяше же червии неусыпаяи, и скрежетъ зубомъ. И видъвше пресвятую ангели стрегуще, и возо-пиша вси едины усты, глаголяще: «Свять» свять, свять еси, боже святый, и ты, богородице, благословимъ тя и сына божия, ро-дившагося оть тебе, яко бо оть въка не видъхомъ свъта и днесь видимъ свъть тебе ради, богородице». И паки возопиша вси единъмъ гласомъ, глаголюще: «Радуйся, благодатная богородица; радуйся, просвъщение свъта въчнаго; радуйся, святый архистратиже Михаиле, моляся владыцъ за весь миръ, мы убо видимъ гръшныя мучащияся и зъло скорбимъ». Видъвши богородица ангелы скорбный и уныли гръшникъ ради, и возплакася пресвятая, и возопиша вси единымъ гласом, глаголюще: «Добръ есте пришли во тму сию, да не видить како ны есть мука; помолись, пресвятая, со архистратигомъ». И слыша плачъ и гласъ грыиныхъ, воздвигоша плачъ, свои, вопиюще и глаголюще: «Господи, помилуй ны», да яко опростиша молитву, уставися буря ръчная и волны огненыя, и явишася гръшницы, яко зерна горочная. И видъвши святая, прослезися и рече: «Что есть ръка си и волны ея?» — И рече къ ней архистратигь: «Сии ръка вся смолена, а волны ея вся огнены, а иже ся мучатъ, то суть жидове, иже мучиша господа нашего Ису-са Христа, сына божия, и вси языцы, иже крестишася во имя отца и сына и святаго духа, иже крестьяне суще, ти върують въ дъмоны и отвергошася бога и святаго крещения, и еже блудъ ство-риша по святомъ крещении, и съ кумы своими и съ матерьми своими и со щерьми своими, и отравницы, иже ядями уморяють человъки, и оружьемъ убивають человъки, и давятъ дьти своя, и того ради мучатся противу дъломъ своимъ». — И рече святая: «По дъломъ ихъ буди тако». И паки наиде на ня бурна ръка и огненыя волны, и тма покры я. И рече Михаилъ къ богородицы: «Аще ся кто затворить во тмь сей, нъсть памяти о немъ оть бога». — И рече пресвятая: «О лють гръшникомъ, яко неусыпаемыи есть пламы огня сего!»...
И рече пресвятая ко архистратигу: «При единой молитвъ молю ти ся, да вниду и азъ, да ся мучу со крестьяны, понеже нарекоша-ся чада сына моего». — И рече архистратигь: «Почивай въ раи». — И рече пресвятая: «Молю ти ся, подвигни воинства 7-ми небесъ и вся воинства ангел и, да ся помолимъ за гръшники, не бы ли насъ услышал господь богь и помиловалъ ихъ». — «Живъ господь бог, имя его велико, 7-жды на день и 7 на нощь, егда хвалу приносимъ владыцъ и за гръшники, госпоже, господеви поклоняемся, да ни худь насъ послушаетъ владыка». И рече пресвятая богородица: «Молим ти ся, повели ангельскому воинеству, и вознесете мя на высоту небесную и поставите мя предъ невиди-мымъ отцемъ». И повелъ архистратигь, и предсташа херувими и серафими, и вознесоша благодатную на высоту небесную, и по-ставиша ю предъ невидимымъ отцемъ у престола, и воздъ руцъ свои ко благодатному сыну своему, и рече: «Помилуй, владыко, грьшныя, яко видьхъ я, и не могу терпъти, да ся мучю и азъ со крестьяны». И прииде гласъ къ ней, глаголя: «Како хощу тыя по-миловати? а вижу гвоздия во дланехъ* сыну моему, да не имамъ како я ть помиловати». — И рече: «Владыко, не молюся за нев-ърныя жиды, но за крестьяны молю твое милосердие». — И прииде гласъ, глаголя: «Азъ вижу, яко братия моея не помиловаша, да нъсть ми како тьхъ помиловати». — И рече паки пресвятая: «Помилуй, владыко, гръшныя; помилуй, господи, тварь руку своею, яко по всеи земли твое имя нарицають, и въ мукахъ, и на всякомъ мъсте, и по всей земли глаголюще: пресвятая госпоже богородице, помогай намъ, и егда ражается человъкъ, и глаго-леть: святая богородице, помози ми». Тогда рече къ ней господь: «Послушай, пресвятая богородице, владычице, — ньсть того че-ловъка, иже не молить имени твоего; азъ же не оставляю тьхъ то ни на небеси, ни на земли». — И рече пресвятая богородица: «Гдь есть Моисъи пророкъ, гдъ ли суть вси пророцы, и вы, отци, иже гръха не сотвористе николиже; гдъ [ли] Павелъ возлюбленикъ божий; гдъ есть Недъля, похвала христьянская; гдъ ли есть сила че-стнаго креста, иже Адама и Иевгу1 оть клятвы избави?» — Тогда Михаилъ архистратигъ и вси ангели рекоша: «Помилуй, владыко, гръшныя». Тогда Моисъи возопи, глаголя: «Помилуй, владыко, яко азъ законъ твой дахъ имъ». Тогда Иоаннъ возопи, глаголя: «Помилуй, владыко, азъ евангелие твое проповьдахъ имъ». Тогда Павелъ возопи, глаголя: «Помилуй, господи владыко, яко азъ епи-столья* твоя прияхъ церквамъ»... Тогда вси святии, слышавше владыку глаголюще, не смъша что отвъщати.
И видъвше пресвятая, яко вси не успьша ничтоже и господь святыхъ не послуша, но удаляеть милость свою оть гръшникъ, и рече пресвятая: «Гдъ есть архистратигъ Гаврилъ, иже возвьсти мнь: радуйся, якоже преже всъхъ въкъ внемляше отца, и нынъ на гръшники не призираеть?.. гдъ суть служители престолу, гдъ есть Иоаннъ Богословець? почто не явистеся съ нами на мольбу вла-дыцъ за крестьяныя гръшники? не видите ли мене плачющуюся за гръшныя? Приидъте вси ангели и сущий на небесъхъ; приидъти вси праведнии, яже господь оправди, и вамъ дано есть молитися за гръшныя. Прииди ты, Михаиле, — ты еси первый безплотнымъ до престола божия, — повели и всъмъ, да припадемъ предъ неви-димымъ отцемъ и не подвижемъ себе, дондеже послушаеть насъ богь и помилуеть гръшныя». Тогда падеся Михаилъ ницъ лицемъ своимъ предъ престоломъ, и вся дики небесныя, и вси чини бес-плотныхъ. И видь владыко молбу святыхъ, умилосердися сына ради своего единороднаго и рече: «Сниди, сынъ мой возлюбленный, виждь молбу святыхъ и яви лице свое на гръшники».
И сшедъ господь оть невидимаго престола, и увидеша и во тмъ сущий, и возопиша вси единымъ гласомъ, глаголюще: «Помилуй ны, сыне божий; помилуй ны, царю всъхъ въкъ». — И рече владыко: «Слышите вси, — рай насадихъ и человъка создахъ по образу своему и поставихъ и господина раеви, и животъ вечный дахъ имъ, они же ослуху створиша и въ своемъ хотьнии согръшиша, и предашась смерти; азъ же не быхъ хотълъ обозрити дъла руку своею мучима оть диявола, снидохъ на землю и воплотихся во дъвицу, и вознесохся на кресть, да свобожу ся оть работы и оть первыя клятвы; воды испросихъ, и даша ми желчи со оцетомъ* смъщено; руцъ мои создаста человъка, — и во гробъ вложиша мя; да и во адъ снидохъ и врага своего попрахъ, избраны своя воскресихъ, Иорданъ благословихъ, да вы прошу отъ первыя клятвы, — и вы небрегосте покаятися гръховъ своихъ, но крестьяне ся творяще словомъ точию, а заповьдей моихъ не соблюдосте; да того ради обрьтостеся во огни негасимомъ, да не имамъ васъ помиловати. Нынъ же за милосердие отца моего, яко посла мя къ вамъ, и за молитвы матери моея, яко плакася много за васъ, за Михаила архистратига завъту и за множество мученикъ моихъ, яко многа трудишася за васъ, — и се даю вамъ мучащимся день и нощь отъ великаго четверга до святыя пянтикостия*, имъте вы покои и прославите отца и сына и святаго духа». И отвъщаша вси: «Слава милосердию твоему».
Слава отцу и сыну и святому духу, и нынь и присно и во въки въкомъ. Аминь.
1 Иевга — Ева.
Дата добавления: 2019-09-13; просмотров: 167; Мы поможем в написании вашей работы! |
Мы поможем в написании ваших работ!